မြေပြန့်သူလေး
-------------------
Part - 15
------------
" ဒေါက် ဒေါက် ဒေါက် "
ခွန်းလည်း တံခါးဖွင့်သံကြားလို့ ဖွင့်လိုက်တော့ မျက်ဝန်း ဖြစ်နေတာကြောင့် အံ့သြသွားမိသည်
" ဟင် ဘာဖြစ်လို့လဲ "
" ဟို ဟိုလေ မျက်ဝန်း တစ်ယောက်တည်းမအိပ်ရဲလို့ "
" ဟင် "
" သ သရဲကြောက်လို့ "
" အဟားဟား.... ဒီမှာ သရဲမရှိပါဘူးကွ "
" CEO အခန်းထဲမှာ အိပ်လို့ရမလားဟင် မျက်ဝန်း ဆိုဖာမှာပဲအိပ်မယ်လေနော် "
ချစ်စဖွယ်မျက်နှာလေးနဲ့ ပြောနေတဲ့ ကလေးမကြောင့် ခွန်းလည်း ခွင့်ပြုပေးလိုက်သည်
" အဟီး ကျေးဇူးတင်ပါတယ်နော် "
" ဆိုဖာမှာ အိပ်လို့အဆင်ပြေပါ့မလား "
" ဟုတ် ပြေတယ် CEO ရဲ့ မျက်ဝန်းခန္ဓာကိုယ်က သေးတော့ ဆံ့ပါတယ် "
ဒီကလေးမကတော့ သူ့နေရာမှာ တစ်ခြားသူသာဆို ဘယ်လိုလုပ်မလဲ အယုံလွယ်လိုက်တာ
" Good night နော် CEO "
" အင်းအင်း Good night "
ခွန်းလည်း သူ့အိပ်ယာသူပြန်သွားလိုက်ပြီး ကုတင်ပေါ်လှဲကာ ကလေးမလေးလှဲနေတဲ့ ဆိုဖာပေါ်ကိုပဲ ကြည့်နေလိုက်သည်
စိတ်ထဲမှာတော့ အတွေးတွေက နယ်ချဲ့နေလျက်
_
_
_
_
" ဂင်ချီဟင်းရည်တစ်ပွဲနဲ့ ထမင်းသုပ်တစ်ပွဲချပေးပါ "
စုစု ဆိုင်ထဲမှာ စာအုပ်ထိုင်ဖတ်နေရင်း ယောက်ျားပီသတဲ့အသံတစ်သံကြားလို့ လှည့်ကြည့်လိုက်တော့ ဟိုလူကြီးပင်
ဝဠာလည်း သူ့ကိုနောက်ကျောပေးပြီး စာအုပ်ထိုင်ဖတ်နေတဲ့ ကလေးမက လှည့်ကြည့်တာမို့ ပြုံးပြလိုက်သည်
ပြီးတော့ အရှေ့ကိုခပ်တည်တည်လေးပြန်လှည့်သွားတဲ့ကလေးမကြောင့် သူ့မှာဆက်ပဲပြုံးရတော့မလို မပြုံးရတော့မလိုလိုနဲ့ ဝေခွဲမရပင်ဖြစ်သွားရသည်
နောက်မှ ဖုန်းကိုထုတ်လိုက်ပြီး active now ပြနေတဲ့ ကလေးမရဲ့ acc ကို စာပို့လိုက်သည်
