الفصل الخامس والعشرون ...... أصبحتِ كالدَّمِ يجري بين أوردتي ( عشق اليوسف ❤️) بقلمي مريان حمادة ❤️✍️
لا تنسوْا ذِكْرَ الله والصلاة والسلام على خير الأنام ❤️
............................................................................
في فيلا مالكعائشة بتجهز نفسها في أوضتها عشان تروح السنتر ومحمد رن عليها وقالتلها إنها هتنزل و نور خبطت ودخلت و حضنتها وقالت : ألف مبروك يا حبيبتي هتوحشيني جدا وعيطت
عائشة عيطت في حضنها هى كمان وقالت : هكون جانبك دايما يا ماما إن شاء الله
مريم دخلت وقالت : عروستنا الحلوة خلصت وراحت حضنتها
عائشة : خلصت يا حبيبتي
مريم عيطت وقالت : ألف مبروك يا حبيبتي
عائشة : الله يبارك فيكِ يا مريوم عقبالك يا حبيبتي
أحمد دخل : أهو ده اللي تاخدوه من الحريم عياط ونكد
مالك دخل : بس ياض روح شوف مراتك واسكت وراح حضن عائشة
عائشة بدموع : هتوحشني يا بابا
مالك : هتكوني هنا دائما يا حبيبتي محمد بيحبك ومش هيحوشك عننا أبدا يا حبيبتي
محمد رن تاني وعائشة نزلت وركبت معاه للسنتر
............................................................................
فيلا عبدالرحمنخديجة وفاطمة جهزوا وقاعدين في أوضة خديجة و نرمين دخلت ودخلت وحضنتهم وقالت : ألف مبروك يا حبايبي ربنا يصلحلكم حالكم يارب
خديجة : يارب يا ماما
نرمين : هتوحشوني أوي
فاطمة : جرا إيه يا أمَ فاطمة كلها شهر وابنك يكون في الفيلا وأنا عند عمي مالك في الشباك اللي جانبك والبت خوخة عند عمو يونس في البلكونة اللي جنبك
نرمين : هههه ربنا يهديكِ يمكن تعقلي لما تتجوزي
فاطمة : ٱستغفر الله بتشتميني يا أماااه
يوسف دخل : لا يا حبيبتي مش بتشتمك ويلا عشان أحمد هيعلقك وواقف معايا تحت من ساعتين مستني سيادتك و عمر كمان
فاطمة : ينهاااار أبيض هنبدأها من يوم الفرح طيب يلا أستأذن يلا يا بت يا خوخة
وأخدت خديجة في إيديها ونزلت وركبت كل واحدة مع جوزها للسنتر
............................................................................
فيلا يونس
أسماء جهزت نفسها وعهد دخلت وسلمت عليها وقالت : ألف مبروك يا سمسمة
أسماء بدموع : الله يبارك فيكِ يا ماما
عهد : متعيطيش يا حبيبتي ربنا رزقك بزين الرجال والله ربنا يصلح حالكم يا حبيبتي
أنت تقرأ
أصبحتِ كالدَّمِ يجري بين أوردتي (عشق اليوسف ❤️)
Aléatoireأصبحتِ دمائي وروحي حتى تملكتِ من جسدي كله فأصبح قلبي ينطق باسم مريم أنتِ كيانُ يوسف يا مريم... قلبي مِلكُكِ وهو رهنٌ بين يديكِ مريمَ ❤️