زئير النمر لا يقتل الفريسه..

68

..رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت الثامن و الستون /~

نمر يتمدد جوار سلطانه وهو يتسال باهتمام/مريت على البنات نايمات شلون شروق اخذت دواها؟؟..

سلطانه اجابتة من طرف انفها/اي خذت دواها..

نمر قطب جبينه/وانتي علامك منفسه؟..

سلطانه التفتت له بحده/طبعاً بنفس نمر اختك زودتها هالمره تقط الكلام وما تحسب حسابه وبعدين تدخل بالخدم وتهدد ساري بالطرد بي حق واخر شي تبلغ عزيزة بحمل مرت معاذ وتصدمها؟..

نمر سال بغرابه/ليش وعزيزة ما كانت تدري؟..

سلطانه بطولة بال/لا ما تدري لكن البركه بشيخه تمشي و تهذا..

نمر هتف بحزم/خليك منها شيخه انا اتفاهم معها..

فهو حقاً ملاحظ من فتره على شيخه طولة لسانها وتدخل بما لا يعنيها لكنه لم يوضح ذالك امام سلطانه

من اجل لا تكبر المشاكل بينهما وكذالك شيخه تبقى شقيقته مهما كانت غلطتها يعاقبها بينه وبينها..

سلطانه تسال بنفاذ صبر/ومتى ان شاءالله تبي تفاهم معها من تزوجتك وهي ناشبه بحلقي وانا متحمله لكن اذا ما لزمت حدها ترا بتصرف معها..

نمر بحزم اعمق وابلغ/قلت لك شيخه انا اتفاهم معها غير سكري الموضوع..

سلطانه تنظر له نظرة قارصه/وانت هذا اللي فالح فيه بس تسكتني وغيري قدامك يتمادا ولا تنطق بكلمه؟..

نمر تنهد بضيق/سلطانه خلاص عاد ترا راسي مصدع من العصر تحنين..

سلطانه تحضن غطاء الفراش على صدرها وهي تزفر بغبنه/اصلاً انا اللي متعبه نفسي وشكي لك حقي اخذه بيدي..

نمر بنبرة حديديه/حقك محفوظ بلا مشاكل تراي ماني فاضي لكم يا الحريم..

سلطانه تشد على اسنانها بتماسك/خلاص مانت فاضي لمشاكل الحريم خل نحلها بينا..

نمر مد يده ومسح على شعرها برفق/انتي ما تتعبين من الكلام خلاص هدي..

سلطانه تصد عنه بغيظ/لاني تعبت من التقاضي ما شفت فايده..

نمر مال وقبل جبينها ثم همس قريب لها/خبري بعقلك كبير وغير عن باقي النسوان وش غيرك؟..

سلطانه تنهدت بعمق/للاسف عائلة الفخر غيروني كثير و صنعو مني شخص ثاني..