فاقد الشيء يعطيه

الجزء 37

#فاقد_الشيء_يعطيه
#شمس
#بقلم_فريال
الجزء 37
شبعت بكا اصلا انا ديما هكا نضحك شوي نبكي بزاف الفرح مهوش من نصيبي انا وجهي وجه المشاكل والحزن ونديب، نبكي ونقول مابكيت حتى وليت نغرد بالصوت عيت تخنقت تعبت من صغري وانا نعاني مالقيتها من يما الي راحت رماتني وكملت حياتها مالقيتها من بابا الي كان يسبني ويعيطلي بنت الكلبة وزاد باعني لراجل كل مرة بعقلية جديدة عيت نفهم كيفاه يخمم مرات يكون حنين وعاقل ومرات صعيب وشرير ومرات زي العڨون ماينطق مانعيه.«تمنى هذا القلب أشياءً لا حصر لها، كأحلام طفولية لا تتعدى امتلاك قطعة إضافية من الحلوى، أو أحلام أخرى شبابية نرجسية، عنفوانية، ووردية أحياناً، فهذا ما يميز أحلام الشباب غالباً.. ضعت في فترة ما بين أحلامي وهواجسي، بين ما أنا عليه الآن وبين ما كنت اريد أن أكون، نتيجة لذلك فقدت ذاتي في حسراتٍ على لحظاتِ ضعفٍ اجتاحتني ووقفت حائلاً بيني وبين ما أريد، أو في أوقات كنت أهرب فيها من حاضري لأعود إلى زمن كان فيه النصر حليفي وكل ما أريده ملكي وبين يداي..» انا فقدت ذاتي واحلامي ورغباتي اصبحت اعيش بلا هدف.
انا هكاك نبكي حتى دخلت عليا يما جات ديراكت حضنتني ماسقساتني على والو حتى حكيتلها وحدي كنت محتاجة اني نحكي ونفرغ قلبي لوكان سكت راني مت ولا طرطقلي كاش عرق، كي كملت حكيتلها كلش قالتلي كاينة منها لحكاية هذي بصح مديريش في بالك وماتعمريش راسك بالامور تافهة هذي كلش رجع من الماضي ذوك انساي وعيشي حاضرك ماتخليش غلطات غيرك يأثرو عليك، ياعمري وش هاذ لمرا تهبل وحنينة شحال حبيتها كون جات وحدة اخرى راهي تعايريني بهاذ لحكاية وماتسكتش حتى تسمع ناس كامل وكل دورة تفكرني بلي بابا باعني وولدها شراني بصح هي العكس تعاملت معايا مليح ومبغاتش تقولي ولا تجرحني بكلامها كانت ام بالنسبة ليا بسبابها تحقق حلمي اني ننطق كلمة ماما ونحس بحنان الام الي فقدتو في صغري قد مانحكي عليها منقدرش نعطيها حقها. انا هكاك محضنتها حتى نشوف في ندى جاية تمشي وتتمايل ياعمري على بنوتي قاعدة تعيطلي وتقولي ماما وتبكي وصلت عندي طاحت عليا محضنتي وتبكي وانا نبكي معاها دخلتها في صدري وحطيت راسي في حجر يما وهي تمسحلي على شعري حتى غفيت لاول مرة نرقد في حضن دافي وبلا مانخاف حسيت بالامان معاها لدرجة اني رقدت وانا فلرض ماحسيت بوالو غمضت عينيا ورقدت هاربة من المشاكل والحزن والخذلان والدناءة والوقاحة الي دايرة بيا نحاول ننسى كلش ونهرب منو .
#فريال