أصبحتِ كالدَّمِ يجري بين أوردتي (عشق اليوسف ❤️)

اللهم صلِّ و سلّم و بارك على رسول الله ❤️

الفصل الرابع و الأربعون .... من رواية أصبحتِ كالدَّمِ يجري بين أوردتي (عشق اليوسف) بقلمي مريان

رمضان مبارك عليكم جميعا

ٱدعوا لجدو بالرحمة و المغفرة

لا تنسوْا أهلنا في غزة من دعواتكم

لا تنسوْا ذِكْرَ الله و الصلاة و السلام على رسول الله

قراءة ممتعة بإذن الله

بسم الله نبدأ .....

............................................................................

مريم واقفة هي و يوسف بعد ما أدّوا مناسك العمرة و باصّين للكعبة المكرمة و هما مبتسمين و مريم في حضن يوسف

مريم بصت ليوسف و هي مبتسمة و شددت من حضنه و قالت : يوسف أنا حامل أنا حامل يا حبيبي

يوسف بقا مش مستوعب معقول مريمه حامل للمرة الرابعة في ابن جديد و مش مصدق و قال لها

: بتقولي إيه يا مريم

مريم رفعت حاجبها و إبتسمت تاني و قالت
: حامل والله يا حبيبي في شهرين

يوسف إبتسم بطريقة جميلة و بعدم تصديق و نسى كل حاجة و أخدها في حضنه و لف بيها

: أنا أسعد إنسان في الدنيا بحبك يا مريم

و بعد كدا نزلها و بيبصوا لقوا الناس كلها بتبصلهم و هما مستغربين كأنهم بيقولوا هبل دول ولا إيه

أحمد جه من وراهم و قال للناس

: سوري يا جماعة أصلهم مختلين عقليا باين

واحد عجوز رد : ولا يهمك يا ابني أنا معايا رقم دكتور مصري كويس أنا مصري زيك

أحمد كتم ضحكته : لا متقلقش يا حاج متابعين مع واحد

الراجل هزّ رأسه بتصديق و الناس مشّوا

أحمد أول ما الكل مشّى طلع كل شحنة الضحك اللي كان مخزنها

و يوسف مسكه بغضب : بقا تقول كدا يا أحمد

أحمد ضحك : أقول إيه يعني ما أنتوا الحب حاضر في وقت مش مناسب ما تقولولنا إيه اللي حصل فرّحونا معاكم

مريم وشها قلب أحمر كله

سارة ضحكت : هو الموضوع بيحمّر أوي كدا يا مريم

محمود خبطها في كتفها و هو غاضض بصره عشان طبعا المنتقبات بيكونوا مش لابسين النقاب و هو بيأدّوا العمرة و بيهمس ليها

: إتلمي يا بت

عائشة : الله دا الموضوع صعب أوي بقا

مريم راحت ورا ظهر يوسف و إستخبت

محمد ضحك : خلاص يا مريم متقوليش بس إطلعي من ورا ظهره

فاطمة : اممم يا ترى في إيه للحوار ده كله