زئير النمر لا يقتل الفريسه..

85

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت الخامس و الثمانون/~

نمر عندما دخل المجلس سال بتوجس/امر يا معاذ وش الموضوع المهم اللي تبيني انا وامي فيه؟..

الجدة نشميه تقترب كذالك بقلق/عسى ما فيكم شي؟..

معاذ فجرها بكلمه واحده حازمه حاده من غير تردد ولا حتى خوف ومهابه/انا قررت اتنازل عن راشد..

حـــــــــينـــــــــها!!..

حـــــــــينـــــــــها!!..

نمر شده مع جيبه و صرخ عليه بشده غاضبه وصدمة عميقه/تبي تنازل عن قاتل ابوك عشان بنته؟..

معاذ بنبرة متعبه جداً/ياعمي ماهو عشانها عشان بنتي انا مابيها تعيش اليتم مثلي لن امها حاولت الانتحار مرتين..

نمر دفعه بعضب اعمق واشد/تنحتر تموت يتيتم بنتك هذا ما يهمني اللي يهمني شي واحد راشد ينفذ قصاصه تفهم؟..

معاذ بذات النبرة/انا بنتنازل عنه لوجه الله انت ماتبي تنازل؟..

نمر كاد ينفجر من القهر/كذاب ما تنازلت لوجه الله متنازل عشان عيون بنت راشد ارخصت دم ابوك يا الردي..

معاذ بقهر اعمق/ايه عشانها اذا انت قاسي انا ماني مثلك ماني مثلك اشوف بنتي وزوجتي يموتون قدام عيوني وبرد قلبي..

نمر اشر على انفه كنايه على الصمت/اقطع واخس لا اعطيك طراق يا نثر ضروسك راشد يقص رضيت ولا انرضيت..

معاذ التفت لجدته الصامته مستنجد فيها/يا جدة انتي شفتي المعناه اللي انا اعيشها بعيونك لا تحسبون دم ابوي رخيص عندي لكن الحي ابقى من الميت..

نمر يعصر كفه قبل يفعلها و يصفعه/الا ارخصت دم ابوك عشان مره يالخروف عشرين سنه وحنا بشتات وندور على المجرم وهو عايش بينا ومتزوج امك بعد كل عمايله السودا جاي انت وجهك تقول بتنازل؟..

معاذ تنهد بطولة بال/انا ما نكر ان راشد مجرم لكن بنفس الوقت انا اخذت اقواله الرجال يحلف انه ما ذبح عمد ولا يعرف ابوي السبب كله صياح و و..

نمر بمقاطعه غاضبه متفجره/اقول بس تلايط جاي تبي تبريه بعد الا مجرم وقاتل ورقبته تبي تنقص غصبن عليك وعليه وان فتحت موضوع التنازل مره ثانيه قصيت لسانك..

الجدة نشمية بتدخل مفاجئ/مانت احر من معاذ على ابوه يا نمر لكن هو صادق الحي ابقى من الميت ومن عفى واصلح فاجره على الله..