فاقد الشيء يعطيه

الجزء 20

#فاقد_الشيء_يعطيه
#شمس
#بقلم_فريال
الجزء 20
بقيت هكاك حتى عيطت عليا يما قالتلي وش راكي تستناي الحقي راجلك ولا بغيتي تباتي معايا _ والله مانقولش لالا اذا تخليني نرقد معاك نكون اسعد انسانة على وجه الارض _ روحي ليلة لراجلك راهو يستنى فيك وكي ميكونش في دار ارواحي ترقدي معايا ذوك هو اولى بيك _ اعطيني ندى نديها لسريرها خير هنا نخاف طيح _ لا خليها معايا ماطيحش نعسها وانت الهاي براجلك متنسايش راهو عريس جديد وكي تكوني معاه نحي لحشمة ماعندها ماتنفعك واذا بغيتي تكسبي راجلك متعيه، انا حشمت من كلامها وهي قالتلي عادي راكي كي بنتي وراني ننصحك ماتحشمي مني ماوالو وديري وش قولتلك وتشوفي نتيجة اذا مرجعش يهترف بيك منيش مرا. خرجت من شومبرتها وانا نخمم في كلامها يعني عندها الحق بصح مستحيل نقدر نديرها انا نحشم منو وهو يخوف، وصلت قدام شومبرتي فتحت لباب وياريتني ماجيت ولا دخلتلها. لقيتو متكي فوق سرير ظهرو على الحيط ورجل حاطها فلرض ورجل مكسلها كي شافني دخلت قالي لوكان بتي عندها خير _كنت حابة نجيب ندى ويما محبتش عليها طولت _ انا قولتلها تحكمها عندها ليلة _ علاه _ كيفاش هذي علاه بنتي وانا حر فيها ترقد وين بغيت انا _ بصح سرير تاعها جبتو هنا باش تكون قريبة ليا وكي تبكي نسمعها _ خليها لهيت ومن غدوا رجعي سرير لبلاصتو ترقد في شومبرتها _ علاه يعني مزالها صغيرة _ قولتلك ترقد لهيت صاي فض لكلام متناقشينيش روحي وجدي روحك وارواحيلي _وشنو _ واش الي وشنو مفهمتيش _ ايه مفهمتش وش تقصد _ انت باين راسك خشين وراح نتعب معاك انا، ناض غلق لباب وشدني من وجهي بيدو وطاح عليا بالبوس شواربي قطعهم تقول كاش كلب عمرو باس مكفاهش هاذ الشي زاد سممني بكلامو قالي كي نقولك وجدي روحك توجدي وتلبسي وتعدلي باش تمتعيني تبالي هاذ لحوايجديريهم بلا مانقولك هذي من واجباتك تجاهي، ماقدرت نقولو والو صدمني تاع صح وهو ماهمو شي كمل عملتو مابعد مني حتى شبع ومتع روحو والي قسمتلي قلبي وغاضتني كي دار وعطاني بظهرو كلمة مانطقها خلاني مدڨدڨة تقول عفسني كاش سيمي كي كان معايا تقول اول مرة ليه مش متزوج من قبل ويعرف وشابع عاملني كأنو اول مرة ليه فرغ فيا مكبوتاتو كامل، حسيت روحي كأني عاهرة عندو جابني فنهار خدامة نطبخ ونغسل ونظف ومربية لبنتو وجارية ليه فليل نمتعو ونشبعو وكي يكمل يرقد ويخليني ميتة من وراه ماهموش فيا ولا فواش نحس مزالني جديدة وهكاك مساعفنيش، كنت نقول الشي الي شفتو في دار بابا كان الاسوء بصح يبالي الي راح نشوفو هنا هو الاسوء.
#فريال