بيت سالم ..
اسماء بغرفتها و على جوالها فزت من وصلها اشعاره
و توترت : اهدي اهدي سوي نفسك ثقيله و تأخري عليه انتظرت
دقايق و دخلت تويتر ترد عليه : اهلين تمام انت اخبارك .. و رد
عليها فوراً يكملون محادثتهم اللي توصل للفجر بدون لا تحس بالوقت
دخلت علاقه مع مجهول ما تعرف الا حسابه " الوهمي " يشاركها
تفاصيل يومه و دوامه اهله و اصحابه حتى سفراته لين ما صارت
تبادله حياتها الوهمي فلوسها اللي ما تنتهي و سفراتها بكل صيف دراستها
بالجامعه اللي شارفت على النهايه اقتصرت على محادثات و لا قبلت
بمكالمه او بالخروج معاه لأنها و بمجرد التفكير لو سوتها مصيرها واضح
لكن تحس بخفة روحها معاه تناقشه بأمور ما تصورت تقولها لأحد وجهات
نظرها اللي كانت تقمعها الحين تشاركها عمر بلا ريبه او خوف من ردة فعل
عكسيه لأنهم متقبلين بعض بشكل غير طبيعي و كأنهم مع بعض من سنين !!
عمر : اسماء ودي اسمع صوتك ، توترت بشكل و رفضت فوراً : اممم
مقدر الحين عندي صحباتي ، عمر : طيب متى كل مره اطلبك تصرفيني
و تأجلين ، تنهدت ترد عليه : لأ ما اصرفك بس فعلاً اكون مشغوله
و عندي احد .. عمر : انتي تخافين مني ؟ و الله ما يجيك مني الضر اسماء
احبك بدون لا اشوفك و اقابلك بدون لا اسمع صوتك حبيتك !
توترت من اعترافه اللي ما تخيلته و لا توقعت انه يقوله و اكمل عمر : لا
تخافين مني اليدين اللي تحبك ما تخوف اسماء : ما اخافك لكن ما توقعت ..
عمر : انا اللي ما توقعت احب احد بهذي الطريقه اخذتيني مني و صار
تفكيري كله فيك شسويتي فيني ؟ دخل رائد البيت ينادي على منوه
و ما طال انتظاره من جته بثوب حمل قصير يوصل نص فخذها يتأملها
بـ ابتسامه من دخلت حضنه بشوق : قلب منوتك ، احتضنها يقبل راسها
و يمشي معاها يجلسون على كراسي الحديقه التفت لها : طمنيني يا قلبي
عساك بخير ؟ منوه : بخير حبيبي بس سعودي متعّب ماما شوي
ضحك رائد : لا كله و لا تعبك انا الليله اتفاهم معاه و نتفق على بعض
الأمورضحكت تضرب يده اللي على فخذها بخفه : قليل ادب !!
الليله بشوفك متأخر بتجيني خالتي ام جابر .. ناظر فيها بتمثيل الحزن : اذا
مو الليله بكرا ألزم ما علي راحتك ولدي رجال و يسمع كلام ابوه
ضحكت بتعب منه و من مراوغته بالكلام : ياربي انت تشوف سعودي
و تشوف ابوه ! قرب يبوس خدها : انا وش ابي من هالدنيا غير هالضحكه ؟
منوه تتأمله و تنهدت : انا كل اللي ابيه من الدنيا اشوفك انت و بناتي بخير
و عافيه و ملتمين حولي طول عمري رفع يمينه يحاوطها و يقبل راسها
بشده : الله يخليك لنا و تعودي تحسبين حساب سعودي بدعواتك
رفعت راسها تناظره : شكل سعودي بياخذ غلاي ! ضحك يحضنها : لا ابد
انتي راس المال سعود لولاك ما جا .. ضربت صدره : ياربي و بعدين مع
قلة ادبك ؟ همس بأذنها : ادري انك تحبينها لا تنكرين و نزل راسه يقبل
رقبتها و ذابت معاه .. قاطعهم اتصال جواله و عضها بخفه يضحك من
توجعت و رد بسرعه عشان لا تسوي له شي : ارحب يا هلا و الله
بدر : الله يبقيك يا عمي بشرني عنك ، رائد : ابشرك بخير انت بشرني
عنك يا ابوك ، بدر : بخير دامك بخير ، عمي بغيت ابلغك اني جايكم
هالأسبوع .. سكت رائد ينتظره يكمل كلامه اللي وقفه و اكمل بدر
بهدوء : جايك انا و العيال ان شاءالله و انت ادرى بالظروف ، فهم رائد
رد سالم و نطق : حياك الله و الله يكتب اللي به الخير و قفل يسرح لدقايق
يفكر بالموضوع و صعوبته و يفكر بسالم لو صار شي بدون رضاه
ايش ممكن يسوي مدت يدها لوجهه تلفه لها : شفيك ؟
ناظر عيونها يهمس : هذا بدر يقول انه جاي هالاسبوع ابتسمت
بفرحه : طيب حلو الحمدلله الله يتمم على خير ليه متكدر ؟
رائد : جاي بدون ابوه يا منوه ، حطت يدها على فمها تهمس : يوه
الله يعيننا عليه اجل بس ما عليه حنا شارين الولد و عارفين تربيته
و لو ما يحب نور هالقد حاول و تعنّى لها ، ناظرها كيف تاخذ الأمور
بعاطفيه و تسهله له قد ما تقدر ابتسم : كلمتي نور ؟ هزت راسها
بالايجاب : خجلت قلت لها تستخير و ادري عندها خبر من اول اكيد
نوره مكلمتها و رجعت بعد كم يوم سألتها قالت موافقه ، رائد : ما تحسين صغيره ؟ خواتها ممكن بيتضايقون انها انخطبت قبلهم ؟ منوه : لا بناتي
و اعرفهم فرحوا لها لما تكلمنا بالموضوع و بأذن الله نصيبهم بيجيهم لا تحط
ببالك تنهد : الله يكتب اللي فيه الخير تفاجئ بعضتها لخده و ابعدت عنه
تركض : شوي شوي لا تركضين ناسيه عمرك !! ضحكت : تجي تذكرني ؟
و مدت يدها له تمسكه من وصلها يصعدون لغرفتهم ..عند نوره دخل عليها
بدر طاير من الفرحه : يا نور البيت طلة عليه من شباك غرفتها : هنيّا يا امك
جاها يبوس راسها و يدها : كلمت عمي رائد و قلت له هالأسبوع نجيهم
ابتسمت له : عسى الله يتمم فرحتك يا وليدي على خير و يكتبها من نصيبك
بدر فرح من ردة فعلها : اللهم امين بس يمه ما اعرف وش اسوي اخذ شي
و لا اروح يدي فاضيه العيال معاي بس كلهم عزابيّه ، ربتت على
كتفه : اترك كل شي علي و ارتاح لا توتر عمرك كلها حلاوه و ورد
و قضينا بوس يدها : الله يطول بعمرك و الله بدونك مدري شسوي ابتسمت
براحه : و يحفظك لي يا حبيبي .. بدر يمه لا يضيق صدرك منه انا و كل شي عندي حلالك تسوي به اللي تبي هز راسه بالنفي : و الله ما المس من فلوسك
و ذهبك شي عندي يمه اللي يكفيني و زود لا تشيلين هم ..
