فاقد الشيء يعطيه

الجزء 41

#فاقد_الشيء_يعطيه
#شمس
#بقلم_فريال
الجزء 41
مع قولت الو نطق هو شكون غيرو يزيد قالي وجدي روحك راني جاي باش نروحو _مانروحش صاي مابقات معيشة معاك _ علاش وش صرا حتى راكي مدايرة لحالة هذي كامل _ كيفاش وش صرا راك فايق بروحك وش راك تقول ولا لا ايا نسقسيك برك حابة نفهم علاه تزوجت بيا _ يجي نهار وتفهميني _مايجي ذاك النهار مانحتاجو يجي خلاص الشيء لي بيناتنا يكمل هنا عيت تعبت _وشراكي تقولي محال انا نسمح فيك غير نحيها من راسك وجدي روحك راني جاي _مكلاه تجي، انا هكاك نحكي معاه حتى فضيلة حلت لباب ودخلت عليا قالتلي ايه يا الكلبة وانا نقول علاش جات صار جيتي غضبانة اسمعي نسيتي وش وصيتك نهار عرسك حنا ماعندناش بنات يغضبو هيا اخرجي قودي مع راجلك ولا شوفي دار اخرى تلمك انا ماتقعديش عندي كيما كنتي عازبة ماحملتكش نحملك ذوك وانت مطلقة ومكلاه تنطقي خلاص راني عيطت لباباك ضرك يجي يلقالك حل انا منقبلكش عندي كي تنطبق السما على لرض ماشي يماك راحت رماتك وانا نحصل فيك هي عايشة حياتها بالطول والعرض وانا نقعد مقابلات ناس تتزوج تتهنى انا تزوجت للخلا كل نهار نصبح على وجهك وجه الشر من نهار جيت لدار هذي وانا نقابل فيك ونكرهك مدخلتيش لقبلي خلاص لوكان جات في يدي راني رميتك في دار الايتام نتهنى منك بصح مقدرتش وهكاك بغيت نزوجك ومصلحتليش قعدتي على قلبي حتى كملتي قرايتك وذوك تزوجتي تهنيت منك وتاع صح تشهيت فيك كي ديتي واحد مطلق وببنتو باش تحسي وش حسيت انا كل ماتشوفي بنتو تتفكري مرتو وتعاني طول حياتك ان شاء الله عمرك تشوفي الربح كيما انا كنت كل ليلة نبات نبكي من الغيضة والقهر من باباك الي كان يعيطلي باسم يماك الق*** الي راحت وخلاتو وهو مزالو زي الكلب يتفكر فيها خلاتو من وراها هابل عليها منساهاش، شفاو ناس زمان قالك الراجل كويه ولا داويه اضربو يعرف مو هكاك باباك كي يماك طلقاتو ورماتو مانساهاش يوقف بيها يقعد بيها وانا الي زي الكلبة نحلل وندلل درت كلش والو مابغاش يشوف فيا مكفاش هذا كامل ونزيد نشوفك دوري قدامي نزيد نهبل منحملكش لانك تشبهي ليماك الي كرهتلي حياتي وهي بعيدة بسبابها مقدرتش نعيش ونتعورس زي نسا كامل تزوجت براجل عايش على ذكريات مزالو يحب مرتو وفوقها عندو طفلة وبغاني نربيها ونحطها كي بنتي ربحت عليا كنت كل مانضربك ونعذبك ونخدمك ونهينك ونسبك يرتاح قلبي كيما يماك عذبتني خلفتها فيك وتجي انت بوجه صحيح تبغي تعيطيلي يما مليحة هاذي خليتك تعيشي لويل في طفولتك ومراهقتك ولوكان لقيت نمدك لراجل سوكارجي يضربك ليل ونهار وهكاك وياربي تطفى نار الي في قلبي.
#فريال