زئير النمر لا يقتل الفريسه..

21

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت الواحد و العشرون/~

صباح جديد..

الجدة نشميه تتجه الحوش وهي تستند على عصاتها بثقل/اصبحنا واصبح الملك لله سعديه يا سعديه..

سعديه اتت/هلا جده؟؟..

الجدة نشميه بتسال/فرشتي لشداد فرشه بالحوش؟..

سعديه باحترام/ايه وحطيت القهوه والشاي عنده..

الجدة نشميه بحنو/هو موجود متى جا من المزرعه؟..

سعديه هزت كتفيها/مادري يمكن ماراح مزرعه اليوم..

الجدة نشميه تقترب من شداد الذي جالس على السجاد الحمر وساند كوعه على المركه ويتقهوا..

هتف باسم/حي الله ام حاتم صباحك الله بالخير..

الجدة نشميه تجلس جواره بثقل/صباحك الله بالنور شلونك عساك طيب..

شداد بحزم ودي/طيب طاب حالك وش ذا النوم يا دافع ماهو بعادتك تنامين لشروق الشمس؟..

نشميه تنهدت بهم/البارح ما غفت للي عين لين صليت الفجر و رجعت لفراشي وخذيت للي غفوه..

شداد سال باهتمام/عسى ماشر شفيك مانمتي؟..

الجدة نشميه هتفت بذات الهم الواضح/والله مادري يابو محمد اخاف هرجي يزعلك وانا ماقوى على زعلك..

شداد عقد حاجبيه/يا نشميه انا لو ازعل من الناس كلها انتي مازعل منك يكفيني انك مخليه عيالك وجايه عندي بيتي ماتبين احس بالغربه افا عليك بس قولي اللي بخاطرك..

الجدة نشميه تنظر به بمودة/مادام راسي وراسك يشم الهواء والله ما فارقك ياخوي لو يقيدون يديني ورجليني عيالي..

شداد ابتسم بتقدير/يا عسى الله يخليك للي ولا يخليني منك امريني بس؟..

الجدة نشميه هتف بحزم/ولد محمد اشغلني نشب بحلقي له كم يوم لا ليله ليل ولا نهاره نهار..

شداد كشر ملامحه/وش يبي الله يشغله بنفسه..

الجدة نشميه بذات الحزم/عين خير يا شداد ترا شهاب مهمها كان حفيدك ومن ظهر ولدك..

شداد فار دمه/لو الدم يفصل والله لا فصل دمي من دمه ما جرحني واذاني بالحياة كثره طلق اليتيمه وشمت عليها العدوان؟..

الجدة نشميه زفرت بضيق/الولد يبي يصلح خطاه لكن انت عطه فرصه وهد الامور..

شداد قطب بشدة/وش يبي يصلح؟..