وقفت فضه من دخلت رغد مبتسمه تسلم عليها : يا مرحبا بعروستي ، خجلت رغد : هلا فيك كيفك ؟ فضه : بخير انتي ؟ رغد : الحمدلله كل شي بخير و تقدمت لأمها تتطمن عليها و تقهويهم و سكتوا من بكى سعود تضحك رغد و تاخذه لأمها : ايش هالصوت سعودي افاا ؟ تسع اشهر و اخرتها هذا صوتك !! ضحكت منوه تحطه على صدرها : اشش إلا ولدي ، رغد : اييه وينكم يا خواتي تشوفون و تسمعون امكم جلست بتمثيل زعل ما طال من ضحكت منوه : يكبر و يزعجكم بصوته الحين نونو توه بكرا يصير رجال ، نوره : الله يحفظه و يخليه لكم و جاها اتصال ترد عليه و وقفت : عن اذنكم عندي شغله تحت خرجت تلمح جابر على جلوسه بـ انتظار انتهاء زيارة امه نزلت بطريقها للمكتب تشوف فهد يناظرها بدون شعور منه ، ابسمت بعفويه من اقبل لها : بشريني عنهم بخير ؟ ضحكت : الحمدلله بخير و لو تسمع صوته كأنه لعبه ، ابتسم فهد : لا كذا تحمسيني اروح اشوفه ! رغد : عنده فحوصات بعد ساعتين تعال و رفع نظره فهد يلمح قدوم جابر خلفها و تنهد بصوت مسموع تستغربه رغد لفت من ناداها : رغد .. ردت : هلا ؟ جابر : وش تسوين ؟ ناظرته بـ استغراب : ايش ؟ جابر : واقفه معه سوالف و ضحك صوتك لآخر الممر .. ماله داعي هالحركات وش بيقولون عنك اللي يشوفونك ! رغد ناظرته بذهول : يقولون واقفه مع زميلها جابك صوتي و ضحكتي من فوق ؟ فهد : عن اذنك و لا جا وقت الفحص عطيني خبر التفتت له رغد تشوف بملامحه شي غريب رغد : خذ راحتك و مشى عنهم يتركهم و بصدره نار من غيرته اللي يحاول يطفيها هو من زمان يتخيل من اللي اخذها منه و اليوم شافه و حصل بينهم اختلاف قدامه سمع سوء حوار جابر معاها بسببه يشعر بصعوبة حياتها معاه تنهد يترك كل شي الآن بيعتذر منها لما يشوفها ، عند رغد اللي تتحامل على نفسها ما تتفلت اعصابها : ما اسمح لك تتكلم معاي بهالأسلوب و قدام اي احد فاهم !! جابر بعصبيه : بتكلم اذا شفت الغلط تتكلمين معاه و تضحكين هذا غلط ، رغد : هذي طبيعة شغلي شفتها ؟ دوامي مختلط ما اداوم مع جدران اكيد اسولف و تصير مواقف تضحك نزلت وراي تبي تشوفني كيفك لكن ما ترفع صوتك و لا تكلمني بهذي الطريقه !! مشت عنه تتوجه للمكتب يخرج جابر لسيارته ينطق بعصبيه : طبيعة شغلك بتشوفينها بعد الملكه ..
صحت نور من حست بـ اصابعه على خدها و فتحت عيونها تبتسم له و نطق بدر : صباح الخير ، نور بنعاس : صباح النور بدر : ايه و الله صباحك سحبها لحضنه يوزع بوساته على وجهها و ضحكت : بس و الله صحيت و ابتسم يناظرها : وحشتيني يلا قومي تأملته من وسط حضنه : متى صحيت ؟ بدر : قبل ساعه رحت و شفت مكان حلو باخذك يمه بعد الفطور و نتمشى فيه شهقت من شالها عن السرير يوقف فيها : يلا اجهزي انتظرك ! ابتسمت تبوس خده : طيب حبيبي دقايق و اجهز دخلت تاخذ شور و طلعت بروبها تلمح وجوده في البلكونه و لبست و تركت شعرها على طبيعته و تعطرت تروح تحضنه من الخلف ، بدر : هلا ابوي صحصحتي ؟ نور دخلت حضنه و تتأمل المكان معاه ناظرته و اكمل : حبيبتي تعرفين هالنظرات بتتعبك ؟ ضحكت تبعد عنه : اممم لا لا خلاص يلا نروح نفطر ، ضحك يقبل خدها مشى معاها ينزلون و جلسوا يفطرون على اطلالة البحر و انتهى بدر رجع بظهره يتأملها تاكل ببطء و تناظر امواج البحر و الغيوم ابتسمت من سمعت صوت التصوير : بيبي !! بدر بذوبان : انتي بايعه عمرك يوم تقولينها ؟ ضحكت من تقدم لها ياخذ بيدها يبتدي يومهم و ناظرت البحر : حبيبي شرايك نسبح ؟ بدر ناظر المكان : به واجد و ماودي احد يشوفك غيري تبين ناخذ مكان خاص نسبح به ؟ نور : و حتى انا ماودي احد غيري يشوفك ! ضحك : ابوي انتي يعني تغارين علي ؟ ابتسمت نور و تكابر على نفسها بالإعتراف : شرايك ناخذه اليوم ؟ بدر : تبين نغيره ناخذ واحد مسبحه منه و فيه ؟ ناظرته تأيده : ايوه حلو و بكذا ناخذ راحتنا اكثر اكملوا طريقهم تشتري لهم ذكريات من اولى سفراتهم تحتفظ فيها و نطقت : رغد تقول صوت سعودي كأنه لعبه و بالتصوير باين نتفه ، ضحك : لا بذبحه بعد ما خوفك هالولد يطلع لعبه ! ضحكت تكمل : خفت ما توقعت تولد و انا بعيده عنها ، ابتسم بدر يحاوط كتفها و يقبل راسها : الحمدلله علموك عقب الولاده لو كنتي يمها بتخافين زود رفعت كتفها بعدم معرفه : الموضوع كله يخوف بدر مو بس لأنها ماما حس بتخوفها من هالمرحله : على كلام امي ان الأم بعد ما تشوف ضناها بحضنها تنسى تعبها و حملها يكفي انه سليم و معافى يعيش و يكبر يعوضها عن كل شي عاشته ، ناظرته : تبغى نونو ؟ ضحك بدر يكمل : انتي النونو حقتي الحين ننبسط لحالنا و بعد دراستك نجيب نونو شرايك ؟ نور : تدري ما افكر بس فينا اشوف خالتي و حماسها للأحفاد كل مره تشتري لعبه توريني و اللي حاطتهم بالحوش و الغرفه بتكون أحن جده ناظرها يبتسم من تخيل وضع البيت يضحك : ودي اول شي تجي ورد ، حنّ قلبها عليه : هي لسى ببالك ؟ هز راسه بالإيجاب نور : بأذن الله تجي ودك نشتري لها من الحين ؟ ضحك من توجهت لمحل ملابس تختار بحنيّه و تشاوره يتخيل شكل ورد فيه و رجعوا يتركون اللي اشتروه و تمدد بدر و ناظرته نور : بدري عليك التعب ترا بكرا بتمشيك وراها من بقاله لبقاله ضحك بدر : هي بس تجي فداها ابوها و فلوسه ! رق قلبها من شعوره و تخيله و تقدمت له من أشر لها تجي حضنه و جلست ترخي راسها على صدره يحتضنها : المهم انتي ترانا لاحقين على الاطفال لا تفكرين بشي غيري و ضحكت تناظره : تدري احبك ؟ ناظرها بتأمل ما يملّه يقبل نحرها بهدوء يهمس : اموت بك نور دخلت اصابعها بشعره تلعب فيه تشعر براحته هالفتره معاها و لا ودها يكدر خاطره أدنى شي : حبيبي نكلمهم عشان نسبح ! ناظرها : اكلمهم انا و انتي جمعي اغراضك .. نور : من عيوني و راح عنها قامت تجمع اغراضها من التسريحه و الدولاب اخذت ملابسهم تحطها بالشنط و شافت اللي اشتروهم تفكر بكلامه : مدري مدري فكري اكثر نور لا تتسرعين هذي مسؤوليه مو شي سهل و تنهدت تكمل اغراضهم التفتت له من دخل مبتسم : يلا ابوي جهزتي ؟ عطوني واحد بيعجبك ابتسمت له : ايوه كل شي جهزته خلهم ينقلونه مد يده يمسكها يطلعون للمكان الجديد دخلت بذهول تتأمله : يجنن بدر فرق عن الأول بكثير ، ابتسم بدر من نال اعجابها ياخذها معاه يشوفون جهة المسبح ناظرها ينتظر ردة فعلها و ناظرته بحماس : االآن نسبح ! ضحك يأشر على عيونه : من عيوني بخليهم يجيبون اغراضنا و نسبح به بعد نص ساعه من ترتيب المكان و الاكل اللي جابوه لهم دخلت نور و هو ماسك يدها بعد ما سبقها بالنزول حاوطت اكتافه براحه : الله بارد ، بدر : تعرفين تسبحين صح ؟ نور : شوي و اكمل معها يسبح و هي متمسكه فيه يعيش معاها لحظات ما قد جربها و اقترب للكرسي وسط المسبح يجلسها عليه يقابلها يديه تحاوط خصرها اخذت من الفواكه تحطها وسط فمه تشرب عصيرها : كأني اول مره اسافر و اسبح .. معاك كل شي غير ابتسم بدر يتأملها و نطق : كل اوقاتي معاك من تزوجتك عوضتني عن حياتي كلها !
