أصبحتِ كالدَّمِ يجري بين أوردتي (عشق اليوسف ❤️)

اللهم صلِّ وسلّم وبارك على رسول الله ❤️

الفصل الثاني عشر ............رواية أصبحتِ كالدمِّ يجري بين أوردتي ( عشق اليوسف ❤️) بقلمي مريان حمادة ❤️✍️

لا تنسوْا ذكر الله والصلاة على خير الأنام ❤️
..........................................................................

في فيلا يونس

عهد : أيوه يا نوارة كنت بقولك عايزاكِ أنتِ ونرمين تيجوا معايا ونروح المول نجيب حاجات لأسماء

نور : تمام يا دودو هستأذن مالك وألبس وهجيب نرمين ونيجي

عهد : تمام يا حبيبتي..بيقولك عايزين يعملوا كتب الكتاب في بداية الشهر ده والفرح الشهر اللي بعده

نور بفرحة : ما شاء الله أنا فرحت أوي والله ..ألف مبروك يا حبيبتي

عهد : الله يبارك فيكِ يا نوارة قلبي أنا في إنتظراكم يا حبيبتي

نور : تمام السلام عليكم ورحمة الله وبركاته

عهد : وعليكم السلام ورحمة الله وبركاته

............................................................................

في مستشفى المريمية

محمد خرج من العمليات مرهق ودخل المكتب ورجع راسه لورا وغمض عينيه

بعد فترة

الباب خبط

محمد : إتفضل

إلياس دخل وقال : السلام عليكم ورحمة الله وبركاته يا عمو محمد

محمد بفرحة قام: وعليك السلام ورحمة الله وبركاته إلياسو حبيبي

إلياس راح حضنه

محمد : عامل ايه يا حبيبي

إلياس : أنا الحمدلله بخير يا عمو

محمد : عامل إيه في المدرسة

إلياس : الحمدلله يا عمو والمدرسين فرحانين بيا وبيقولوا إني شاطر

محمد : وأنا كمان فرحان بإلياسو حبيبي وبتابع مع المدرسين على طول وعشان أنت شاطر بقا هتاخد دي

وراح عند المكتب وجاب مجموعة شكولاتات و قدمهاله

إلياس : بس كدة كتير أوي يا عمو

محمد : لا مش كتير على إلياسو حبيبي ..أنت جاي هنا لوحدك يا إلياسو

ٱلياس : ااه نسيت أقولك يا عمو أنا جيت هنا أنا وتيتا عشان حضرتك قولت نجيلك تاني عشان الخياطة وهما مستنيين برة

محمد إبتسم : طيب يلا يا إلياسو نطلعلهم

وطلعوا

محمد راح عندهم : السلام عليكم ورحمة الله وبركاته

ردوا عليه : وعليكم السلام ورحمة الله وبركاته

محمد جواه: أنا حاسس إني شوفت الحاجة دي قبل كدة يمكن تشبه حد أعرفه ولا حاجة