فاقد الشيء يعطيه

الجزء 29

#فاقد_الشيء_يعطيه
#شمس
#بقلم_فريال
الجزء 29
هزيت بيجامة تاعي وجيت خارجة عيطلي قالي وين رايحة _ هنا برك نبدل ونجي _ بدلي هنا في شومبرة علاه تخرجي _ هكا خير _ معندك ماتخبي شفت وحفظت كل شبر من جسمك _ عيب رانا في رمضان _ العيب كي راكي واقفة قدامي هكا ورايحة تبدلي في شومبرة خلاف باش منشوفكش وعلبالي رانا في رمضان بصح صاي فطرنا خلصنا _ انا رايحة نرقد مع يما خير _ شوف اسيدي تخلي راجلك وتروحي ترقدي مع يماه ربحت عليا _ وش دير بيا بعد لعيد نرجع نرقد هنا _ نقولهالك بصريح العبارة حاب ن***_ اععععع عيب وش الهدرة هذي ماتحشم ماوالو رانا في رمضان _ واذا في رمضان شبيك من قبيل وانت رمضان رمضان علبالي رانا في رمضان بصح صاي فطرنا صلينا خلاص نقدرو نديرو وش بغينا منا لوقت السحور _ لا مكانش منها حرام _ وش الي حرام اطفلة فهمي روحك _ انت الي فهم روحك الشي الي راك حابو عيب وحرام _ انت متأكدة بلي قارية _ ايه قريت _ وكيفاه ذوك تقوليلي حرام نتوشيك _ مقولتش حرام بصح في رمضان حرام الشي هذا _ هكا حاطة في مخك انت _ انت تخلط وانا قاعدة نتبع فيك نروح نلبس قشي خير حابة نرقد تعبت _ مكلاه تلبسي وانا نعريك ابقاي كيما راكي تجيني ساهلة، غمزلي وناض جاي لجيهتي وانا فتحت لباب رايحة نهرب عيط عليا قالي بلاصتك _ والله غير نعيط ابقى بعيد عليا حرام وش راك حاب دير _ ماهو حرام ماوالو فهامتك زايدة الي راهي تحلل وتحرم وش بغات _ لا انت الي غالط _ روحي حوسي في غوغل هو يفهمك علبالي نبقى منا لغدوا صباح وانا نشرحلك مستحيل تفهمي عليا امالا روحي ليه _ مانروح ماوالو حاجة باينة متحتاجش توضيح حرام توشيني في رمضان اصبر شهر عادي مش راح تموت _ لوكان جاو نسا كامل كيفك خلات على رجال شهر كامل يبقاو شايحين، رفد تليفونو منعرف وش بقى يدير فيه وعطاهولي قالي اقراي. بديت نقرا وياريت ماقريت ظهر مفهومي غالط وانا كنت حاطة بلي في رمضان مايصرا والو بين المتزوجين ومكانش الي يشرحلي ولا يعلمني وجامي خطرت على بالي نحوس على موضوع لفراش. كي شافني ساكتة ضحك اول مرة نشوفو يضحك منعرف وش بيه ليوم بديت نشك بلي كان راكبو جن وفي رمضان طلقو، شبيك تضحك غير الخير _ نضحك عليك وعلى فهامتك زايدة _ وانا منين نعرف جامي حوست على المواضيع هذو ميهمونيش _ ايه عندك الحق ماتحوسي ماتندبي انا هنا نعلمك ونوريلك كلش. روحي البسي قشك لا تمرضي انا نروح نشوف ندى ونجي _ لا خلي انا نروح لعندها خير _ متخافيش مش راح نتوشيك ليلة ارتاحي علبالي بيك تعبانة من صباح وانت واقفة في الكوزينة وزيد حرام نتوشيك رانا في رمضان قالها كيما قولتهالو وضحك وياربي ربي على ضحكتو تهبل داتلي عقلي، اليوم تبدل بزاف ونتمنى يبقى ديما هكا ومايتبدلش بصح للاسف مش ديما وش نتمناوه يصرا.
#فريال