ခုတလော အပျင်းတစ်ရတာ ကြိုက်နေတာ ဝန်ခံချင်ပါတယ် ၊ ပျင်းရတာ ကောင်းတာကို ဟု အိပ်နေရင်း တွေးနေသူ တစ်ယောက် ဘေးဘက်ကို လက်ဖြင့် စမ်းလိုက်တော့ အိပ်ရာခင်းက လွဲကျန်တာ မခံစားမိ
ထပ်တိုးပြီးရှာတာ ထူးခြားတာမတွေ့တော့ မျက်လုံးအိမ်များ ပြူးကျယ်လာရပါပြီ ဝဲယာကို တစ်ပတ်ပြည့်မှ Tent အပြင်ဘက်လေးမှာ ထိုင်ငေးနေသူကြောင့် ရင်ထဲ အေးသွားရသည် ။
အနားကိုကပ်ဖို့ ဇစ်ဖွင့်ကာ ကျောဘက်နားကနေ
" ခြေထောက်သာမကောင်းတာ လှစ်ခနဲ နေတာပဲနော် "
" ........ "
" ပြန်တောင်မဖြေတာ ဘာကို ကောက်နေတာလဲဗျ "
လှည့်ကြည့်မလာတဲ့ လူရဲ့ ခေါင်းလေးကို လှည့်လိုက်တော့
ဟင် !
မျက်ဝန်းများက မျက်ရည်တွေကြောင့် သားထူး အတော်လန့်သွားသည် ။ ဘာကိုမှ မမေးမြန်းတော့ဘဲ ပတ်ပတ်လည်ကို အရင်ရှာဖွေနေသည်။
" ဘယ်သူ ဘာလုပ်သွားတာလဲ အစ်ကို ဘာလို့ ငိုနေတာလဲ မငိုပါနဲ့ ကျွန်တော်ရင်နာရတယ် တိတ်ပါ "
မျက်ရည်များကို သုတ်ပေးနေပြီး ဆက်တိုက်ပြောနေသည့် သားထူး အား ကြည့်နေလိုက်ပြီး
" ဝမ်းနည်းလို့ မဟုတ်ဘူး ..... ဝမ်းသာနေလို့ "
" မငိုနဲ့လေ ဝမ်းသာရင် ပြုံးရမှာပေါ့ အစ်ကို ငိုနေရင် ကျွန်တော်က ဘယ်နှယ့်ပြေမလဲ "
ပြောကာမှ ပိုတိုးပြီး ငိုသူကြောင့် စိတ်ညစ်ရပါသည် ။
" တော်ပါတော့ ခေါင်းကိုက်မယ် မငိုပါနဲ့ တစ်ခါ ရှိုက်လိုက်တိုင်း ရင်ညွှန့်ကခွဲရာကြီးက နာလာလိမ့်မယ် အရမ်းမလုပ်ပါနဲ့ "
မော်ကြည့်လာသည့် သူရိန်က အငိုတို့ရပ်ကာ ထူးဆန်းသလို ကြည့်ပြီး
" ရင်ညွှန့်မှာ ခွဲရာရှိတာ ဘယ်လိုသိတာလဲ စောနက အိမ်မက်ထဲက .. လူ.. မဟုတ်ဘူး "
ခေါင်းနှစ်ခုကိုကိုင်ကာ ပြာယာခတ်နေပြီး ရုန်းကန်နေသည့် ခြေထောက်များကြောင့် သားထူး ပါ လန့်သွားကာ ခေါင်းကို တစ်တွင်တွင် ရိုက်နေသူပြီး အင့် ခနဲ့ အသံတွေ ငိုသံတွေကြား မရတော့ပြီဟု တွေးကာ ပခုံးနှစ်ဘက်ကို တင်းကြပ်စွာ ကိုင်လိုက်ပြီးနောက်
" စိတ်ကို ငြိမ်ငြိမ်ထား ဒီကိုကြည့် "
အော်သံစွတ်နေသည့် အသံနောက်မှာ ကြောက်ရွံ့နေသည့် အနေအထားဖြစ်သူကြောင့် တော်လိုက်ဖို့ ပြောဖို့တောင် တွန့်သွားသော်လည်း မဖြစ်ပါ ။
" ခြေထောက်တွေက ဘယ်လိုဖြစ်တာလဲ "
" မသိဘူး .. စောနက အိမ်မက်ထဲက မီးတွေ တောက်လောင်နေတဲ့ အခန်းထဲမှာ အသံကြီးတစ်ခု ကြားလိုက်တယ် ပြေး မြန်မြန်ထွက်ကြမယ် တဲ့ အာ့အချိန် .... အာ့အချိန်မှာ... "
ခုချိန်ထိ အိမ်မက်တွေ မက်နေတာလား ? သူနဲ့တွေ့ခါမှ ပိုဆိုးလာတာလား ? ဘယ်အရာကြောင့်လဲ ?
" ဘာဖြစ်လဲ အစ်ကို "
ရင်ဘတ်လေးကို ပွတ်ပြပြီး
" စူးပြီးအောင့်လာတယ် လန့်နိုးလာပြီး ... ရေဆာတာနဲ့ ရုတ်တရက် ထရပ်လိုက်ပြီး ရေတွေဘာတွေ သောက်လိုက်သေးတယ် ပြီးတော့ ခွေကျသွားတယ် .. "
ပြောနေရင်းက ပျော်သွားသလို ဝမ်းလဲနည်းနေသူ အား
" စောနက တောင် ရုန်းနိုင်နေတယ် ပြန်ထကြည့်ပါလား "
" ကြိုးစားပြီးပြီ မရဘူး "
" လာပါ "
သားထူး ဒူးထောက် တစ်ဝက် မတ်တပ် တစ်ဝက်နဲ့ လက်ကမ်းပေးတော့
" လာ .. "
လက်တို့ကို ကမ်းပေးလိုက်ကာ ခါးကို ကြိုးစားပြီး ရွေ့ကြည့်သည် ၊ မရပါ ။
" ဒီလိုလုပ်မလား ခုက အောက်ကြီးမှာ ခုံပေါ်ကနေ ဆိုရင်ကော "
အမှန်တော့ ကြိုးစားဖို့ အင်အား မရှိပါ အတင်းတိုက်တွန်းနေတာကော အားတက်သရော ဖြစ်နေသည်ကြောင့် ခေါင်းညိတ်ပြလိုက်သည် နှင့် ပွေ့ချီလိုက်ပြီး ခုံပေါ် ထိုင်စေသည် ။
" ပြုတ်ကျမလို ဖြစ်တာဆို ခါးကိုဖက်လိုက် ထကြည့် အကို "
တင်ပါးတို့က ရွေ့လာသလို မခံစားရသည်မို့ မျက်ရည်များပင် ပြန်ဝဲလာသူကို သားထူး လှစ်ခနဲ ပါးတစ်ဖက်အား နမ်းလိုက်တော့ လက်တို့က ရိုက်ဖို့ ရွယ်ကာ ခါးပါ ဆက်ခနဲ ဖြစ်သွားတော့
" လက်ပေး ထကြည့် "
....
.....
နောက်ဆုံးတော့ မတ်တပ်ရပ်နိုင်လိုက်ပြီဖြစ်ကာ ခြေထောက်ဖျားတွေ ပေါင်ဖျားတွေ ဆတ်ဆတ် တုန်နေသည်ကို
' ဘာမှ မဖြစ်ဘူး ခြေလှမ်းကြည့် "
မျက်ရည်များ ပါးပြင်ထပ် ပေါက်ခနဲနဲ့ အတူ တုန်လှုပ်နေသည့် ပေါင်ဖျားကနေ ခြေလှမ်းယိုင်ယိုင်လေး လှုပ်လာသည် ၊ ဒီလိုနှင့် တစ်လှမ်း နှစ်လှမ်း လေးလှမ်းမြောက်တွင် ပြိုလဲလာသူအား ခါးက ထိန်းကိုင်ကာ မင်းသူရိန် လက်များကလည်း သားထူး လက်မောင်းတို့အား မှီခိုထားသည် ။
" ပြန်ထိုင်ရအောင် "
အသာလေး တစ်လှမ်းဆီကနေ ထိုင်ခုံရောက်သွားသည်နှင့်
" ညနေ ဆရာပြန်ရောက်ရင် ခေါ်လိုက်မယ် အစ်ကို အခုစိတ်အေးအေးထားနော် စားဖို့ လုပ်လိုက်အုံးမယ် "
လှစ်ခနဲ လှည့်ထွက်ခါနီး သားထူး လက်အား ဖမ်းဆုပ်လိုက်ပြီးနောက်
" စောနက တွေ့တဲ့လူနဲ့ အစ်ကိုနဲ့ ရင်းနှီးလား "
သားထူး စောနက ဆိုသည်ကို စဉ်းစားကာ
" ကိုဟိန်းလား "
" အင်း ဟုတ်တယ် သိဖူးလား ငါနဲ့ "
" သိတယ်ပြောရမလား အစ်ကို့အသက်တောင်ကယ်ဖူးတယ် "
နှာခေါင်းဖျားလေးကို တွန်းပြီးပြောသူကြောင့်
" ငါမမှတ်မိတဲ့ မတော်တဆ မှုမှာလား အာ့ဒါဆို ငါတွေ့ကြည့်ချင်တယ် "
" မကောင်းတဲ့ ကိစ္စကြီးကို ဘာလို့တွေးနေသေးတာလဲ အစ်ကို မလုပ်ပါနဲ့ မေ့သင့်တာတွေကို မေ့လိုက်ပါ "
စောနက တက်ကြွသလို အသံတွေကနေ စိတ်ရှုပ်ထွေးသလို အသံတွေကြားမှာ အတင်းတောင်းဆိုသလို ဖြစ်သွားသည်မို့ အားနာရသည်။
" ငါတွေ့ချင်တဲ့ သူရှိတယ် ဒါပေမယ့် ငါမေ့နေတယ် မေ့နေတဲ့ အချိန်တွေကိုသာ သတိရရင် သူ့ကိုလဲ တွေ့ရမှာ ဒါကြောင့် ငါအတင်းပြောမိတာပါ "
မျက်နှာငယ်ဖြစ်သွားသူအား မိမိကြောင့်များဆိုသည့်အတွေးဖြင့် သားထူးကလဲ အားနာသွားကာ
" အတင်းမကြိုးစားပါနဲ့ အစ်ကို တကယ်မှတ်မိချင်ရင် နည်းလမ်းတွေရှိတယ် ကိုဟိန်းနဲ့လဲ ပေးတွေ့မယ် ဟုတ်ပြီလား အခုတော့ စိတ်လျော့ တစ်ခုခုစားမယ်ပြီးရင် ဆရာပြန်လာတာ စောင့်ကြတာပေါ့ အောက်ခဏဆင်းအုံးမယ်နော် "
" အင်း "
ကပြာကယာ ဆင်းသွားသူကို နောက်မှ ကြည့်ရင်း ခေါင်းတို့ခါရမ်းလိုက်မိသည်။ ချာတိတ်မှ တကယ့်ကို ချာတိတ်ပင် အပြင်ဘက်က ကြည့်လိုက်တိုင်းမြင်ရသည့် တောင်တန်းကြီးက အကွေးအညွှတ်များပြားပြီးတော့ ကြည့်ရတာ စိတ်နွမ်းလျမှုတွေ ပြေပျောက်ရသည် ။
" ဪ မယ်ဆိုင် ငါရောက်ဖူးတာကို မေ့တတ်လိုက်တာ "
မိမိဘာသာရေရွတ်နေပြီး ခေါင်းလေးကို ထုလိုက်သေး၏ ။ အပြင်ကို ကြည့်နေရင်းက အရှေ့ဘက် ခုံတန်းများတွင် ထိုင်နေသူ အမျိုးသား အမျိုးသမီး များကိုကြည့်ကာ အချစ်ငှက်ကတော့ နေရာတိုင်းပင်ပါလား ... ကြိတ်ရယ်နေသူက နောက်ကအသံကြောင့် လန့်သွားရသည် ။
" အစ်ကို ထမင်းစားမယ်လေ ဘာတွေအာ့လောက်သဘောကျနေတာလဲ မှန်း "
ငေးနေသည့် နေရာကို လာစူးစမ်းပြီး
" အတွဲချောင်းနေတာပဲ စားမယ် "
ထိုင်နေသူနား စားပွဲဝိုင်းမလာလိုက်ပြီး ပြင်ထားသည်များက စားချင်စဖွယ်ပင် နာနတ်သီးသေးသေးလေးများဖြင့် ထမင်းကြော် ၊ ဖက်ကဖောင်အရွက်များ ငရုတ်သီးစိမ်း ပဲသီး ဝက်သားကြော် ၊ ပုဇွန်အုန်းနို့ချက် နဲ့ ထမင်းဖြူ သူအဖို့ဖြစ်ကာ သားထူးက ရှမ်းဆန်နှင့်ပင်
" ရှမ်းဆန်က ကောင်းလား "
" မနက်ကစားတဲ့ ကောက်ညှင်းထပ် နည်းနည်းပျော့တယ် စားကြည့်ချင်လို့လား "
ခေါင်းညိတ်နေသူကြောင့် ခွာနေသည့် ပုဇွန်ကို ရပ်ကာ အစ်ကိုကြိုက်သည့် ဝက်ဖက်ကဖောင်းကြော်ကို ခပ် ဇွန်းဖြင့် မဟုတ် ပေနေသည့် လက်ဖြင့်သာ ခွံကျွေးလိုက်တော့သည်။ ဒီကလေးကြီးက သူခွံကျွေးတာ သဘောတွေ့ပုံပင် ။
" အင်းးးးး ပိုအရသာရှိသလိုပဲ ငါလဲ ရှမ်းဆန်စားချင်တယ် "
" သေချာဝါးနော် စားနေကြ မဟုတ်ရင် အဆာမကြေဖြစ်တတ်တယ် "
ပြောလည်းပြော အုန်းနို့ချက်ကအရည်လေး ထမင်းပေါ် ဆမ်းလိုက်ပြီး တစ်လုပ်ပြီး တစ်လုပ် ခွံကျွေးရင်း စားဖို့ပင် မေ့နေသူကိုတော့ သူရိန်က ပုဇွန် များခွာပေးကာ ပန်းကန်ထဲ ထည့်ပေးရင်း ပြောသေးသည် ' ဖားတာ ' တဲ့လေ ။ ခွံကျွေးသည်များကို တစ်ခုမှ ခေါင်းမခါ တမ်းစားသူကြောင့် သားထူးကတော့ ထမင်းဖြူစားလိုက်ရသည်။
" ခွန်လေး ရေ "
အစ်မဖြစ်သူ အသံကြောင့် ခေါင်းမော့ကာ
" ရှိတယ် ဖီ့ "
ဆရာနှင့်မောင် UNO ဆော့နေတာဖြစ်ပြီးဆရာ့လက်ထဲတွင်တော့ ကဒ်များနေသည်မို့ဆူပုတ်နေသည်ကို သတိထားမိသည်။
" ခေတ်တို့လာပြီ ဆိုတော့ တော်ပြီ "
" ဟာ ညစ်ပြီး ရှုံးရင်ရှုံးတယ်ပေါ့ "
လက်ထဲက ကဒ်တွေ ချလိုက်ပြီး ရောချလိုက်သူကြောင့် လာသည့် သူ အားလုံးကြိတ်ပြီးသာ ရယ်နေလိုက်သည် ၊ ဆရာ ညစ်နေတာကိုပင် ။
" Nicholas တို့ပြန်ရောက်လို့ တစ်ခါတည်းခေါ်ခဲ့လိုက်တာ "
အနောက်ဘက်က Edward မျက်နှာက ရှင်းရှင်းကြည်ကြည်လေး ဖြစ်ကာ Nicholas နှုတ်ခမ်းပေါက်နေသည်ကိုတွေ့တော့
" ဘယ်လိုဖြစ်တာလဲ Niccholas နှုတ်ခမ်းမှာသွေးစို့နေတယ် "
" အထိုးခံလိုက်ရတာ ဆရာ အရေးမကြီးပါဘူး ဘယ်နားနေမကောင်းလို့လဲ "
" သားထူး "
ခေါ်လိုက်သည်နှင့် မင်းသူရိန်ကိုပွေ့ကာ ခုံပေါ်တင်ပေးလိုက်ပြီး နောက် မင်းသူရိန်က ခုံစောင်းလက်ရန်းကို အားပြုလိုက်ပြီး မတ်တပ်တို့ကြိုးစားရပ်ကာ ပိုပြီးတည်ငြိမ်စွာ ခြေလှမ်းလှမ်းပြလိုက်တော့
အာကာဖြင့် မျက်ရည်များပင်ဝဲကာ ခေတ်ဖြစ်သူက အာကာရင်ခွင်ထဲတိုးဝင်သွားတော့သည် ။ Nicholas တစ်ယောက် မျက်လုံးများလက်ထ နေပြီး
" ဆရာ ဆရာလုပ်နိင်ပြီ လုပ်နိုင်သွားပြီ "
လက်သီးလက်မောင်းထ တီးကာ ခုန်နေသူ Nicholas က Edward ကိုပြေးဖက်လိုတော့ အကုန်လုံး မျက်လုံးပြူးရသည်။ စကားသံတစ်ခုက အံ့ဩ သည်များပျောက်ရသည်။
" ထပ်အထိုးခံချင်ပြီလား "
မင်းသူရိန် အပါ ကျန်တဲ့ သူတွေအကုန် ရယ်သံများပြည့်နှက်နေသည့် အခန်းငယ်ထဲတွင် ဖြစ်ကာ အကုန်လုံး မျက်နှာထပ် အပြုံးများကြားက သားထူးကတော့ မျက်ရည်စတို့ ခိုးသုတ်နေလေသည် ။
" ဆရာ ရဲ့ သွေးလည်ပတ်နှုန်းကတော့ ပုံမှန်ပါပဲ ရုတ်တရက် ဦးခေါင်းကနေ တုံ့ပြန်မှု တစ်ခု ရှိသေးလား ကိုက်တာ ခဲတာ စူးအောင့်လာတာ "
" ဒီရက်ပိုင်း လူစိမ်းတွေ နဲ့ တွေ့ရပေမယ့် စိမ်းကားမနေဘူး ပြီးရင်တော့ ခေါင်းတွေ ကိုက်လာတယ် နေ့လည်က အိပ်နေရင်း အိမ်မက်ကနေ လန့်နိုးလာပြီးနောက် လမ်းလျှောက်လို့ရသွားတယ် "
" အိမ်မက်က.. "
သားထူးက Nicholas ပခုံးကို လှမ်းပုတ်လိုက်ပြီးနောက်
" အရမ်းကြီး မလှုပ်ရှားသေးဘဲ တစ်နေ့ နည်းနည်းဆီ ပဲ လုပ်ပါ ပြီးတော့ လတ်တလော Emotional ပြင်းထန်လာတာ ဆိုးဝါးတာမျိုးရှိရင် ချက်ချင်းပြောပေးဖို့လိုတယ် ညဘက်အိမ်မက်တွေက ဖြစ်စေ ပြယုဒ်မျိုးတွေ မြင်လာရရင် ချက်ချင်းပြောပေးပါအုံး ကျန်တာတော့ ပြေပါတယ် ပိုတောင်နေမလား ကျန်းမာရေးက ခုတလော ဒေသစာနဲ့ ဓာတ်တည့်ပုံပဲ ပြည့်တောင်လာတယ် ဆရာ့ မျက်နှာက "
" အင်း "
" ကျွန်တော်တို့ Tent ကိုဘေးဘက်ရွေ့လာမှာမို့ ဒီကခွန်လေးက လိုတာနဲ့ ခေါ်လိုက်ပါ "
" ဟုတ်ကဲ့ ဆရာ "
" မနက်ဖြန် မိုးလင်းရင် ဟိုးဘက် အခင်းကြားက Matcha Heaven သွားကြမယ် အာ့က ကိတ်ကမိုက်တယ် "
" အင်းသွားမယ် "
မနက်ဖြန်ဖို့ ပလန်ကို အတည်ပြုပြီးနောက်
" ဒီညသောက်ကြမလား "
" အစ်ကိုက မသောက်တာကြာပြီ "
သားထူးရယ်ချင်သလိုတောင်ဖြစ်ရသည်။ ကျန်တာတွေ သတိရစေချင်ပေမယ့် အရက်တော့ ပြန်မသောက်စေချင်ပါ ဒါပေမယ့် ဒီည တိုက်မှရမယ် ဆရာ Nicholas ပြောခဲ့တာကို စမ်းသပ်ဖို့လိုသည် တွေ့ဆုံတဲ့ကာလ ထဲက အမှတ်ရဆုံးတွေ ထုတ်ပြပါဆို ဒါကလည်း ဖယ်ထားလို့မှ မရဘဲ ။
" သောက်မှာလား "
" အင်း သောက်မယ် "
ပုံသေဆို ကိုယ်ကြိုက်ကိုယ်သောက်ပေမယ့် ဒီညတော့ အစ်ကို့အကြိုက် အတူသောက်ဖို့ ပြင်လိုက်မိသည် ၊ ဒါကိုရဖို့ အိုက်ထွန်းကို မရမက ခိုင်းထားတာပင် မယ်ဆိုင်ဘက်က ပညာရေးနယ်ပယ် ယဉ်ကျေးမှု များစွာ ကြားကလဲဖြစ် လာသည့်နေရာကအနည်းငယ် လှမ်းတာကြောင့် အိုက်ထွန်းကို ဂိတ်ထိပြန်ကာ တစ်ဖက်ကနေ လာပေးဖို့ကို ညွှန်ကြားလိုက်ရသည် ။ အစ်ကို့အကြိုက် COURVOISER X.O Royal Cognac ....
" မင်းကြိုပြင်ထားတာမလား "
" မဟုတ်ပါဘူး "
" တခြားကို ညာ ဒီပုလင်းကတော့ ငါ့အကြိုက်မို့ ရှာရမလွယ်တာ ငါသိတာပေါ့ မင်းတောင်သောက်ထားသေးတယ် ပုလင်းက လက်တစ်ဝက်လောက် ဟနေတာကြီး "
ပုလင်းကို ကိုင်ကာ တိုင်းတာနေသူကြောင့် အရက်သမား သူ့ပုလင်းသူ မမှတ်မိဘူးပဲ ။
" အင်း ဦးလေး တစ်ယောက်သောက်သွားတာ သေချာသိမ်းထားတာကို "
" ဪ "
ဪ တဲ့လား အစ်ကိုကတော့ အသည်းယားဖို့ တကယ်ကောင်းတာပင် ဖြစ်သည်။
" အမြည်းတွေ ဘာတွေ နဲ့ ပြင်ထားတယ်ပေါ့ "
" သောက်ဖို့ စိတ်ကူးရှိတာမို့လို့ပါ "
ခွက်ထဲ ဖြည့်ကာ တစ်ချိန်က သောက်နေကြအတိုင်း အစ်ကို့ခွက်အားဖြည့်ပေးလိုက်ပြီးပေးလိုက်တော့ မသောက်တာကြာပြီသူက သေချာကို Shake နေပြီး အနံ့လေးခံကာ နှုတ်ခမ်း ပါးတို့က ပြုံးနေသေးသည် ။
" Cheer "
ထုံးစံမပျက် တည့်မတိုက်ပဲ သူ့ခွက် ဖင်လေးကို ကိုယ်က တိုက်ပေးလိုက်ရသည်။ သူက အသက်ကြီးသည်မို့လေ။
" အင်း အရသာ က ရည်းစားကိုလွမ်းဖို့အကောင်းဆုံးပဲ "
ပြောပြီး လက်ထဲက ခွက်ကိုချကာ သားထူးကိုကြည့်နေသူကို သတိထားမိသည်နှင့်
" နေ့လည်က ကောင်မလေးက ရည်းစားလား "
" အစ်ကိုက နောက်ပြီ ကျွန်တော်မှာ ရည်ရွယ်ထားတဲ့ သူရှိပြီးသား "
စိတ်ထဲတော့ ဝမ်းနည်းသွားရသလို မကောင်းတော့သလို ခံစားမိသည်မှာ အမှန်ပင် ၊ အင်း ဖြစ်နိုင်ပါတယ် ဒီအရွယ် မရှိဘူး ငြင်းခါမှ ညာရာ ကျနိုင်သေးသည် ။ ငါ့မှာလည်း ရှိတာပဲ မဟုတ်လား
" ဟယ် "
" ဘာဖြစ်လို့လဲ အစ်ကို "
" ငါခုထိ အိမ်ကို ဖုန်းမဆက်ရသေးဘူး ပြီးတော့ နောက်တစ်ယောက်လိုက်လာဖို့ ရှိသေးတယ် မေ့နေတာပဲ တကယ် ဒုက္ခပါပဲ အိမ်ကတော့ စိတ်ပူနေမှာ "
သားထူးက နောက်တစ်ငုံ ငုံလိုက်ပြီး ရယ်ရင်းပြာယာခတ်နေသူအားကြည့်ကာ
" အိမ်ကိုမလား ကျွန်တော်ဆက်ထားပေးမယ် ဝန်ကြီးဟောင်းနဲ့က ရင်းနှီးတယ်လေ အသိဖြစ်သူက အိမ်ရောက်နေပါပြီ မှာထားတယ် အိမ်ကလူတွေကို ပူမနေနဲ့ "
အကွက်စေ့လွန်းသူကြောင့် ခေါင်းတငြိမ့်ငြိမ့်ဖြင့် လက်ထဲက ခွက်တို့ကို မော့သောက်လိုက်ကာ အရသာကို အပြည့်အဝ ခံလိုက်ပြီးနောက်
"ဟားးး "
" အာ့လောက်ကြိုက်တာလား"
" မသောက်တာကြာတော့ ပေါ့သွားသလိုပဲ "
" အခုလာတဲ့ သူနဲ့တွဲနေတယ်ကြားတယ် အစ်ကိုက ယောကျ်ားလေးကြိုက်တာလား "
အဟွတ်
သည်လောက် တည့်တိုးဆန်သည့် မေးခွန်းကို မေးလာသည်က ပြန်ဖြေဖို့ချက်ချင်းမဖြေနိုင် လူပါ လန့်ဖြန့်သွားသည်။ ဒီလောက်လန့်နေသည့် သူအား ဒီတစ်ကြိမ်တော့ သည်းသည်းလှုပ်မနေဘဲ ပုံမှန် ဆက်သောက်နေရင်းဖြေပါလို့ပြောနေသလိုမို့ အဖြေမဖြေခင် ကိုယ်တိုင်လည်း စဉ်စားနေသည်။
ပိုင့်ကို ချစ်သလို ပိုင်ကလည်းချစ်ကြသူတွေပါ နိုးလာထဲက ဘေးမှာ တောက်လျှောက်ရှိလာပေမယ့် အရင်လို မဟုတ်တော့သည့် ပိုရင့်ကျက်လာသည့် ပိုင်ပုံကြောင့် လှဲနေမိတာ ကြာခဲ့ပြီဆိုတာ လက်ခံမိသည် ၊ ပိုင့်ကို ချစ်ပါသေးသည်သို့သော် မလတ်ဆတ်တော့သလို ဖြစ်နေသည့် သူတို့နှစ်ဦး လက်ထပ်ဖို့ ပြောဖြစ်ပေမယ့် ဆက်တိုက်ငြင်းလာသည့် သူကိုယ်တိုင် မဟုတ်ပါလား ။
" မေးတာဖြေအုံးလေ "
" အင်းတွဲနေကြတယ်ပြောရမလားပဲ "
" ဪ အင်းပါ ကောင်းကောင်ဧည့်ခံပေးမှာမို့ စိတ်မပူနဲ့ "
" အင်း "
ဒီညတော့ အလုပ်ဖြစ်မည် မထင်ပေ ။ အစ်ကိုဖြေတာက တည့်တိုးဆန်သလား မေးလိုက်မိတာ ဘာကိုမျှော်လင့်လိုက်မိပါလိမ့်လို့တွေးကာ စိတ်ပေါက်ပေါက်နှင့်သာ သောက်နေလိုက်သည် ။
ပုံမှန်ဆို စကားတွေပြောရင်ပြော မေးရင်မေး လုပ်နေသူက အခုလို သောက်နေပြီးငြိမ်နေတာကိုလည်း မင်းသူရိန် အသားမကျသလို ဖြစ်ကာ ကိုယ်ကပဲ ဦးဆောင်မေးဖို့ လုပ်လိုက်တော့သည်။
" မင်းကရော အခုတွဲနေတာ ကောင်မလေးလား ကောင်လေးလား "
" .. "
" မဖြေချင်လဲ ရပါတယ် "
" ကျွန်တော်က ရည်ရွယ်ထားတာပါ တွဲနေတာ မဟုတ်ပါဘူး "
" ဪ "
ဘယ်လိုကြောင်လိုက်တဲ့ ချာတိတ်ပါလိမ့် တွဲပြီးမှ ရည်ရွယ်လို့ရမှာပေါ့ ခေတ်ဆန် လိုက်ကြတာများ ...
" အစ်ကို ကျွန်တော် သန့်စင်ခန်းသွားလိုက်အုံးမယ် "
" အင်း အစ်ကိုလဲ လိုက်မယ် မင်းက "
" မျက်နှာသစ်မို့ "
လိုက်မည်ဟုဆိုသူအား လက်မောင်းကြီး ထိုးပေးတော့ လက်မောင်းကြား လက်တို့ထည့်ကာ မင်းသူရိန် ထလိုက်လာပြီး
" အစ်ကိုကရော ဘာလိုက်လုပ်တာလဲ "
" အင်း .. ဟို အပေါ့သွားချင်တယ် ခံစားရလို့ "
ရှက်သလို ပြောနေသူကြောင့် အခုလို မခံစားရတာကြာနေပြီဖြစ်သူက အပေါ့သွားချင်သလို ဖြစ်တာကို ရှက်နေတာထပ် ကျေနပ်သလို ဖြစ်တာနေမည် ။
" ကျွန်တော် မျက်နှာနောက်မှသစ်လိုက်မယ် "
" ရတယ် အတူသွားမယ် လိုက်ကာ ရှိတာပဲ မရွံဘူးမို့လား "
" အာ့လို မရှိပါဘူး အစ်ကိုမပြေမှာဆိုးလို့လေ"
" ပြေပါတယ် "
Bathroom တွင်းမှာတော့ အစ်ကိုက ဘေစင်လေးက လိုက်ကာလေးကိုဆွဲသွားကာ ဝင်သွားသည်မို့ သားထူးလဲ မျက်နှာသစ်ဖို့ လုပ်လိုက်မိသည်။ ရေအေးကိုဖွင့်လိုက်ပြီး အာရုံကြောတို့ ကို နိုးထဖို့ လုပ်လိုက်ပြီးနောက် ကန်ဘောင်ကို လက်ထောက်လိုက်ကာ မှန်ထဲကနေ ရီဝေဝေ ဖြစ်နေသည့် မိမိမျက်နှာတို့ကို ကြည့်ကာ ဆံပင်များကို ထိုးသတ်လိုက်ပြီး လေပူများကို မှုတ်ထုတ်နေလိုက်မိသည်။
" သားထူး "
အနောက်ကို ဘယ်ချိန်ကရောက်နေလဲ မသိသည့် အစ်ကိုဖြစ်သူကို မြင်လိုက်သည်နှင့် တည်တန်းနေသည့် မျက်ခုံးများကိုပြင်ကာ လှည့်ကြည့်လိုက်တော့
" မင်း ဘာဖြစ်နေတာလဲ "
ရေများ မျက်နှာပြင်ထပ် တိုးတီးတွဲနေပြီး နီရဲနေသည့် နားရွက်ဖျားတွေ အပြင် စောနထဲက ကြားရသည့် သက်ပြင်းသံကြီးကြောင့် မင်းသူရိန် စိတ်ပူရသည် ဘာကို အလိုမကျ ဖြစ်နေသည်ပါလိမ့်
" ဟင် "
" အနားလာခဲ့မလား "
မင်းသူရိန် အနားတို့ကို တိုးသွားတော့ ထပ်ပြီး ကပ်လာဖို့လက်ယပ်ပြနေသူကြောင့် ထပ်ပြီးတိုးကပ်လိုက်တာ့ နှုတ်ခမ်းပါးက မိမိနဖူးပေါ် ရောက်လာတော့ မျက်ဆံများပင် ပြူးကာ နေ့လည်ကလည်း လာနမ်းသေးသည် ၊ တစ်ခါခါ မောင်လို့လဲ ပြောတတ်သည့် သူ့ကြောင့် ရင်များပင် တိုးလှုပ်လာကာ ရင်ခုန်သံ မငြိမ်မသက်ဖြစ်ရတော့သည်။
" ဒီည အတူနေကြမလား "
ဟင် !
လန့်သွားတာ အမှန်ပင် သူကောကိုယ်ကော ယောကျ်ားလေး ကိုယ်က ဒါကို ချစ်ရတဲ့ ပိုင်ဖြင့်သာ ဖြတ်သန်းဖူးတာပင်ဖြစ်ကာ အခုအနေအထားအရဆိုလည်းကိုယ်က အောက်နေရမည့်ပုံ အရပ်အမောင်းအရကော လူကောင်အရ သူက ကိုယ့်ထပ် အင်အားကြီးသေးသည်။ မဖြစ်နိုင်ပါ ဘယ်လိုမှ မဖြစ်နိုင် ၊ ပြောရင်းကနေ ဝတ်ထားသည့် သူ့အပေါ်အင်္ကျီအား ချွတ်လိုက်တော့ မြင်လိုက်ရသည့် ပြေပြစ်လှသော ဝမ်းဗိုက်သားများ ဖုဖောင်းနေခြင်း မရှိ ခပ်ရေးရေးကြွက်သားများ အပြင် ခါးဆစ်နားက တက်တူးကို ကြည့်ရင်း အပေါ်ဘက်ကို တက်လာတော့ ဘယ်ဘက် ရင်အုံပေါ်က ချုပ်ရိုးတို့ဆီ မျက်စိများက ရောက်ရုံတင်မက လက်များနှင့်ပါ ကိုင်လိုက်မိသည်။
" ဒါက "
အသာအယာပွတ်သပ်နေသည့် လက်များဖြင့်တော့ ခက်ချေပြီဖြစ်ကာ ဖြေဖို့ကို အားစိုက်လိုက်ပြီးနောက်
" အင်းးးး ဒဏ်ရာ ရထားတာ "
" ငါ့မှာလည်းရှိတယ် "
ပြောပြီး ရှပ်လက်တို ကို ကြယ်သီးများအမြန်ဖြုတ်ရင်း စိတ်မရှည်စွာ ဆွဲချွတ်လိုက်သူ၏ ညိုဝါဝါ အသားအရည်ထပ်က ချပ်ကပ်နေသည့် ဝမ်းဗိုက် ပြည့်တင်းသလို ရင်ဘတ်ကြီးကြောင့် သားထူး အကြည့်လဲ မလွှဲနိုင် စုတ်သတ်လိုက်ပြီးနောက်
ကျစ် !
" အစ်ကို ကျွန်တော် မရတော့ပဲ နေလိမ့်မယ်နော် ပြန်ဝတ်လိုက်ပါ "
မျက်လုံးတို့ကို လက်ဖြင့် အုပ်ကာ ပြောနေသူကြောင့် မင်းသူရိန် စိတ်မရှည်စွာ လက်တို့ကို ဆွဲဖယ်လိုက်ပြီး သူ့ရင်ဘတ်ကို လက်ညှိုးထိုးကာ
" ဒီမှာ ငါ့မှာလဲ ချုပ်ရိုး တွေ့တယ်မလား နေအုံး "
ပြောပြီး ကျောဘက်ကိုလှည့်ပြကာ မမှီမကမ်းနေရာလေးကို လက်ဖြင့်ထိုးပြကာ
" ထုပ်ချင်းဖောက်ထားတား ဓားရာကြီးလိုပဲ မင်းမှာလဲတွေ့တယ် ကျောဘက်က ငါ့ထပ် ကြီးတယ် ဘာဖြစ်တာလဲ "
အဖြေစကားများမကြားလိုက်ရချိန် ကြက်သီးများဖြန်းခနဲဖြစ်ကာ ကျောဘက် ချုပ်ရာ ထပ်သို့ လေငွေ့နွေးနွေးတို့ရောက်လာကာ အနမ်းခံလိုက်ရသည်ကို သိလိုက်တော့သည်။ နူးညံ့လွန်းသည့် နှုတ်ခမ်းလေးကြောင့် မင်းသူရိန် လန့်သွားသော်ငြား ငြိမ်နေလိုက်မိသည် ။
" အစ်ကို သိလား ကျွန်တော် တားတယ် အစ်ကိုကမြူဆွယ်တာ ရှေ့ဆက်တာကျွန်တော့်အမှားဆို စတာ အစ်ကိုမို့ အပြစ်လုံးဝ မကင်းဘူးနော် "
စကားသံ အဆုံး ကျောပင်ဘက် ကနေ ဆန်တက်လာသည့် နှုတ်ခမ်းဖျားများက ပခုံးထပ်ကနေ ကပ်လာပြီး လည်ပင်းညှပ်ရိုးလေးကို စုပ်နမ်းလာသည်က မရှုသာသည့် ခံစားချက်များဖြစ်လာပြီးနောက် အသံတစ်ချိုု့ပါထွက်လာရသည်မို့ ပါးစပ်လေးကို လက်ဖြင့် ပိတ်ကာ
တိုးလာသည့် အနမ်းများကြားက နားရွက်ပါ ပါသွားသည်မို့ ခန္ဓာကိုယ်က ခွေကျသွားတော့မည့် အလား ဖြစ်ကာ
" သား..ထူး "
" ဟင် အင်း "
" ခြေထောက်က ခွေကျတော့မယ် "
" အင်း "
အင့် !
အနမ်းများမဟုတ်သည့် လျှာဖျားလေးက နားရွက်တွင်းတိုးလာသည့်မို့မထိန်းလိုက်နိုင်ပါ ၊ လူကလဲ လဲတော့မလို သူ့လက်ကြီးဖြင့် ခါးတို့ကို သိုင်းဖက်ထားပြီး မင်းသူရိန်ကတော့ ကျောပေးကာ ခေါင်းများပင် စောင်းမိသည်အထိ နောက်ဘက် ရင်ခွင်ထဲ ဆီပြိုလဲ နေပြီဖြစ်၏ ။ ခါးကနေ တင်းနေရာက ရပ်လိုက်ပြီး တကောက်ကွေးကနေ ဆွဲပွေ့သူ၏ဘယ်ဘက် ရင်ခွင် ရောက်ကာ ရေချိူးခန်းကနေ ထွက်လာလိုက်သည် ရှက်လွန်းသဖြင့် ရင်ဘတ်ကိုသာ မျက်နှာ အပ်ထားလိုက်ပြီးနောက် ဘယ်လိုပင် ကုတင်ပေါ်ရောက်လာလည်းကို မသိလိုက်ပါ ။
Note/- Next part ကတော့ Warning Part ပါ အစောထဲက ခြည် Warning On ထားပါတယ် အများကြီးပါတာမပါတာပဲကွာသွားတာမို့ နားလည်ပေးဖို့မျှော်လင့်ပါတယ် ။ မဖတ်ချင်သူတွေ ကျော်သွားလို့ရသော်လည်း Reader တို့ရေ Warning ပေမယ့် ဇာတ်အိမ်ထဲက မို့ ဖြစ်နိုင်ရင်တော့ ဖတ်သွားစေချင်ပါတယ် ။
If you like this story please vote & Comment for me .
Dec.14,2023
