زئير النمر لا يقتل الفريسه..

٤

صباح الخير حبايبي..ادري تاخرت عليكم لكن والله حصل عندي ظرف..وان شاءالله اني على الموعد معكم الاحد في بارت والخميس بارت❤️

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

~\البارت الرابع/~

(ادعو لوالدي برحمه والمغفره)..

عصر الديرة..

بين شبوك الغنم كانت الجدة نشميه رافعه عباتها السوداء تحت عضدها لتبين جلابيتها الخضراء..

بين كفها واحد تمسك صحن معدن محفور من الداخل وكفها الاخر تحاول حلب العنز..

اتاها صوت شداد منادي/تعالي يا نشميه تقهوي وخليها عنك العامل يجي يحلبها..

الجدة نشميه ادارة وجها تنظر في شداد الذي جالس على الرمل النظيف وامامه ترمس القهوه وصحن التمر..

زفرت بحده/عاملك هذا ذايه عساه لذوه العنز مبطية ما نحلبت..

شداد اجابها بحزم/تعالي وعيني خير امس الصباح شايفه بعيني حالبها..

الجدة نشميه افلتت العنز ثم نهضت واقفه اقتربت لشداد وهي تمد له صحن الحليب/تشرب ولا باخذه لظبي تفوره على النار وتشربه؟..

شداد هتف بحنو/خذيه لظبي انا شبعان يالله من فضلك..

الجدة نشميه ضعت الحليب في قنينه و حكمت اغلاقه ثم جلست تقهوا مع شداد و عينيهم وحديثهم عن الغنم

رن هاتف شداد اظهره من مخباه/عسى خير..

رد بخشونة/مرحبا..

الطرف الاخر/مساك الله بالخير يابو محمد شلونك بشرني عنك؟..

شداد قطب/بخير يا عساك بخير من معي؟..

الطرف الاخر/انا فيصل تذكرني جيت امس للبيت سالت عنك مانت موجود؟..

شداد بحزم هادئ/يالله تحيه شلونك شلون ابوك عساكم بخير؟..

فيصل بذات الحزم/كلنا بخير ونحمد الله ياعم انا بسالك وش صار بموضوعي؟..

شداد تنهد بحيره/يابوك موضوعك رديت عليك من قبل البنت عيت ولا ني غاصبها..

فيصل تنهد بعمق ثم خفت برجا اعمق/تكفى ياعم حاول فيها تراي طالب قربك وشاريكم من بين الناس كلها..

شداد ضاق صدره عليه/والله ان ودي فيك لكن العذر من الله ثم منك الشور شورها والراي رايها..

فيصل هتف بيقين/طيب انا ماني مستعجل بعطيكم اسبوع ثاني كاد الله يهداها وتوافق؟..

شداد بذات الضيقه/يا وليدي يمكن اقول لك اصبر وهي مصره على رايها؟..