မြေပြန့်သူလေး
~~~~~~~~~~~
Part - 54
~~~~~~~
" အား...ကျစ် ကျစ် "
" ကလေး သက်သာရဲ့လား "
" အင်းအင်း ရတယ် ကိုကို "
" မေမေ ကလေးကဗိုက်နာနေတာမဟုတ်ဘူးလား "
" မဟုတ်သေးဘူးသားရဲ့ မွေးခါနီးပြီမို့လို့အခုလိုဖြစ်နေတာ "
" ဟုတ်တယ်သားခွန်း စိတ်မပူပါနဲ့ကွယ် ဒါကပုံမှန်ပါပဲ "
ခွန်းမှာတော့ ဆေးရုံကုတင်ထက်မှာလှဲနေပြီး ဗိုက်နာနေတာကိုခံစားနေရတဲ့ကလေးကိုကြည့်ပြီး စိတ်မချမ်းမြေ့လှပါ
ဗိုက်ကတစ်ချက်တစ်ချက်အောင့်တာမို့လို့ ဆရာဝန်တွေကလည်း နာရီဝက်ခြားတစ်ခါလာကြည့်ပေးသည်
" အာ့..... "
ကလေးတစ်ချက်အော်လိုက်တိုင်းခွန်းမှာတော့ ပြာယာခတ်နေမိသည် ဘာလုပ်လို့ဘာကိုင်ရမှန်းလည်းမသိတော့
မျက်ဝန်းလည်း ဗိုက်အောင့်တဲ့ဝေဒနာကို အရမ်းခံစားနေရသည်။ ကိုကိုက ခွဲမွေးဖို့ပြောပေမယ့် မျက်ဝန်းကတော့ငြင်းဆန်ခဲ့သည်
အခုချိန်မှာတော့ ဗိုက်ထဲကနေ မအီမသာကြီးခံစားနေရပြီး တစ်ချိန်လုံးလှဲနေဖို့ပဲတတ်နေခဲ့သည်
နောက်ထပ်တစ်နာရီလောက်ကြာမှာတော့ ဗိုက်ကမခံမရပ်နိုင်အောင် နာလာပြီမို့ ဆရာဝန်တွေ သူနာပြုတွေကလည်း သူမကိုမွေးခန်းထဲသို့ချက်ချင်းပို့ကြသည်
" သား လိုက်သွားလို့မရဘူးလေ "
ဒေဝီလည်း လိုက်သွားဖို့ပြင်နေတဲ့သားဖြစ်သူရဲ့လက်ကိုဆွဲထားရသည်
" မေကြီး မမကြီးအထဲဝင်သွားပြီလား "
" ဝင်သွားပြီ သား.... ဒါနဲ့သားအဖေရော "
" အဖေက အိမ်ကနေမေကြီးတို့စားဖို့အတွက်ဆိုပြီး ချက်ပြုတ်နေတယ် အန်ကယ်တွေရောပဲ "
ဒေါ်နွယ်နွယ်ညိုလည်းခေါင်းညိတ်ပြလိုက်ပြီး သမီးလေးမွေးဖွားရလွယ်ကူအောင် ဘုရားစာရွတ်နေလိုက်သည်
ခွန်းလည်းတုန်ယင်နေတဲ့စိတ်ကိုတည်ငြိမ်အောင်ထားပြီး ဘုရားစာတွေရွတ်နေလိုက်သည်
