و تنهدت : يااه رائد كبروا و كبّرونا التفت عليها يبوسها :
توك شباب يا قلب رائد و يلا لازم نشوف نور بتصل على الولد
اللي عطاهم رقمه و اشوف العلم فتح جواله يبحث عن الرقم
و اتصل عليه ينتظر الرد :
- عند بدر بدوامه - استغرب الرقم و رد بهدوء : هلا ..
رائد : الو السلام عليكم معاي بدر ؟ بدر : وصلت من معي ؟
رائد التفت لمنوه اللي تترقبه : معاك ابو نور بناتي عطوني الرقم
اتواصل معاه لأجل نور .. وينها فيه ؟ تنهد بدر براحه : الله الله
وصلت يا عم حياك للبيت رائد : وين بيتك يا ابوك علمني اسم
الوالد يمكن اعرفه بدر : الوالد سالم الجمعه ، سمع رائد و هو
ياخذ النفس القوي و تنهدت : حياك يا عمي برسل لك الموقع
الله يحييك على خير و قفل الخط ناظر لمنوه و نطقت : اجهز لك
الشور و بعدها تروح لا تروح لهم و اعصابك تالفه باين ليلهم
طويل هز راسه و قام معاها من قامت تجهز له ملابسه
مضى نصف ساعه و جهز و مسكت يده : متأكد ما تبي اجي
معاك هز راسه بالنفي : انتي ارتاحي انا رايح اجيب نور
لحضنك تروحين تتعبين اذكرهم يضايقونك ريّحي هنا و ما اطول
ان شاءالله ، تنهدت بخوف : اخاف مو بيدي اخاف تكبر المشكله
و ما يرجعونها رفع حاجبه : و ليه ما يرجعونها ذابحه
واحد من عياله ؟احل الموضوع و اجيك منوتي لا تحاتين
باس راسها و طلع ماشي لسيارته . استودعته الله و التفتت للبيت
مشت لجلسة الحوش و تتأمل البيت اللي بدت فيه
حياتها مع رائد كبر و كبروا معاه و عليه ..
- بيت رائد -
ريم بغرفتها و تشيّك على الوظايف و فزت من جتها
رسالة على الإيميل : تم قبول طلبك الوظيفي و نرجو الحضور
غداً لإجراء المقابله .. ما قوت عينه تكمل باقي الرساله صرخت
بفرحه و ركضت بيدها اللابتوب لغرفة رغد فتحت الباب
و جلست على سريرها : رغد رغد اصحي رغد ، فزت رغد
من تحت اللحاف : شفيك بسم الله خوفتيني شصاير ؟
ماما فيها شي ؟ هزت راسها بالنفي توريها الشاشه : اقري
و تعرفين ناظرت فيه بمحاولة انها تصحصح و تركز
و ناظرت لريم : انقبلتي بالشركه اللي تبغينها !!
و قامت تحضنها و بضحك نطقت ريم : ااه و اخيراً الحمدلله
احلامي راح تحقق راح اصير بزنس ويمن و اشتري سيارة
احلامي ناظرتها بتفحص : كلنا عارفين لو طلبتيها من بابا
بتجيك ثاني يوم ، تنهدت ريم منسدحه على سريرها : عارفه
والله عارفه بس ابغى احس بقيمتها لا جتني اخاف عليها لأني
دافعه فيها من قلب قلبي رغد بتنهيده : تتوقعين نور وين
ريم غلطنا لما تركناها و مشينا .. ريم ناظرتها : عارفه اننا
غلطانين بس شفتيهم ؟ شفتي قوتهم و كثرهم ؟ تتوقعين بنقدر
نجادلهم و ناخذها من وسطهم !! بابا راح يحل الموضوع متأكده
بيجيبها معاه نطقت رغد : ما ودك تقهويني على حسابك
بمناسبة القبول ؟ ناظرتها ريم بتفاجئ : انتي توك متأثره مداك
تفكرين ببطنك و بعدين ميلا خربت ستارة غرفتي شكلها حصلت
عريس الغفله و شباكي صار ملتقى الأحباب ..
ميلا جت مسرعه و نطت على السرير رغد بضحكه : حست
الموضوع يخصها و جت ركض شفتي لك شوفه يا مامي كيف
شكله ؟ عارفه لو بلدي بذبحك معاه ! قامت و هي بحضنها
و فكت شباكها و توريها الجهه الأخرى : هنا في سكوتش موت
تمشّي قدامه و طيحيه بشباكك ميلا اكرر لو حبيتي بلدي اذبحك
ناظرتها ميلا و كانها تفهم كلامها
و ما قاومت رغد النظره و باستها بكل مكان ..
- مكان جديد -
خالد بأحد اللاينات لابس الأوفر سايز و الكاب يرسل
ايردروب سنابه للي حوله لحد ما وصل و طلب اخذ الفاتوره
جلس على احد الكراسي و تتالت عليه الاضافات
و ضحك و قبلهم ، اشر لأصحابه على مجموعة بنات
من اللي ضافوه بالسناب " و مثل ما يقولون الطيور
على اشكالها تقع " اخذوا الطلب و تقهووا وقف خالد
ماخذ قهوته ماشي لسيارته و مرت من جنبه بنت عطرها
دوّخه حرفياً مشى عنها و تواجهوا مثل ما اتفقوا بالسناب
ركب سيارته و ركبت جنبه و مسك يدها يبوسها :
تو ما نوّرت السياره و ضحكت بدلع و مشوا بطريقهم
يتعرفون و كأن الأمر طبيعي و مضى عليهم الوقت بدون
لا يحسون قطع عليهم اتصال صاحبه و رد بروقان :
هلا حبيب قلبي ابعد الجوال عن اذنه من الغضب
اللي تلقاه و ضحك : لا تقوله ساعتين !!
و ضحك اكثر من قفل بوجهه و التفت لها : حبي عدت
ساعتين ما حسينا فيها و رجع انسدح يمها و يقبلها
بهداوه تحت رضاها و اكملوا اللي بدوه ..
