_اربطوها في العمود ده كويس .
جحظت عينيها بصدمة من تلك الجملة .
اقترب منها و هو يضغط على ذراعها بقوة و يضحك بطريقة جنونية
_أنا هعرفك إزاي تتجرأي تمدي إيدك عليّا أكتر من مرة .
و أمسك يدها و هو يقول بإبتسامة مجنونة
_ بس إيدك ناعمة أوي يا ميرو ولا أقولك يا ماري ذي ما حبيب القلب بيقولك .
كنت بشدّ إيدي منّه بأقصى قوة عندي و دموعي على وشّي كلّه .
سمعت صوته المخيف و هو بيقول بزعيق
_أنا هكسر قوتك دي خالص و هكسر عضمك ده عشان تتجرأي تعملي كدا .
و كمل بإبتسامة خلّتني متأكدة إنه مجنون
_و بعد كدا لما أخلص طاقتك خالص هاخد منك اللي أنا عايزه و مش هتعرفي تعترضي ساعتها .
فتحت عيوني بصدمة عايز ياخد أغلى حاجة عندي مستحيل ضربات قلبي زادت و الخوف و الرعب اللي أنا عايشاه أنا متأكدة إن مفيش حد عاشه .
بدأت أصرخ بصوت عالي و أنا بقول
: حراام عليك أنت عارف أنت بتتكلم في إيه أنت عندك أخت عمرك ترضالها كدا سيبني و بابا هيديك اللي أنت عايزه كله بابا مستعد يديلك فلوس الدنيا كلها بس أرجوك بلاش تعمل كدا .
لقيته بيضحك بصوت مجنون و ضحكاته خوفتني أكتر و نظراته اللي كانت بتخليني أحاوط جسمي بإيدي أكتر
_ أنتِ بتقولي إيه يا ماريان أنا أختي لو بالحلاوة دي أكيد هعذر الشباب اللي زيي .
مع كل كلمة بيقولها عيوني كانت بتتفتح بصدمة أكبر و دموعي بتنزل أكتر و أنا بدعي ف سرّي
_ يا رب خرّجني من اللي أنا فيه دا يا رب مخذلتنيش في حاجة أبدا متخذلنيش دلوقت يا رب بابا يا رب عِرض بابا أغلى حاجة عندي مش عايزة أعصيك يا رب خليك معايا و نجّيني منه .
لقيته بيقرب مني فبأقصى قوة مني خبطته قلم جامد .
بصيت لمنظره بخوف و هو حاطط إيده ع وشّه و نظراته مخيفة جدا و لقيته زعق بصوت عالي جدا .
_ اخلصوووا أنا صبرت عليها كتير و استحملت اربطوها في العمووود طالما يوسف عزيز مربّهاش أنا هربيها و بعد كدا أعمل اللي أنا عايزه .
صرخت بصوت عالي و أنا مش قادرة أسكت بعد ما مسكوني جامد
: يوووسف عزيز حتة كلب زيك ميجيش جنبه حاجة أنت تعرف إيه عن التربية سيرة بابااا متجيش على لسانك المقرف بابااا مش هيسيبك و الله ما هيسيبك و أخوااتي هيقتلوك .
و كملت بحرقة : و آدم هيدبحك أنا اللي غلطت لما مسمعتش كلامه آدم هيدبحك عشان قربتلي مش هسيبك و الله مش هيسيبك .
لقيتهم بيربطوني في عمود و أنا بحاول أقاوم بالعافية .
لقيته بيكمل ضحكاته المجنونة و هو بيقول
_مش لما يعرفوا يوصلولك أصلا يا حبيبتي إحنا في مكان محدش يعرفه أبدا ولا حد هيعرف يوصله .
و قرب مني و لقيته بيبصلي بنظرات مخيفة و قالهم
_ كله يطله برا .
الجملة رعبت قلبي حسيت إني بموت خلاص .
كله طلع و لقيته بيقرب مني و خلع الحزام فتحت عيونه بصدمة لما لقيته قطع الفستان قطعة من ع الضهر أول ما عمل كدا صرخت صرخة جامدة .
ثانية اتنين تلاته لقيته بينزل ع الحزام على جسمي جامد صرخت بصوت عالي جدا و أنا بقول
: يااااارب ارحمني ياااارب .
و نزل مرة و اتنين و تلاتة بالحزام و لسة بيضرب
: آآآآه حرااام عليك كفاااية .
مكنش سامع كل ده و كأنه شيطان بيضرب و بيستلذ بالضرب .
جسمي من قوة الضرب عمل جروح و بدأت تنزف و الدم بينزل .
معتش قادرة إني أصرخ حتّى معتش قادرة إني أتكلم بدأت أتأوه بصوت خافت و أنا ببكي و بقول
: كفاية حرام عليك .
لقيته رمى الحِزام و قرب من وشّي و رفعه و نزل بالقلم عليه من قوة القلم جنب بوقي حصل جرح و مسكتش نزل قلم ورا التاني و دموعي بتنزل بتختلط مع الدم فبقيت ببكي بدل الدموع دم فعلا بس أنا مش زعلانة طالما بحافظ على أغلى حاجة عندي مش عايزة أعصي ربنا و مش عايزة وِش بابا ينزل في الأرض أبدا أنت فين يا بابا أنا بنادي عليك و أنت مش بتيجي ليه ؟ مش بتيجي ليه يا أنس ؟ آدم أنا مستنياك يا آدم أنا غلطت يا آدم أنا غلطت و أنت متستاهلنيش فعلا ؟
مع القلم الأخير اللي ضربه صرخت بصوت عالي
: آآآآآدم .
قرب من وشي و هو بيقول
: تؤ تؤ حبيب القلب مش هيعرف يجيلك يا حبيبتي صعبتي عليا .
و لقيته بيقرب منّي و هو بيحاول يقطع بقيت فستاني .
: و دلوقت هاخد اللي أنا عاوزه منك يا حلوة .
صرخت بأقوى صوت عندي صرخات أنثى مستضعفة صرخت بقوة رغم كل الآلآم صرخت رغم إني مش قادرة صرخت و أنا بقول
: ياااارب أموووت قبل ما يقرب منّي .
و بعدها مقدرتش أصرخ لأن صوتي راح أصلا .
أنت تقرأ
أصبحتِ كالدَّمِ يجري بين أوردتي (عشْقُ اليُوسُف)
عشوائي"تسللتِ إلى دمي بهدوء، حتى غدت أنفاسي تنطق باسمك، واستقرت روحك في روحي، فما عدتُ أفرق بيني وبينك... صرتِ كيان قلبي، وصوت نبضه، بل صرتِ أنتِ القلب ذاته. مريمُ... إن كنتُ جسدًا، فأنتِ روحه، وإن كان لي قلب، فهو بين يديكِ وديعة، مُلككِ أنتِ وحدكِ، لا ين...
