زئير النمر لا يقتل الفريسه..

23

يسعد مساكم..بنات نزلت لكم البارت اليلة..بكرا الاحد الصباح ماراح اكون فاضيه..ولا ابيكم تنتظرون❤️

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت الثالث و العشرون/~

عصر يوم الخميس..

الجدة نشميه تسال الظبي باهتمام/خذتي هدوم للعرس بكرا؟..

الظبي اجابتها وهي مبوزه/اخذت..

الجدة نشميه هتفت بامومة/يامك علامك مغتاظه ترا انا ادرى بالدنيا البنت ما تنخلا بيت لحالها واهلها بديرة بعيده..

الظبي زفرت بغيظ/يعني وش يبي يصير يا جدة تنبت للي جنحان وبطير؟..

الجدة نشميه بحزم جدي/لا ادري انك مانتي طايره من كبر فخوذك لكن لو دخل عليك حرامي يعشي فيك وحنا ما وصلنا..

الظبي ركزت على كلمه واحده وهي تنظر جسدها/افا ياجده تنمرين على جسمي؟..

الجدة نشميه ابتسمت/وش اسوي فيك صدعتي براسي بس تزعلين وانا وجدك كل يوم نراضي فيك..

الظبي ابتسمت بدلع/و حيدكم تحملوني وحافظو علي ترا ماكل ديره فيها وحده اسمها الظبي..

الجدة نشميه اتسعت ابتسامتها/الظبي كثير لكن مافي مثلك يا عوينتي انتي..

الظبي خفتت بتحذير/يا جدة ترا انا بروح عشانك بس اعلمك من الحين بيت عمي محمد والله ماطبه..

الجدة نشميه هتفت بحزم بالغ/اكيد يامك لا تنقلين هم ماني خبله اوديك لبيت بارد الوجهه شهاب..

الظبي انزلت عينيها وهي تغير الموضوع/طيب متى نمشي وش يقول جدي؟..

الجدة نشميه تنهدت بعمق/جدك يجي الحين لكن انا بخاطري كلام بقوله انتي تسمعينه؟..

الظبي فهمت عليها/اسمعك ياجدة اللي بخاطرك قوليه..

الجدة نشميه تنهدت بضيق/يامك الوعد بيني وبين شهاب اليوم ارد عليه وهو والله ناصيني ودي الله يرضى عليك نقول له البنت بتفكر و..

الظبي بمقاطعه غاضبه/لا يا جدة امنتك الله تقولين له الكلام اللي قلت لك من قبل والله لو مايبقى بدنيا الا هو ماخذته وانتهى الكلام..

الجدة نشميه كانت على وشك تحاول باقناعها لولا بانه وصلهما ندا شداد باستعجال/يالله يا نشميه الظبي السياره جاهزة..
————————————————————
سلطانه متفقه مع معاذ تشغل عزيزة وتهتم بها فهي حقاً خائفه على صحتها تنهار لو وصلها خبر الحفل؟؟..