زئير النمر لا يقتل الفريسه..

50

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت الخمسون/~

شيخه تخلع نقابها وهي تسال ببتسامه/ماشاءالله من متى وانتي بالقصر مادريت عنك؟..

لطيفه التي تستقبلها مرحبه اجابتها بهدو/للي يومين جابني نمر..

شيخه اتسعت ابتسامتها/والله صبرتي ونلتي يا لطيفه صار ابو شامخ مايصبر عنك جابك قريبه عنده..

لطيفه تبتسم بصعوبة/اي يقول امن لك وللي بطنك تكونون قدام عيني..

شيخه كاد تحلق فرحاً/كفو عليك خلي اللي فوق تشتعل من الغيرة وتشوف بعينها انك بشهرين اخذتي قلب شيخ القبيلة..

لطيفه تجلس جوارها ثم خفتت بحذر/صارت بينها وبين نمر مشكله البارح وشفته دفعها عنه وهو معصب مره..

شيخه التفت لها بفضول/متى صار وليش ماسالتي نمر وش تبي منه؟..

لطيفه هزت كتفيها بمعنى لا اعلم/والله مادري ونمر اخوك وتعرفينه اكثر مني مستحيل يتكلم عندي عنها ولا عن غيرها..

شيخه زفرت بغبنه/اكيد انها تبيه ينام معها بالغرفه انقهرت يوم شافتك صدق ماعندها كرامة الرجال محرمها وهي تركض وراه؟..

لطيفه اتسعت عينيها صدمة/كيف يعني محرمها؟..

شيخه تميل وتخفت لها من قرب/اسمعي بعلمك بس انتبهي نمر يدري اني قلت لك والله ليطلع بروحي وروحك..

لطيفه هزت راسها بذهول/ماراح اقول بس تكلمي؟..

شيخه بدات تحدثها عما حدث وقت وفاة شامخ تحريم نمر لسلطانه وكل واحد منهما ينام بغرفه..

لطيفه كانت تسمع وهي مصعوقه بالفعل كما لو كان ضربها كهرباء جعلها ترتعش بصدمة من قسوة نمر!!

لكن حقاً شعرت بسعادة لا توصف عندما علمت بان نمر لها وحدها رغم جمال سلطانه الا انها بالاسم فقط

لم يهما تلك الجمال التي تملكه بما انها لم تحرك مشاعر نمر الذي هجرها اربع سنين على كلام شيخه؟

لم يلتفت لها وهو عازب فكيف بعد زواجه منها واثقه مهما حاولت سلطانه فيه بما انه مكتفي فيها لم تهزه.

لطيفه لا تعلم كيف ان تعبر عن سعادتها لتو تفهم البرود المتبادل بينهما وعدم الكلام مع بعضهما..

شيخه تحذرها للمره الثانيه/انتبهي يا لطيفه نمر يدري عن كلامي تراه لا عصب اقشر..

لطيفه اجابتها بثقه/افا عليك سرك في بير بس مفروض يا شيخه الكلام ذا ادري عنه من زمان..