မြေပြန့်သူလေး
~~~~~~~~~~~
Special Part - 1
~~~~~~~~~~~~~
" ညီမလေးရေ သမီးက University ကို ရန်ကုန်မှာပဲတက်ချင်တယ်တဲ့ကွယ် "
" ရတာပေါ့အမရဲ့ ချယ်လေးကအဆင်ပြေတယ်ဆို လွှတ်လိုက်ပါနော် ဒီမှာမျက်ဝန်းတို့လည်းရှိတာပဲ "
" အမက စိတ်မချလို့ပါကွယ် ချယ်လေးက တစ်နေ့ထက်တစ်နေ့ပိုဆိုးလာတော့ မျက်ဝန်းတို့တွေ စိတ်အနှောက်အယှက်ဖြစ်မှာစိုးလို့ပါကွယ် "
" အမကလည်း ချယ်လေးဆိုးတာက ဟော့ဟော့ရမ်းရမ်းဆိုးတာမဟုတ်ပါဘူး ကလေးဆန်ဆန်လေးဆိုးလို့ အနှောက်အယှက်တော့မဖြစ်ပါဘူး "
" ဟုတ်ပါပြီရှင် မေမေနဲ့ဖေဖေကလည်း မြေးလေးပျော်တဲ့နေရာမှာသွားနေဆိုလို့ ချယ်လေးကတော့ အပျော်ကြီးပျော်နေလေရဲ့ "
" အဟင်း ဒီမှာကျ သူ့ညီမလေးနဲ့မောင်လေးတွေရှိတော့ ချယ်လေးက ပျော်နေတာနေမှာ "
" ဟုတ်တယ် မျက်ဝန်းရေ......ဒါဆို အမ မနက်ဖြန်လောက်ပဲ ချယ်လေးကိုလွှတ်လိုက်တော့မယ်နော် "
" အမနဲ့ကိုကြီးရော မလိုက်တော့ဘူးလား "
" ဖေဖေနဲ့မေမေက ချယ်လေးကိုလိုက်ပို့မယ်ဆိုတော့ အမတို့မလိုက်တော့ဘူးကွယ်.....ဒီကလုပ်ငန်းတွေကလည်း အခုမှရာသီပေါ်ချိန်ဆိုတော့လွှတ်ထားလို့မရဘူး "
" ဟင်း....ဒါဆို အမနဲ့မတွေ့ရတော့ဘူးပေါ့ "
" ကဲပါ စိတ်မကောင်းမဖြစ်ပါနဲ့....ချယ်လေး ကျောင်းမတက်ခင်တော့အမလာမှာပါကွယ် "
" ဟုတ် အမ "
ဒီလိုနဲ့ပဲ ချယ်လေးက ရန်ကုန်ကိုရောက်လာခဲ့သည်
" သမီးအတွက် တီလေး အလင်္ကာလေးနဲ့ကပ်လျက်အခန်းမှာ စီစဥ်ပေးထားတယ်နော် "
" ဟုတ်....တီလေးကိုအရမ်းချစ်တာပဲ အာဘွား "
အသက် ၁၇ နှစ်ရှိနေသည့်တိုင် ချယ်လေးက သူမမျက်စိထဲမှာတော့ ၇နှစ်အရွယ်လေးလို့ပဲထင်မှတ်နေမိသည်
" ဒါနဲ့ ကာကာလေးနဲ့မောင်လေးရော တီလေး "
" သမီးဒီနေ့ရောက်မယ်ဆိုလို့ သူတို့ရဲ့အန်ကယ်တွေနဲ့ မုန့်တွေသွားဝယ်နေလေရဲ့ "
