أصبحتِ كالدَّمِ يجري بين أوردتي (عشق اليوسف ❤️)

اللهم صلِّ وسلّم وبارك على رسول الله ❤️

الفصل السابع ...(أصبحتِ كالدمِّ يجري بين أوردتي (عشق اليوسف ❤️) بقلمي مريان حمادة ❤️
............................................................................
عمر وصل أسماء الجامعة
...
سارة دخلت ولقت صديقتها غرام وماشيين مع بعض

غرام : بت يا سارة متعرفيش

سارة : في إيه يختي مبيجيش من وراكِ خير

غرام : عيب عليكِ يا بت عندي خبر بمليون جنيه

سارة : قولي يختي قولي خبر إيه

غرام : فاكرة الدكتور اللي كان بيدخلنا وكنا بنقلب المحاضرة نوم

سارة : ههه اه يختي فاكراه ماله

غرام : سابنا يختي وهيدخلنا انهاردة دكتور جديد

سارة : مين قالك يا فقيهة هانم

غرام : يختي وهل يخفى القمر كنت بتمشى في حديقة الجامعة مستنياكِ سمعتهم

سارة : طيب كويس ريّح واستريح

غرام : على رأيك يا بنتي

..........................................................................

في الشركة الأم

يونس دخل عند مالك وعبدالرحمن

يونس : السلام عليكم ورحمة الله وبركاته

مالك وعبدالرحمن: وعليكَ السلام ورحمة الله وبركاته

مالك : إزيك يا يونس

يونس : الحمدلله بخير أنتوا عاملين إيه ؟ ومريم بقت كويسة ؟

مالك : إحنا الحمدلله بخير ومريم الحمدلله اتحسنت ونزلت الجامعة إنهاردة

يونس : دائما يارب تكونوا بخير ...العيال كبرت بسرعة أوي ما شاء الله

عبدالرحمن: فعلا أنا مش مصدق إن السنين عدت وقريبا ولادنا هيتجوزوا

مالك : ربنا يفرحهم و يرزق بنات عزيز الشباب الصالحين وشباب عزيز البنات الصالحين

عبدالرحمن ويونس : آمين يارب

............................................................................

عند أسماء في معمل التحاليل

أسماء في مختبر التحاليل بتفحص العينة وجه الدكتور خالد صاحب معمل التحاليل وهو نادرا بييجي لأنه كان على صداقة مع محمد عبدالرحمن عزيز ولما محمد عرف إنه عامل معمل تحاليل ومحتاج دكتورة تشرف على المعمل كله في غيابه لأنه مشرف على معمل تحاليل في مستشفى كبيرة وده أول لقاء بينه وبين أسماء

أسماء في معمل التحاليل لوحدها والباب خبط

أسماء : إتفضل

دخل الدكتور خالد لابس نظارة

أسماء : حضرتك محتاج حاجة

خالد : حضرتك الدكتورة أسماء

أسماء راحت عند الباب وهو كان مفتوح بس مش أوي وراحت فتحته خالص وده لفت إنتباه خالد