فاقد الشيء يعطيه

الجزء 39

#فاقد_الشيء_يعطيه
#شمس
#بقلم_فريال
الجزء 39
قولتلها وش راكي ديري هنا نطقت وهي تعوج في شنايفها وترقق في صوتها زعما باش تبان كلاس وعاقلة وهي الشيطان يركعلها قالتلي جيت نهدر مع وليد عمي حتجتو في موضوع مهم وذوك صاي كملت راني رايحة باي. خرجت تتعوج انا الي مرتو ومنمشيش قدامو هكا وهي راهي غير تتزعبل وتخرج في ت*** لوكان غير جاو يصلحو تقول تاع بقرة باين سخن عليها لحال بصح متجيش لراجلي انا تروح لكاش رخيس برا يبردها، هي خرجت وانا لحقتها قلتلها بلاك تزيدي تعاودي هاذ الجاست تاع تدخلي لشومبرتي ونلقاك قاعدة فوق سريري اذا احتجتي وليد عمك عيطيلو كاين الصالو اقعدو فيه واهدري معاه عوجت فمها وقدمت لوذني وقالتلي نورمالمون هاذ الشومبرة راهي تاعي انا الي نرقد فيها معاه مش انت بصح معليش مبقاش بزاف ونرجعلها، قالت كلامها الي تحط على قلبي زي السم ورجعت لصالو كأنها مادارت والو. انا لثم صاي تخلطت عليا عرفتها كنت شاكة بيناتهم حاجة وكذبت احساسي قولت يزيد مايديرهاش اليوم نخلطها على جدو الحلوف حملت كلش دارو فيا وسكت ماقولت والو بصح باش يخوني ويجيب الق*** تاعو لدار وقدام عيني يبقى معاها لا هذي منقبلهاش. دخلت لعندو خبطت لباب قولتلو كعاد عينك في بنت عمك انا علاه تزوجت بيا علاه جيت ليا علاه قدمت ليا انا _ وشراكي تهدري شكون قالك عيني فيها _ باينة بلاما تقولي _ راكي بديتي تخلطي الطفلة دايرها كي ختي مابيناتنا والو ولوكان جا عيني فيها راني تزوجتها مش نستناك انت تقوليلي وش ندير حطي عقلك في راسك واخطيني من التفاهات هذو منيش رخيس باش نلعب بعرض عمي. قال كلامو وخرج خلاني نغلي وحدو مهوش مقيمني اصلا ماحاولش حتى يهديني ويعرف وش كان راح لصالو قعدو مڨصرين نسمع فيها تحكي معاه وتدلل تقول هي مرتو مش انا تتعوج واسمو تعاودو الف خطرة يزيد يزيد يزيد (ربي يسود سعدك ويزيد يفزد خليقتك الكلبة الفايحة الخانزة الرخيسة). انا قعدت نغلي وحدي وندور في شومبرة راح نطير تخنقت وقلقت رجعت جمعو معاهم شوي وهي عينيها عليه قريب تاكلو لوكان ماكانتش يماها ويما قاعدين راني قولتلها كوليه خير ابلعيه يا الكلبة لمزية كانو معانا تالي تتخلط، زادت كملت عليا لالة مولاتي قالتلو وصلنا لدارنا (ايواك ربحت عليا ذوك هاذ الموسخة تركب مع راجلي) وهو زي لبغل قالها هيه نوصلكم، هو خرج يجيب لمفاتح تاع طوموبيل لحقتو قوتلو توصلهم ترجع ماتلقانيش هنا _ عتبي الباب وتشوفي وش ندير فيك راني نشوف فيك بديتي تفياقي وديري جنحين مزال ماتعرفينيش اقعدي في دارك واسكتي.
#فريال