أصبحتِ كالدَّمِ يجري بين أوردتي (عشق اليوسف ❤️)

اللهم صلِّ وسلّم وبارك على رسول الله ❤️

الفصل الرابع و الثلاثون ....... أصبحتِ كالدَّمِ يجري بين أوردتي ( عشق اليوسف ❤️ ) بقلمي مريان حمادة ❤️

لا تنسوْا ذِكْرَ الله والصلاة والسلام على خير الأنام ❤️

" أدّوا فروضكم قبل القراءة وٱذكروا الله"

بسم الله نبدأ ...

............................................................................

اللي حصل في اليوم ده إن عائشة رجعت البيت بالليل وبدأت تستوعب الأمر وحاولت تتخطاه ووجود محمد معاها نساها كتير وكان مالك ناوي إنه يعمل الفرح في ميعاده لكن مريم طلبت إنه يأجله أسبوعين بس على ما عائشة تتعافى شوية وتتحرك عشان تكون موجوده جنبها وده فعلا اللي حصل وهى كانت طالبة كدا عشان خاطر عائشة وعشان كمان خايفة من مصيرها اللي قرب وإن أيامها القادمة هتكون صعبة

مر الأسبوعين فعلا وجه اليوم اللي هو قبل الفرح بيوم وعائشة بدأت تتحرك وكل البنات مجتمعين في غرفة مريم قبل الفرح بيوم

...... في غرفة مريم ......

جلست البنات كلهن بالغرفة وعمت الغرفة بالفرح بإجتمعاهن فكانت عائشة تجلس على سرير مريم وبجانبها فاطمة التى تمسك بطبل وبجوارها سارة و غرام أما أسماء فقد جلست على الأريكة هى و خديجة وكانت مريم تجلس على كرسي بين السرير والأريكة

فاطمة وهي تدق على الطبل : زغرطوا يا بناااااااات عندناااا عروسة ست البنات هتتجوز يا بناااااااات سمعوني زغروطة حلوة كدا

انفجرت الفتيات كلهن من الضحك على فاطمة

غرام قامت وقفت على السرير : بسسسسسسس سيبــولي أنا الزغروطة دي لووووووووووووووووولي يلا يا بنات ورايا قوموا كلكم

البنات كلهم قاموا وغرام وزعت على كل واحدة طبلة وعملت صف كامل منها هى والبنات وقفت غرام في بادية الصف وبعدها عائشة ثم فاطمة ثم أسماء ثم خديجة ثم سارة وبدأت تدق على الطبل والبنات دقوا على الطبول وراها وداروا حوالين كرسي مريم وبدأت غرام بأنشودة فرحونا والبنات بيرددوا وراها وبدأت تقول :

فرحونا فرحونا بالعروسة و بعريسها فرحونا

و اسمعونا و اسمعونا و اسمعونا و بعد منهم جوزونا

يا طيور السما غني و قربي

وانزلني عندنا صلي على النبي

دا الورد شاركنا الفرحة وقال

عروستنا اتخطبت لابن حلال

هو ده هو ده و عريسنا ده أيوه ده أيوه ده عريسنا ده هو ده

هيه آه .. هو ده

صقفي يا كفوف

و اندهي يا دفوف

على كل جيران علشان عروستنا تشوف

قمر العرسان في الناس فرحان