فهد بهمهمه : عجيب .. و كلامها اللي تقوله و خواتها
شلون اقفوا عنها و خلوها قاطعه بدر : اقولك ابوي شوي يولع فيهم
بسببها لسانها طويل لفت ابوي لف بيني و بينك بردت خاطري
ضحك فهد : ايييه اجل بردت خاطرك تكى على مركاه و همس
له : طحت ياولد تنحنح بدر : علامك انت استح على وجهك لا لا
عز الله انها بحسبة خواتي و بوجهي و تذكر لما قالت " شاربك شفيه "
و ضحك لف له فهد بنظرة القافط : ضحكنا معك ، ناظر بتردد
و همس : قلت لها انتي بشاربي لا تخافين ما يجيك الضر و قالت
شاربك شفيه سرعان ما رجع فهد من قوة الضحك و لف له :
شاربك شفيه يا بدر و كمل ضحك و هذا اللي يحبه بدر بصاحبه يجي
و ينسيه اللي حاصل معاه يطلع شخص خالي الهموم
- بيت سالم -
داخل بجبروته يتفحص البيت و وضعه نادى بصوته العالي : يا ولد
جته لمياء : سم ابوي ، ها هلا يا بوك وش عشاكم نطقت
بخوف : ربع ساعه و يكون جاهز عصب و لف عليها : و ليه
ما جهز بوقته كم مره انبهكم اجي جيعان اشوف الاكل قدامي
رجفت كفوفها بتأتأه : طفت الاسطوانه و بدلوها لاجل كذا تأخرنا
بالطبخ ناظرها باستحقار مشى تاركها و تنهدت مشت للمطبخ
تطمن اسماء : اشوا ما هاوش واجد تنهدت بخوف : الحمدلله
الحمدلله صعد غرفته ؟ اكملت لمياء تشرف على الطبخ : ايه
راح طلعت جوالها اسماء : متى نتزوج لمياء ما مليتي ؟
اشوف حياة البنات بتويتر والله اغار منهم اللي بنادي و اللي مطعم
و اللي اخر جوال متى الله يرزقني .. لمياء بعقلانيه : ادعي ربك
بيرزقك و الخير بكل شي مو مهم زوج و حياه و خلاص اسماء
بعناد : الزواج هو كل شي رجال فلوس و طلعات احسن من العيشه
اللي عايشتها لفت لها اختها بفقدان امل و كملت شغلها ..
- بيت نوره -
صحت من نومها باستغراب للمكان و تنهدت من تذكرت
قامت و فكت الباب بهدوء تلفتت خوفاً من وجوده بالحوش
تطمنت و مشت لدورة المياه تغسل وجهها و رحعت للغرفه
جلست بحلطمه : ما معاي شي لا فرشاه و لا معجون
و لا شاحن اغراضي كلها بالبيت .. سكتت لوهله و تذكرت البيت
صرخت بفرحه حطت الطرحه على كنبة الصاله و دخلت المطبخ
التفتت نوره باهتمام : هلا يا صباح النور يا نور الدنيا
ضحكت بخفه تتدلع عليها و جلست على رخام المطبخ :
ارتبط عندك النور بوجودي ؟ نور الشمس ما يكفيك هزت راسها
بالنفي : جيتي و مليتي علي البيت قبلك مافيه حس بدر و يطلع لشغله
و يجي متأخر سكتت لوهله بتساؤل : خالت .. و سكتت لفت عليها
بابتسامه باهته : اعرف اللي يدور براسك ليه ما عندي غير بدر
و علمتها بقصتها كامله حنت عليها و قربت تحضنها : عيوني انتي
خالتي والله عيوني اسفه ما اقصد اذكرك بهالاشياء اعذريني
عادي يا حبيبتي باذن الله ازوج بدير بنت الحلال اللي تحطه
بعيونها و الله يرزقه بالعيال و البنيات يملون علي البيت
ابتسمت بحنان : امين الله يكتب له الخير طفت على الأكل و سولفوا
عن اهل نور و لفت انتباهها اسم منوتي ، لحظه يا نور امك شسمها ؟
قالت بعفويه : منوه ااه منوتي وحشتني نوره باهتمام : منوه الحمدان ؟
لفت عليها نور باستغراب من معرفتها الاسم : ايوه .. مسكت يديها
نوره : ابوك رائد بن عبدالله ؟ خافت نور و هزت راسها بالإيجاب
حضنتها نوره و دارت فيها : احلفي انك بنت منوه و رائد !!
ضحكت نور : والله انا نور بنت رائد و امي منوه
اخر سؤال يا بنيتي ادري اتعبتك امك بها لدغة الراء ؟
هزت بالإيجاب و هي تضحك و تجرب نطق امها لأسم نوره
لمتها نوره و بكت و خافت نور : خالتي شفيك ناظرت فيها : اختك
صاحبتي من عمر فهت نور تتأملها : صاحبتك كيف ؟ نوره
بضحكه : يعني المتوسط و الثانوي كنا مع بعض لين ابوك اعرس
عليها و روّحوا للمدينه ، رق قلب نور و حضنتها ما توقعت هالصدفه
و جلستها و خلتها تعلمها بكل شي بتفاصيل حياتهم و ذكرت بسبب
تسميتهم بهالأسماء : بابا يقول سميتكم عشان اسمع لدغة الراء منها
و اذوب بكل مره ضحكت نوره : اجل ما علمكم السبب الحقيقي ..
