فاقد الشيء يعطيه

الجزء 24

#فاقد_الشيء_يعطيه
#شمس
#بقلم_فريال
الجزء 24
حلفت ليوم هذاك مانسكت نبكي دمعة وخنونة ولكم ان تتخيلو المنظر، جاتني يما تسكت وتحضن هي من جيهة وندى من جيهة اخرى قالتلي امسحيها فيا المرة هذي ومكانش لازم نقولك ادخلي لعندو منعرف شبيه يزيد تبدل هكا كان من قبل يخلي مرتو تخرج قدام ولد خالتو ومكانش حزار هكا(معناها الراجل الي ميخليش مرتو تخرج وتبان قدام رجال يخزنها في دار) وعصبي مديريش في بالك كلش يفوت ومتزيديش تخرجي وتقابلي رجال كعاد راجلك ماحبش _ ايه يما عندك الحق منزيدش نعاود _ هيا امسحي دموعك حاجة ماتستاهل تبكي عليها _ خلاص راني مليحة _ انا نخليك ذوك باي. هي خرجت وانا بقيت نخمم في كلامها هي من جيهة عندها الحق وماغلطتش خلاص لانو في حرام عليا نقابل راجل غريب ماهو خويا ماهو بابا وحتى ويكون من لافامي تاعي ومتربية معاه حرام نقعد معاه بلا خيمار وفوقها باللبسة هذي، ففي الصحيحين من حديث عقبة بن عامر أن رسول الله صلى الله عليه وسلم قال: "إياكم والدخول على النساء، فقال رجل من الأنصار: يا رسول الله: أفرأيت الحمو؟ قال: الحمو الموت"، والحمو قريب الزوج من أخ وغيره.قال الله تعالى: قال الله تعالى: {قُلْ لِلْمُؤْمِنِينَ يَغُضُّوا مِنْ أَبْصَارِهِمْ} [النور:30]، وقال: {وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ} [النور:31]، وقال تعالى: {وَلاَ يُبْدِينَ زِينَتَهُنَّ} [النور:31].(منيش موالفة نحط دليل شرعي بصح الظاهرة هذي نشوفو فيها بزاف وكاين الي تجيهم عادي يڨابلو سلافهم وولاد خالاتهم وعمومهم بدون خيمار ويقولولك عادي من لافامي تاعي ومكانش مشكل ورانا متفتحين ووو، التفتح في امور اخرى مش في  دين الاسلامي حنا دينا نهى عن الاختلاط وتعري امام الرجال). ومش غير تقعدي قدامهم وتڨابليهم بدون حجاب ياووو حتى باش تسلمي عليهم حرام تصافحي اهل زوجك ففي الصحيحين عن عائشة: "أن النبي - صلى الله عليه وسلم - لم يكن يصافح النساء"، وعن معقل بن يسار قال: قال رسول الله صلى الله عليه وسلم: "لأن يطعن في رأس رجل بِمِخْيَطٍ من حديد خير من أن يمس امرأة لا تحل له" (رواه الطبراني والبيهقي والروياني)، و(الْمِخْيَط) بكسر الميم و فتح الياء: هو ما يخاط به؛ كالإبرة والمسلة ونحوهما، وهو وعيد شديد، ويدل على تحريم مصافحة النساء لأن ذلك مما يشمله المس، وقد اتفق الفقهاء على حرمة لمس الأجنبية.وحتى وراجلك يقولك اخرجي وسلمي وعادي وياك نعرفو وراهو كي خويا تربى معايا وووو حتى هذيك حرام، قال رسول الله صلى الله عليه وسلم: "لا طاعة لمخلوق في معصية الله عز وجل" (رواه أحمد من حديث علي بن أبي طالب).
#فريال