الفصل الثاني و الثلاثون ..... أصبحتِ كالدَّمِ يجري بين أوردتي ( عشق اليوسف ❤️) بقلمي مريان حمادة ❤️✍️
لا تنسوْا ذِكْرَ الله والصلاة والسلام على خير الأنام ❤️
............................................................................
فيلا قاسم والد خالد
خالد دخل بسرعة هو وأسماء لاقاهم كلهم متجمعين في أوضة والدته
خالد بخوف : في إيه يا بابا إيه اللي حصل
قاسم : متقلقش يا ابني هى جبست رجلها وبقت كويسة
خالد راح عندها : ألف سلامة عليكِ يا أمي
ميادة : الله يسلمك يا خالد
أسماء راحت وباست إيديها ورأسها وقالت : ألف سلامة عليكِ يا ماما شافاكِ الله وعافاكِ
ميادة متعرفش ليه حست بشعور حلو إتجاه أسماء ولأول مرة ترد عليها بهدوء وقالت : الله يسلمك يا بنتي
أسماء انبسطت جدا من طريقتها
خالد : غرام عرفت
قاسم : لا بلاش تعرفها فرح يوسف ابن عم أسماء اليومين دول وهى فرحانة أنا مكنتش عايز أقولكم والله عشان خاطر أسماء بس والدتك طلبت تشوفك
أسماء : لا كان لازم حضرتك تعرفنا يا بابا أمال مين اللي هيقعد مع ماما
قاسم : ليه يا أسماء ما أنا هقعد معاها
أسماء : لا يا بابا مستحيل أمشي وأسيب ماما إحنا مش هنمشي من هنا إلا لما تكون بخير إن شاء الله وتمشي على رجليها
ميادة انصدمت من كلامها وزعلت على طريقة معاملتها ليها
قاسم : ملوش لزوم يا أسماء الخدم هنا وبيعملوا كل حاجة وأنا جنبها
أسماء : لو غرام تعرف بحاجة عمرها ما تسيب ماما ولو في 100 واحدة بتعمل لماما اللي عايزاه حتى و أنا ذي غرام ولازم أكون جنبها ولا أنتوا مش بتعتبروني كدا
ميادة لفت وشها الناحية التانية بحزن ودمعة نزلت من عينيها
قاسم : أنت ذي غرام طبعا يا أسماء بس لازم تكوني جنب جوزك و أنا موجود هنا
أسماء بإبتسامة : وخالد عمره ما يرفض
خالد بإبتسامة : أنا معنديش مشكلة يا بابا هنقضي هنا الفترة دي
............................................................................
فيلا مالك عزيز
حمزة دخل الفيلا وكان مالك ونور و نسرين قاعدين في الليفنج
حمزة بإبتسامة : السلام عليكم ورحمة الله وبركاته
الجميع : وعليك السلام ورحمة الله وبركاته
نور بإبتسامة : حمدا لله على سلامتك يا حبيبي
حمزة راح عندها وحضنها : الله يسلمك يا نوري
أنت تقرأ
أصبحتِ كالدَّمِ يجري بين أوردتي (عشق اليوسف ❤️)
Alteleأصبحتِ دمائي وروحي حتى تملكتِ من جسدي كله فأصبح قلبي ينطق باسم مريم أنتِ كيانُ يوسف يا مريم... قلبي مِلكُكِ وهو رهنٌ بين يديكِ مريمَ ❤️
