မြေပြန့်သူလေး
~~~~~~~~~~~
Part - 63
~~~~~~~
🎶 အို မြောက်ပိုင်းလမ်း မူဆယ်နမ့်ခမ်းလမ်း
အို......မြောက်ပိုင်းလမ်း 🎶ရှမ်းပြည်သွားရာလမ်းတစ်လျှောက် ရှမ်းသီချင်းသံများဖွင့်ထားရတာ တကယ်ကိုစိတ်လည်းတက်ကြွပြီး ပျော်ဖို့လည်းကောင်းလှသည်
ရှမ်းပြည်ရဲ့အလှအပတွေက တကယ်ကိုပြောလို့မကုန်နိုင်အောင်လှပလွန်းသည်။ ပြတင်းပေါက်ကနေမြင်နေရတဲ့ တောင်တန်းတွေ၊ နေကြာရိုင်းလေးတွေ၊ ချယ်ရီပွင့်တွေနှင့် လက်ဖက်စိုက်ခင်း စိမ်းစိုနေတာတွေကိုကြည့်ရတာ အလွန်နှစ်သက်ဖွယ်ကောင်းလှသည်
" ရှမ်းပြည်က သာယာလိုက်တာနော် "
" ဟုတ်ပါ့ ငါတို့မြန်မာနိုင်ငံထဲမှာလည်း အံ့သြဖွယ်ကောင်းတဲ့နေရာတွေအများသား အဲ့ထဲမှာ ရှမ်းပြည်လည်းတစ်ခုအပါအဝင်ပေါ့ "
" မား...ရှ ရှ "
သူမကိုကြည့်ပြီး လှတယ်လို့ပြောနေတဲ့သားဖြစ်သူကြောင့် မျက်ဝန်းမှာသဘောတကျဖြစ်သွားရပြီး သားရဲ့ပါးဖောင်းဖောင်းလေးကိုဖိကပ်ပြီး နမ်းရှိုက်လိုက်သည်
" ကလေး ကိုကို့ကိုလည်းပေး "
" အဟင်း ကလေးနဲ့အပြိုင်ဆိုးနေတာပဲ "
" ချစ်လို့ပေါ့ဗျ "
" ဟွန့် တအားပိုတာပဲ "
မျက်ဝန်းစကားပြောနေရင်း ပါးကိုအရှေ့တိုးပေးလာတဲ့လူကြီးကြောင့် မျက်ဝန်းလည်းခဏလောက်ရယ်ပြီးမှ ကိုကို့ရဲ့ပါးကိုအနမ်းပေးလိုက်သည်
" အီး....ဂိုး...ဂိုး "
ရှင်းလေးက ကိုကို့ရဲ့ပါးကိုကုတ်ဆွဲပြီး အင်္ဂလိပ်လိုလည်း go go ဆိုပြီးပြောနေတာမို့ မျက်ဝန်းသာမက တစ်ခြားသူတွေပါရယ်မိကြသည်
" ငါတို့ရှင်းလေးက ဘယ်ဆိုးလို့လဲကွ အင်္ဂလိပ်လိုတောင်ပြောနေပြီ "
" အဲ့ဒါ ကာကာသင်ပေးထားရာ "
နေမင်းညိုနဲ့ CEO စိုင်းဇွဲရှိန် ကြားထဲမှာရှိနေတဲ့သမီးဖြစ်သူကလည်း ဂုဏ်ဆာသလိုနဲ့ဝင်ပြောသေးသည်
Express ကားလိုမျိုး ကားအကြီးတစ်စီးထဲမှာ အကုန်လုံးစုပြီးသွားကြတာမို့ ခရီးစဥ်ကသိပ်ကိုပျော်ဖို့ကောင်းသည်
![](https://img.wattpad.com/cover/352506804-288-k287791.jpg)