أصبحتِ كالدَّمِ يجري بين أوردتي (عشق اليوسف ❤️)

السلام عليكم و رحمة الله وبركاته ( ملاحظات)

إزيكم يا حبايبي أتمنى تكونوا بخير 🤗❤️

أولا و قبل كل شئ رمضان مبارك عليكم ربنا يجعلها أيام سعادة و يعيدها عليكم و أنتم بخير و في أحسن حال يارب العالمين

صلّوا على رسول الله

أولا حبيت أنبه على شوية ملاحظات
( يا ريت تقرؤوها للنهاية و متطنشوش أوك )

كتير ممكن يقولي أنتِ إختصرتي الأحداث الأخيرة و بقيتي تقولي بعد شهر أو شهرين أو ....

فعلا أنا عملت كدا عشان أختصر الأحداث شوية عشان لو فضلت كدا الرواية هتتطول أوي و هتكون الأحداث كتير و كتر ما نطول في حدث هتيجي أحداث تانية و الفكرة هتوسع أوي

لأني مينفعش أعيش فترة مع شخصية واحدة لو عشت الفترة دي مع حد من الشخصيات لازم نعيشها مع كله

و العيلة بتاعت الرواية مش صغيرة دي كبيرة جدا و الشخصيات كتير أوي و هحتاج أحداث كتير فأنا لازم أختصر

ثانيا

أنا لما ذكرت وقت ولادة كل واحدة ف الرواية غالبا ذكرت الولادة الأولى فقط و الباقي عملت إيجاز و إختصار شوية أنا بعيشكم لحظات أول ولادة فقط

...ما عدا مريم عزيز لأنها أصلا بطلة الرواية هي و يوسف و لازم كل ولادة ليها و كل حمل ليها أذكر ردة فعل البطل و العيلة و وقت ولادتها أما الباقي شخصيات مهمة و كل حاجة لكن مريم أهم واحدة ف الرواية

ثالثا

فاطمة و أحمد

أنا ذكرت لحظة ولادة ابن فاطمة و أحمد اللي هي الولادة الثانية و كان المفروض أعمل فيها إيجاز ذي ما عملت ف التانيين لكن عيشتكم لحظات ولادتها

ليه ؟!

لسبب في دماغي يا مرسي الله 😌😂

بهزر طبعا

فعلا هو في سبب ف دماغي إني أذكر لحظات ولادتهم التانية و كمان عشان بعض الناس ممكن تقول طب أحمد سمّى "نور" ع اسم والدته طب "آدم" ليه مسمهوش "مالك" فحبيت أعرفكم ليه و كمان فاطمة و أحمد من الشخصيات المهمة جدا كمان و عائشة و محمد برده

طبعا ذي ما قولت أنا إختصرت آخر الأحداث عشان مش مهمة بدرجة كبيرة ليا أنا بعيشكم لحظات الأبطال اللي هما مريم و يوسف تمام

ثالثا

أنا عملت الرواية ليه

أولا أنا عمري ما فكّرت ف يوم من الأيام إني أنشر رواية أنا بحب أكتب اه بس مكنتش بنشر كتابات ليا غير ع المواقع الخاصة فقط بس قولت أجرب و حبيت الفكرة الصراحة

كمان أنا عملت الرواية عشان حابّة أنشر الدين و التعليمات الدينية بطريقة كويسة و الكل يحبها و ده السبب الأهم في ده كله

مفيش حاجة كتبتها ف روايتي إلا و كان ليها غرض من حاجة ف دماغي

ذي مثلا

عائشة لما فقدت ابنها كنت حابّة أثبت للكل إن ربنا يعوض مهما فقدت ربنا هيعوضك أكتر من اللي فقدته و إنك تظن ف الله دائما الظن الكويس و ف الآخر ربنا رزقها بدل الولد إتنين

فاطمة لما إتأخرت ف الحمل كنت عايزة أعلمكم الصبر لأن مش كل حاجة بتيجي دايما ف البداية بتكون جميلة ربنا بيعطيك الحاجة ف الوقت المناسب ليها .

سارة لما مقدرتش إنها تحمل تاني كنت عايزة أعلمكم الرضا إن ربنا رزقها برغد و هي رضت بكدا

طيب هتيجي واحدة عملالي فيها فزلوكة هانم 😌🤭

اه هي أنتِ يا ماما 😂

هتقولي طب ما يوسف لما حصل مع مريم اللي حصل من سامر كان إيه الغرض من كدا

للوهلة الأولى هتفكر إن مفيش غرض منها

بالعكس دي بقا كنت عايزة أعلمكم حاجة مهمة أوي ألا و هي الثقة كان لازم يوسف ميصدقش حاجة من غير ما يتأكد لازم تتأكد عشان تعاتب صح الخيانة مش سهلة أبدا

تمام يا جماعة حبيت أوضح شوية ملاحظات لو حد عنده أسئلة يسأل براحته أنا معاكم و براحتكم خالص

شكرا ع قراءتك لملاحظاتي

السلام عليكم و رحمة الله و بركاته