أصبحتِ كالدَّمِ يجري بين أوردتي (عشق اليوسف ❤️)

اللهم صلِّ وسلّم وبارك على رسول الله ❤️

سبحان الله.. الحمدلله..الله أكبر..لا إلٰه إلا الله
..لا تنسَ ذكر الله والصلاة على خير الآنام❤️
....
الفصل الرابع
.....
في فيلا مالك ....
الصدمة وقعت على يوسف قبل الكل
مالك:ههههه
يونس وعبدالرحمن باستغراب:بتضحك ع إيه ؟!
مالك:أصل أنا مستغرب لأن مريم أصغر واحدة خالص في العيلة وبنات العيلة كلهم ما شاء الله أكبر منها ولسة في أولى جامعة كمان
مريم للحظة تخيلت إن اللي عايز يتجوزها هو يوسف وبعدها بصت ليوسف وحست بخيبة أمل وقررت إنها تحاول تنساه
يونس :أيوة فعلا مريم لسة صغيرة بس أنا بنت أخويا قمر ما شاء الله وأي حد يتمناها
عبدالرحمن بمكر:أيوه فعلا أي حد يتمناها ويا حظه اللي هياخد مريوم قلبي

ي

وسف ..الصدمة كفيلة إنها تخليه ساكت ومش عارف يتكلم
مريم أخيرا اتكلمت: حبيبي يا عمو بس أنا آسفة أنا مش بفكر في جواز دلوقت أنا لسة 19 سنة ولسة قدامي دراسة طويلة
يونس :اه فعلا أنا أصلا كنت عايز أقول لوالد العريس كدا بس مكنش ينفع أتصرف من دماغي
مريم:كلام إيه ده يا عمو حضرتك ذي بابا بالظبط
يونس: حبيبتي يا مريوم
يونس وعبدالرحمن قاموا:طيب هنمشي إحنا عشان مريم تعبانة وتستريح شوية
مالك :لسة بدري إقعدوا شوية
عبدالرحمن:نبقي نكمل السهرة بكرة إن شاء الله..مريوم
مريم:نعم يا عمو
عبدالرحمن:بكرة إن شاء الله يوسف هييجي وهيشرحلك المحاضرات اللي هتفوتك وكل اللي أنتِ عايزاه
مريم:تمام شكرا لحضرتك يا عمو
عبدالرحمن:شكرا إيه يا مريوم يا حبيبتي إحنا تحت أمرك يا جميل
مريم : الأمر لله يا عمو
عبدالرحمن:يوسف هتيجي لبنت عمك بكرة إن شاء الله إمتى
يوسف بتوهان :اه اه تمام ...هخلص المحاضرات في الجامعة الساعة 1 إن شاء الله 3كويس
مريم :اه تمام
عبدالرحمن:طيب تمام كدة يلا يا حبيبتي إستريحي أنتِ عشان تكوني بخير وتبقي أحلى دكتورة كدة وتشرفينا
مريم بإبتسامة:إن شاء الله يا عمو
وعبدالرحمن ويونس وعيلتهم مشوا
مريم :هطلع أستريح شوية بعد إذنك
عبدالرحمن:تمام يا حبيبتي وهبعتلك الصبح أحمد إن شاء الله تروحوا معمل التحاليل بتاع أسماء بنت عمك
مريم بتوتر :مالوش لازمة يا بابا أنا بقيت كويسة الحمدلله
عبدالرحمن:لا يا حبيبتي كلمتى واحدة لزيادة الإطمئنان
مريم هزت راسها
ولفت وشها ودموعها نزلت وطلعت بسرعة وقفلت باب أوضتها بالمفتاح وخلعت النقاب وقعدت على السرير واتكلمت بدموع :ليه يا يوسف ليه أنت الوحيد اللي قلبي أختارك ليه مش عارفه من غير ما أفكر فيك ليه أنت شاغل قلبي وتفكيري وكل حياتي حاولت أنساك كتير ومش قادرة دعيت ربنا كتير إنك لو مش نصيبي أنساك دعيت إني لو مليش خير فيك أنساك ومش قادرة ليه أنت اللي سكنت قلبي بالذات ليه أنت بالذات اللي بحبك أوي أو كلمت بحبك قليلة أنا عديت الحب ليه بكتير ليه بحس إن في معاملتك إهتمام أو يمكن أنا بتخيل لأني بعشقك وده اللي اكتشفته بعد اللي أنا سمعته في الجامعة إنهاردة مكنش المفروض إني أدوخ وأقع بس دا أنا قلبي اتكسر اااااه يارب يارب لو كان هو الزوج الصالح اللي تتمناه قلبي فاجعله من نصيبي وإن كان شرا لي فاجعلني أنساه ...
عائشة كانت رايحة أوضتها وأول ما سمعت بكاء مريم كانت هتخبط وتدخل بس لما سمعت إنصدمت ومرضتش تدخل إحتراما لخصوصية أختها وقالت أكيد اللي حصل في الجامعة ليه سبب بتعيط إنهاردة يا مريم بس يا ترى إيه اللي حصل يارب ريح قلب أختي أنا أكتر واحدة حاسة باللي هى بتمر بيه ريح قلبها يارب ...
وبعد كدا مريم في أوضتها قامت وصلت القيام وكان دعائها يارب إجعل يوسف من نصيبي ..وعائشة في أوضتها إتوضت وصلت القيام ودعت لأختها براحه البال وليها
.......................
فيلا عبدالرحمن
رجعوا كلهم البيت ويوسف طلع على أوضته فورا وقفل الباب بالمفتاح ووقف في البلكونة زهقان وباصص بعيد وبيقول :بتضيعي مني يا مريم لحد إمتى هفضل خايف إنك تضيعي مني وحد ياخدك مني لحد إمتى هفضل كاتم حبك في قلبي وساكت أنا مستني على ما تعدي السنة دي وتكبري شوية وأتقدملك يا مريم دايما بدعي بيكِ في صلاتي دايما أنتِ حلم في بالي أنتِ حلم السنين يا مريم أنتِ الحلم اللي أنا بتمناه في كل وقت ربنا يجعلك من نصيبي يا مريم بس يا ترى كان سبب تعبك إنهاردة أنا واثق إنه مكنش بسبب البنت اللي كانت في المدرج بس أكيد في سبب تاني ...وقام إتوضى وصلى قيام الليل ودعى في صلاته بمريم
......
عند صلاة الفجر كل العيلة قامت صلت وكلهم إتقابلوا في المسجد والبنات بتصلي في البيت
......تاني يوم
الساعة 10 صباحا
عائشة خبطت على مريم ومريم مردتش فدخلت
عائشة :مريومتي
مريم :......
عائشة :يلا يا مريوم إصحي
مريم :فتحت عينيها بالعافية عايزة إيه يا عائشة
عائشة:ينهار أبيض مالها عينك يا بت يا مريم
مريم : مفيش دماغي مصدعة شوية
عائشة :طيب قومي قومي حطي عليها ماية ساقعة عشان تفك
مريم :قامت حاضر
عائشة :خلصي وصلي وإلبسي وإنزلي عشان نمشي
مريم :هنروح فين
عائشة : معمل التحاليل عند أسماء
مريم :أيوه صح بس أنتِ مش عندك محاضرات
عائشة:لا يختي معنديش إنهاردة فقولت أروح مع أختي الغلبانة دي أصل أنا عارفة أختي بتحب الحقن موت
مريم حاولت تبتسم
عائشة :مالك يا مريوم إيه النكد ده متضحكي يا بت
مريم :حاضر يا عائش
وبعد كدا مريم دخلت أخدت شاور وبصت لنفسها في المرايا ولاحظت فعلا إن عينيها من كتر العياط وارمة جدا
وإتوضت وصلت ولبست فستان أسود ونقاب أسود ونزلت
مريم :السلام عليكم
الجميع :وعليكم السلام ورحمة الله وبركاته
مالك:تعالي جنبي يا فراشتي
مريم راحت وقعدت جنبه وابتسمت ليه
مالك:يلا يا حبيبتي إفطري
مريم :بدأت تمثل إنها بتاكل بس مأكلتش وقامت
نور :رايحة فين يا حبيبتي أنتِ مأكلتيش حاجة
مريم : الحمدلله أنا كلت يا ماما
مالك:إقعدي كملي أكلك يا مريم
مريم :معلش يا بابا متغصبش عليا بس أنا شبعت
مالك هز رأسه وقال تمام يلا أحمد أنت وعائشة خدوا مريم وروحوا
أحمد قام وأخد فونه والمفاتيح ولبس النضارة
ومريم وعائشة طلعوا وراه وركبوا العربية
مريم قاعدا شاردة وبتبص من شباك العربية وساكتة
أحمد وعائشة لاحظوا
أحمد همس لعائشة :هى مالها مريم
عائشة:مش عارفة فرفشهنا يا أبو المفهمومية
أحمد:أكيد يا صاحبي هو أنا أى حد
عائشة بغيظ:لا ما هو مفيش حد زيك في إنك تعصب اللي قدامك فعلا
أحمد:ليه بس يا عائش دا أنا طيب
عائشة اه أنت هتقولي المهم شوفلنا بقا الهانم اللي مكعمشة وشها كدا بالله عليك فكه ليفضل متكعمش كدا
أحمد :ههه تمام
أحمد :مريوووم
مريم :.......
أحمد :يا مريم
مريم :ها نعم يا أحمد بتقول حاجة
أحمد :مالك يا مريوم شاردة في إيه
مريم :ها لا مفيش حاجة
أحمد:عارفة يا بت يا مريوم أنتِ لو مكنتيش أختي
كان زماني متجوزك بت كدا إيه قمر بالله
مريم :ههههه والله
أحمد:أيوه كدة إضحكي خلي الشمس تطلع ..يلا وصلنا
نزلوا كلهم ودخلوا المعمل
أحمد :السلام عليكم ورحمة الله وبركاته
أسماء بإبتسامة :وعليكم السلام ورحمة الله وبركاته...إيه اتأخرتوا ليه مستنياكم من بدري
أحمد :معلش بقا عما مريوم صحت أنتِ عارفة ..أنتِ مرحتيش الجامعة ولا إيه
أسماء:اه مفيش إنهاردة محاضرات فجيت المعمل ..يلا يا مريوم مستعدة
مريم بخوف :إن شاء الله
وبعد محايلات ووقت طويل تم أخذ عينة الدم الحمدلله
عائشة بتعب :اااه يا شيخة حرام عليكِ دكتورة وخائفة يتاخد منها حقنة دم
مريم :تحبي تجربيها أنتِ
عائشة:لا وليه الطيب أحسن يا بنتي
أسماء:التحاليل هتطلع بالليل إن شاء الله مش إحنا هنتجمع إنهاردة عند عمو عبدالرحمن إن شاء الله
عائشة :اه إن شاء الله
أسماء :خلاص نجيبها معايا وإحنا جايين إن شاء الله
أحمد:خلاص تمام ..يلا بينا إحنا هتعوزي حاجة يا سمكة
أسماء :لا سلامتك يا أحمد
أحمد وعائشة ومريم نزلوا
أحمد : أنا متبرع ليكم وهعمل ثواب فيكم وهعزمكم على الغدا ها إيه رأيكم
عائشة :لا لا أنتِ مش أنت أكيد سخن هههه
أحمد:ههه يا بت عيب دا أنا أبو الكرم
عائشة :اه دا أنت أبو الكرم وأمه كمان المهم إعزمنا يلا
مريم :ههه لا يلا نروح ونتغدا في بيتنا
أحمد :ههه والله البت مريوم دي بتفهم ومش عايزة توقعلي الميزانية حبيبة أخوها دي
عائشة :شوفتوا بقا شغل السهوكة البت عاملة فيها الشريفة يا بت بطلي أم النكد بتاعك ده وأنت يا اخويا متتصلبش هتعزمنا مش أنت اللي قولت و
أحمد :بس بس خلاص راديو خلاص يلا بينا
وأحمد أخذهم وراحوا مطعم وإتغدوا
عائشة :اه الواحد شبع ياض يا أحمد تعيش وتفرتك الفيزا
أحمد :اه ما هو أنتِ خسارنة يا أوزعة مفيش غير لسانك الطويل ده اللي هيتقص عل إيدي قريب
عائشة :وهو في أحلى من اللسان الطويل ده عسل يلا يا أحمد يا أخويا روح ربنا بوعدك بواحدة لسانها متبري منها
أحمد بشرود ابتسم :وقال يارب
عائشة بتضيق عينيها وبتقول :ماله الواد ده واد يا أحمد إيه روحت فين كدا
أحمد :ها لا أنا معاكِ أهوه
عائشة لمريم :والله شكله الواد واقع واقعة ع وشه
مريم :ههه بس يا عائش وبعدها اتنهدت تنهيدة يأس
عائشة:حست بها وزعلت عشانها وقالت طيب يلا بقولك إيه يا مودي يا عسل أنت
أحمد :عائشة لمي نفسك عشان معلش معاكِ الصح في الشارع
عائشة :ولا الغلط حتى المهم بقولك كان في شوية حاجات عايزة أجيبها من المول وكام خِمار كدا ما تودينا المول
أحمد:نعم يختي ومين هيحاسب إن شاء الله
عائشة :ههه ربنا يبارك فيك لينا يا عسل ..يلا يا بت يا مريوم فرصتنا وجات لحد عندنا ...وخدتها من إيديها وجريت بيها وركبوا العربية
أحمد:هز رأسه بيأس البت دي ناوية تخلص الفيزا إنهاردة فعلا بس والله البت دي بتفهم بتقولي ربنا يرزقك بواحدة لسانها طويل والله هى فعلا لسانها طويل ربنا يرزقهالي ...وراح ع العربية وركبوا وخدهم ع المول
نزلوا عند المول ..
عائشة :خليك هنا يا أحمد أنا هروح أنا ومريم القسم اللي هناك ده تمام
أحمد :تمام وخلوا بالكم من نفسكم ولو حصل حاجة رنوا عليا تمام
مريم :تمام يا أحمد
أحمد :لما تخلصوا شاورولي أو رنوا عليا عشان آجي أحاسب أنا هطلب قهوة ع ما تخلصوا
مريم :تمام
وأحمد قعد ف الكافيه اللي قصادهم وبيشررب القهوة وتلفونه رن وكان يوسف
أحمد : السلام عليكم ورحمة الله وبركاته
يوسف:وعليكَ السلام ورحمة الله وبركاته
أحمد:ها يا جو عامل إيش
يوسف : الحمدلله بخير أنت عامل ايه
أحمد : الحمدلله فل
يوسف :أنت فين
أحمد :يا عم أنت نسيت مش كانت مريم بتعمل تحاليل وأنا معاها وراحت هى وعائشة دلوقت المول وأنا مستنيهم أنت عارف بقا شغل حريم يبني لازم يشيلوا المول معاهم وهما طالعين
يوسف :ههه كان الله في عونك وقال جواه مريم ..
أحمد :اللهم آمين..كنت عايز حاجة ولا إيه
يوسف :اه هاجي ع الساعة 3 إن شاء الله عشان أشرح لمريم المحاضرات ولازم تكون أنت موجود
أحمد :أكيد يا جو الساعة دلوقت 12 الساعة بالظبط ونروح إن شاء الله..أنت ف الجامعة صح
يوسف :إن شاء الله...اه ف الجامعة وساعة برده وهروح إن شاء الله أنا عملت لمريم إعتذار مرضي لأن أنت عارف كانت أول أيام ف الجامعة ومينفعس فيها غياب
أحمد:اه تمام تسلم يا جو
يوسف :تحاليل مريم عملت إيه
أحمد:لسة أسماء هتجبيها ف السهرة بالليل إن شاء الله
يوسف :إن شاء الله..بقولك يا أحمد
أحمد:قول يا قلب أحمد
يوسف بغيظ:أحممممد إنظبطي
أحمد:حاضر من عيوني
يوسف هز رأسه بيأس
أحمد :يا عم خلاص بقا دا أنت مكنتئب
يوسف :المهم أنا بكلمك عشان أقولك إننا نقولهم إنهاردة إن شاء الله بقا عشان عاجلا أو آجلا هيعرفوا
أحمد:رأيي من رأيك خلاص ف التجمع بالليل إن شاء الله وأحسن إن عمي وبابا عارفين عشان يهدوا نور ونرمين هههه
يوسف :نور ونرمين يا عديم الأدب
أحمد:خلاص يا دكترة
يوسف: تمام يلا مع السلامه
أحمد :مع السلامة يا دوك
مريم اتصلت ع أحمد
أحمد :ها يا حبيبتي خلصتوا
مريم :اه يا أحمد خلصنا
أحمد :تمام أنا جاى
أحمد راح وحاسب وأخدهم وروحوا
ف الفيلا
نور :أهلا يا حبايبي خلصتوا
مريم :اه يا ماما
نور :طيب يلا عشان نتغدؤ
مريم : أحمد كان عازمنا واتغدينا
أحمد:اه وخلصتوا الفيزا يا عيني
نور :تعيش وتدفع يا حبيبي
أحمد :ياريت بنتك مريم أكلت ع كدا
نور :مأكلتش ليه بقا كدا يا مريم
مريم :يا ماما أكلت صدقيني
أحمد :متقلقيش بنتك عائشة عملت الواجب وزيادة
عائشة :سامعة حد بيجيب ف سيرتي
نور :أهلا يا حبيبتي...يلا اطلعوا غيروا وصلوا
وكلهم طلعوا غيروا ملابسهم وصلوا ونزلوا
مريم كانت مظبطة الكتب وكل حاجة عشان يوسف ع وصول أكيد
مريم وأحمد وعائشة قعدوا ف الليفنج
ويوسف وصل هو وفاطمة
يوسف : السلام عليكم ورحمة الله وبركاته
كلهم : وعليكم السلام ورحمة الله وبركاته
فاطمة من وراه يا أهلا يا أهلا
عائشة :أهلا بفاطم والله بتفهم يا يوسف يا بن عمل إنك جبتها
يوسف :ههه أنا ف الخدمة يا عائش بس هى اللي صممت تيجي
أحمد :أكيد دا البيت بيت فاطم تعالو إقعدوا
وقعدوا ويوسف قعد قصاد مريم
يوسف :إزيك يا مريوم
مريم :ا.ا.الحمدلله بخير حضرتك عامل ايه
يوسف :حضرتي بخير الحمدلله..ألف سلامة عليكِ
مريم :سلمك الله من كل سوء
يوسف :آمين يلا هاتي الكتاب
وبدأ ف الشرح وأحمد وعائشة وفاطمة مندمجين ف الكلام وف عالم تاني
يوسف :مريم أنتِ مركزة
مريم: اه اه مركزة
يوسف :لو ف حاجة مش فهماها متتحرجيش وقولي
مريم:حاضر
ويوسف خلص شرح وبعدين روح هو وفاطمة ولما جه الليل كله جهز عشان يروحوا فيلا عبدالرحمن
.........................................................................
بالليل ف فيلا عبدالرحمن
يوسف :لو سمحتم عايزين نقول حاجة أنا وأحمد
كلهم :اتفضلوا
أحمد:إحنا من 3سنين قدمنا ف كلية الحربية بجانب الطب والهندسة وخلصنا الكلية من 3شهور ودلوقت إحنا هنبدأ شغل من أول الاسبوع وحبينا نقول عشان لو طلعنا مهمات !!!......
...........................................................................
ياريت فصل إنهاردة يكون عجبكم وبتمنى تشاكروني تعليقات جميلة ولو ف أي حاجة غلط أو مش حبيناها ياريت تقولي وبكرة إن شاء الله هحاول أنزل فصل جديد أختكم ميرو لا تنسوا ذكر الله والصلاة على رسول الله ❤️