أصبحتِ كالدَّمِ يجري بين أوردتي (عشق اليوسف ❤️)

اللهم صلِّ وسلّم وبارك على رسول الله ❤️

الفصل الثالث و العشرون ...... أصبحتِ كالدَّمِ يجري بين أوردتي (عشق اليوسف ❤️) بقلمي مريان حمادة ❤️✍️

لا تنسوْا ذِكرَ الله والصلاة والسلام على خير الأنام ❤️

............................................................................
أحمد : إستنى يا شيخ نسيت تكتب كتابي على فاطمة !

فاطمة فتحت بقها و الكل مصدوم من اللي سمعه و مالك كالعادة ابتسم

فاطمة : نعمين ياريس و أنا ذي الأطرش في الزفة ولا إيه مليش بيت تيجي تطلبني منه

مالك بمكر : و ماله يا بنتي لو مش موافقة ده قرارك ومفيش مشكلة الجواز مفيهوش هزار

فاطمة بسرعة : أبدا نتجوز ولو عايزني أروح معاه إنهاردة كمان يا عمي أروح معاه مفيش مشكلة

الكل ضحك عليها

نور : هي العيال دي اتهبلت ولا بيكلموا بجدية

نرمين : الظاهر كدا إنهم بيتكلموا جد

عهد و نظراتها متعلقة عليهم : فعلا بيتكلموا بحقيقة

نرمين : حقيقة صح

عهد : اه

نور : يبقى كدا الفرحة ملت البيت حلمي إن أولادنا يتجوزوا من بعضهم و الحلم اتحقق الحمدلله

نرمين قامت و حضنت نور و دموع الفرحة كالعادة كانت هى المعبرة

و عهد حضنتهم واتشاركوا الفرحة كلهم و كان جو مبهج جدا

عائشة : ههههه بت يا فاطمة مش ملاحظة حاجة

فاطمة : إيش يا بت أنا عروسة عيب بقا الله

عائشة : يا بت أنتِ هتتجوزي أخويا و أنا هتجوز أخوكِ

فاطمة : تصدقي يا بت نظرية برده

عائشة : ولعت يا معلم

فاطمة : ولعت يا زغلول

عائشة : هههههههه زغلول

أحمد : تحبي نكتب كتابنا ولا نقعد الشيخ جنبنا كمان شوية يا بشمهندسة

فاطمة : يا سلام و حضرتك بقا مجهز الأوراق

أحمد : لا همضي على وشك يلا يا بت الأوراق معايا

فاطمة بتمثيل الحزن : إتفرجي عائشة لسة متكتبش كتابنا و أخوكِ بيعاملني أكني جارية

عائشة طبطبت عليها و كتمت الضحكة : معلش يا بنتي الدنيا صعبة

الشيخ : يا جماعة مستعجل والله لسة في ناس عايزة تتجوز مش حضراتكم اللي هتتجوزا بس

أحمد : إستنى بس يا شيخ

الشيخ : لا أستنى إيه يلا أنا هتوكل على الله ربنا يسهلكم

و الشيخ ماشي

أحمد : أنت يا شيخ أنت يا عم إستنى هنكتب كتابنا