فاقد الشيء يعطيه

الجزء 28

#فاقد_الشيء_يعطيه
#شمس
#بقلم_فريال
الجزء 28
سلمت عليهم فوتهم لصالو يزيد فات ديراكت لشومبرة مقعدش معاهم انا روحت وجدت سنيوة تاع سهرة تقول حسيت كلش كان واجد غير نحط برك، انا هكاك وهي تدخل عليا عجوزتي قالتلي يابنتي مكانس علبالي بلي جايين يسهرو عندنا كنا راح نوصلوهم لدارهم بصح بنتها بغات تفوت _ معليش يما عادي ماصرا والو _ اسمحيلنا تعبناك ليوم من صباك وانت بالواقفة بزاف عليك _ تعبكم راحة او كلش واجد نحط برك. هي رجعت لعندهم وانا وجدت قهوة وفاكهة وتحلية وقلب لوز وزلابية وجو حطيتلهم بقينا مقصرين شوي وهذيك بنت عمو تقول فيها دود يزيد وينو علاه مجاش يقصر معانا شبيه غليو رمضان تعبان مسكين نعيطلو يجي يسهر شوي معانا، كلامها كامل عليه ماسكتتش حتى بخصتها لعجوز قالتلها من وكتاه هو يجمع ويقصر معانا ياك كلمة وقص وزيد راهو تعبان وذوك مبقاش كيما بكري ذوك عندو مرتو هي تهتم بيه وشوف وش يخصو قالتلها ايه علبالي ذوك عندو مرتو بصح راني نشوف فيها غير قاعدة ماراحت ماطلت عليه ردت عليها يما قالتلها من صباح وهي واقفة في الكوزينة قايمة بيه وبيا وبندى حاطتنا في عينيها واذا راكي تقولي علاه مالحقاتوش لانو هي بنت اصل وتعرف الاصول وعيب تخلي ضياف وتدخل لشومبرتها، مع قالتلها هكا سكتت ضربة وحدة وقالت ليماها هيا نروحو عيطو ليزيد يوصلنا جيت ننطق انا لانو تاع صح كثرت على ماوصاوها يزيد يزيد يزيد انا مرتو وماننطقش اسمو كيما هي، تخنزرت فيها سكتت ويماها هزت تليفونها عيطت لوليدها ماطولش جا داهم مطلعش خلاص تهنية منهم يماها مليحة بصح هي ماتحشمش. تعبت تعبت تعبت ليوم بزاف فت دوشت وخرجت هكاك بالسورتي دوبان عجزت نلبس قشي (والفت كل ليلة نتعرا)، دخلت لقيتو متكي وحاكم لبيسي تاعو يخدم شاف فيا وهبط عينيه اييي تطور ملحوظ الحمدلله ياربي كي تهنيت منو اصلا رانا في رمضان شهر التوبة مايدنا ليا ماوالو شهر كامل نرتاح فيه ونلم رجليا شوي ملي دخلت لدارو وانا نرقد معرية نرتاح غير كي تجيني مدام غوج صح لوجع يقطعني بصح هي ارحم منو نحمل وجعها ولا فعايلو فيا،هذا كامل ويجيك واحد يقولك زواج سترة بالعكس عرا في عرا والله وجات في يدي نرد رمضان فيه 4 شهر خلي نصوم ونتعب في نهار خير مانتعب فليل مع الراجل الي عندي يهدلي حيلي عظامي مانحسش بيهم الي يشوفو كيفاه يديرلي يقول عمرو ماتزوج ولا عارف زواج كيفاه داير.
#فريال