فاقد الشيء يعطيه

الجزء 36

#فاقد_الشيء_يعطيه
#شمس
#بقلم_فريال
الجزء 36
قولتلها نهار جا يخطبني قالي بلي عندو طفلة وبلي تزوجني على جالها وانا قبلت بيه وبيها وملي دخلت لدارو وانا حالفة نديرها بنتي ونحطها في عينيا حاجة ماتخصها لانو هي امانة عندي ونتحاسب عليها ومايعرف قيمة اليتيم غير الي عاش كيفو، سكتت ضربة وحدة مازادتش حرف وش راح تقول مثلا فعايلها المشرفة يحكيو عليها. عيطلي يزيد قالي راني وصلت اهبطي رفدت ندى وخرجت من دار ماودعوني ماقالولي ارجعي ولا اتهلاي في روحك من غير خاوتي لصقو فيا مبغاونيش نروح، هبطت لتحت لقيتو مڨاري يستنى فيا ركبت قالي علاش مابطيتيش ياك قولتيلي نبقى حتى لعشية _ لقيتهم خارجين بصح انت علاه ماهبطتش معايا وغافرت على بابا سكت ماردش عليا ديمارا طريق كامل وهو ساكت. وصلنا للدار ثان هو بقا ساكت مفهمتش شبيه عزرينو كل دقيقة بعقلية، ندى حطيتها عند يما وانا فت نحي في حوايجي لقيتو دخل من ورايا غلق لباب وقعد فوق سرير قولتلو ماحقش عليك الشي الي درتو نورمالمو تهبط معايا وتغافر على بابا هذا عيد، انا مع نقولو هكا وهو يطير فيا خنقني من رقبتي وحشرني للحيط قالي انت متسكتيش متبلعيش فمك سقسيتيني في الطوموبيل ڨبيل وانا سكت مبغيتش نجاوبك بصح انت ر** راسك خشين متفهميش تبقاي تعاودي في نفس الهدرة مانغافرش وميشرفنيش نتلاقى ولا نشوفو الراجل الي يبيع بنتو كي السلعة منحبش حتى نذكر اسمو _ كيفاش يبيع بنتو هذي مفهمتش _ ايه باعك باباك باعك ليا ناس تمد بناتها وتشرط لهنا هو شرط دراهم ورماك تقول كاش سلعة حاب يتهنى منها قوليلي شحال عطاك الشرط تاعك قداش كان _ عطالي 10 ملاين علاش انت شحال عطيتلو _ علابالك باباك شرط فيك ولا نقولو باعك ب80 مليون ليا، تشوكيت قد ماتصورت وتخيلتك مستحيل كانت الفكرة هذي تخطر على بالي بابا وصلت بيه الدناءة والوقاحة انو يبيعني مافهمتش هذا كامل طمع ولا كره ولا حقد وانا الي كنت نقول الراجل علاش مش حاملني وميحكيش معايا ويعاملني زي الخدامة وهو عندو الحق شرا جارية ليه خلي يدير رايو فيها يشبع منها فليل وفي نهار تطبخ وتغسل ودير كلش بصح  انا وش ذنبي حتى يصرالي هكا وش درت في حياتي حتى نتعذب ونعاني هكا نهار قولت فرجت عليا ودنيا بدات تضحكلي تصدمت صدمة عمري بابا باعني وراجلي قاعد يذل فيا بصح علاه قبل بيا كان قادر يرفض ويفض لحكاية كي شرطلو بابا الدراهم هذوك كامل علاه قبل وذوك قاعد يذلني هاك علاه علاه.
#فريال