زئير النمر لا يقتل الفريسه..

90 والاخير

يسعد مساكم بكل خير..

بمن البارت جاهز حبيت اقدمه قبل موعده..

اتمنى ما تنسوني من دعاكم❤️

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت التسعون والاخير/~

..مرور ثلاثة اشهر..

نمر ينظر ثلاثة من العاملات تنزل الشنط مع الدرج و سلطانه تتبعهم وهي ترفع جز من عباتها الانيقه..

للتسع عيناه صدمة/وش له كل ذا الشنط ترا بنسافر مو مهاجرين؟..

سلطانه اجابته بحزم رقيق/شنطه لك وشنطه للي وشنطه لشامخ وشنطه لشروق وغروب..

نمر رفع حاجبيه بتعجب/والله عجيب حتى شامخ النتفه له شنطه بروحه؟..

سلطانه ابتسمت بدلع/حبيب امه لازم اخذ له تغيرات كثيره اخاف يكون الجو متقلب يوم برد يوم حر..

نمر سال باهتمام/طيب وينه شامخ وخواته مانبي نتاخر باقي على رحلتنا ساعه؟..

سلطانه تقترب له وهي تربط نقابها/شامخ مع ساري تغير له والبنات بغرفتهم يجهزون الحين ينزلون..

نمر امر العاملات بحزم بالغ/حطو الشنط بسيارة..

العاملات نفذت بصمت بينما هو اقترب وخفت لسلطانه بنبرة من الصميم/تدرين ذي يمكن اول مره اسافر فيها برا السعودية ومن صغري ما اهوى السفر ولا عمري تركت شغلي واعتمدت على غيري لكن لاجل عين تكرم مدينه انتي لو تطلبين روحي ما غلت عليك..

سلطانه تنظر له بحب وخلاص/جعلني والله افدا عيونك يابو شامخ ولا اخلا من وجودك بحياتي..

نمر مال عليها وقبل جبينها/يا حبيبة قلبي انتي والله..

غروب قطعت حديثهما بشقاوتها وهي تقفز الدرج بعجله كعادتها/يوبه يلا حنا جاهزين مانبي نتاخر..

شروق تتبعها بهداوه/باقي بس شامخ يجهز..

نمر ابتسم لهما بحنو/اكيد اخذتم اغراضكم كامله ترا لا وصلنا المطار ماراح ارجع للبيت مهما يصير؟..

غروب تجيبه بطفولة/كل شي اخذناه حتى ايباداتنا و لعابنا وحتى اخذت الحلويات و شبسات اللي انا احب اكلهم..

نمر قطب جبينه/ليش كل ذا كانك تبين تموتين من الجوع هناك؟..

سلطانه تضحك بعذوبه/خلها على راحتها..