فاقد الشيء يعطيه

الجزء 45

#فاقد_الشيء_يعطيه
#شمس
#بقلم_فريال
الجزء 45
يعني ذوك انت حاب تفهمني بلي انت معندكش مشكل تجيب معايا لولاد _ منكذبش عليك مع لول مبغيتش نجيب قولت طفلة صغيرة متعرفش صلاحها ومستحيل تتحمل هبالي ومعاملتي القاسية معاها باين شهر شهرين تروح ومبغيتش نزيد نجيب طفل يتجرجر معانا بصح كي شفتك صبرتي وتحملتي كلش عرفت بلي انت تاع صح مرا بمعنى الكلمة والي زاد اكدلي بلي انت تستاهلي تكوني مرتي وتربيلي ولادي ومستحيل تخونيني هو نهار سمعت ولد خالتي كي عرض عليك تطلقي مني وتتزوجيه وقالك نشريلك دار وطوموبيل وبلي انت تستاهليه هو وانا مفياش فايدة وكبير عليك وزيد عندي طفلة وغبنتك معايا وانت سبيتيه ورخستيه لانك بنت اصل وقولتيلو انا راجلي مقنعني ومكفيني ماعندي علاه نطلق ونخرب داري على جال رخاس لثم كبرتي في عيني وسكت مابغيت ندير والو ستنيو روح وشديتو عطيتلو طريحة (عليها مزادش جا وانا نقول الرخيس هذاك غاب حسو تهنية منو يستاهل مرخس). ذوك حاب نسقسيك _ وش تسقسيني _ تقبلي تكملي حياتك معايا وتنساي الي فات ونربيو بنتنا مع بعض ونجيبولها خاوة _ ايه نقبل (قولو مذلولة كلبة معندهاش كرامة قولو كلش بصح هذا راجلي ومنقدرش نفرط فيه نحبو هيه نقولها ونعاودها وحتى ونبغي نبعد ونطلق وين نروح شكون يستقبلني بابا حاوزني وعندي بنتي منقدرش نفرط فيها). تصالحنا ليلة هذيك رجعنا لدار مع غلقت لباب لقيتهم كامل راقدين طاح عليا يبوس ويعنق راح فيها ودا وش حاب ولمرة هذي غير المرات السابقة المرة هذي شبعني غزل ورومانسية وكمل لعلاقة للاخر، فاتو ليام وحبنا كل يوم يزيد بعد شهرين عرفت بلي راني بالحمل فرحت بزاف وحتى هو عجبو لحال ويحمد في ربي ويشكرو يما مانحكيش عليها قريب طير من الفرحة وماتخليني ندير والو ديما تقولي ريحي ترتاحي انا نخدم متعبيش روحك بزاف عليك تاع صح كانت معوضتني حنان الام الي فقدتو، بنتي ندى بدات تكبر وتعلمت تهدر رجعت تهبل. كي قريب نلحق لشهري الطبيبة قالتلي كثر من المشي والعلاقة باش تجيك الولادة ساهلة وهذاك الي كان يزيد جاتو على قلبو كيف لعسل مايطلقنيش خلاص ديما عڨابي واحد نهار يما وندى راحو للجيران يقصرو وانا قعدت وحدي في دار دخل يزيد ديراكت بدون مقدمات بدا يبوس ويحضن مخلاليش الفرصة حتى باش نغلق لباب تاع شومبرة رديتو برك ورحنا فيها ماحسينا بوالو حتى تدخل علينا ندى وتعيط بابا ماما لقاتنا في وضع كارثي ولمزية ماتعرفش مليح بغات تجي عندنا ويزيد عيط عليها قالها طيري منا قودي لجداتك خرجت تبكي وهو دار يكمل فشغلو ولا علبالو مش حاير فيها كي قولتلو نوض خليني نروح لطفلة اي تبكي قالي خليها باش تتعلم متزيدش تدخل لشومبرة بلا ماطبطب _ هي صغيرة الغلطة منا خلينا لباب محلول، ماردش عليا كي شغل نحكي مع لحيط هو اصلا كي يكون معايا عقلو يطير حتى يكمل باش يرجع لعقلو ويسمعني.
#فريال