دخلت ريم الشركه بيدها قهوتها و التفتت له تشوفه منغمس بشغله و جلست على الكرسي تتأمله بحب و تلتقط له صور و حطت سماعاتها تسمع اغنيتها و تبدا شغلها و اخذها الوقت دخل محمد بهدوء و ابتسم من اندماجها التام و جلس يقابلها ناظرته من انتبهت لوجوده تنزل السماعه : اهلاً ياروحي ، أرخى ظهره على الكرسي : هلابك حبيبتي كيفك اليوم ؟ ابتسمت له ريم : توه يبتدي يومي و انت ؟ اكمل : كان عندي تجديد عقود أنجزت الحمدلله و لا اشوفك مندمجه قلت اجي اخرب عليك جوك ضحكت : عاد اليوم شغلي واجد و قربت اخلص إلا جيت محمد : عساك على القوه حبيبتي وش تسمعين ؟ ريم : طايحه هالفتره على اغنيه ، محمد : عقبال ما تطيحين بحضني ناظرته بذهول من رده و ابتسمت بخجل : حمودي ! محمد : لبيه يا قلب محمد و نطقت بتضييع لخجلها : المكان اللي راحت له نور يجنن تقول توفقنا بالاجواء ، محمد : الله يحفظهم و بأذن الله سفرتنا بتكون مكان احلى ، ابتسمت له : الله يكتب اللي فيه الخير حبيبي نطق من لمح تعبها : الريم اخذتي حبوبك اليوم ؟ ناظرته و شهقت بتذكر : يوه نسيت اشوا ذكرتني فيهم و اكمل : بنزل اجيبلك شي تاكلينه قبلهم لا تاكلينهم بعد القهوه سمعت إن المنبهات تبطل مفعول الأدويه ، ابتسمت من حنيّته : حاضر بخلص شغلي على ما تجي و نزل لسيارته و اتصل عليها : انزلي الجو حلو باخذك معاي نفطر جميع ، ريم : يلا حبيبي جايتك .. عند منوه اللي تتأمل محاولات رائد بـ سعود : حرام عليك خله ينام اكمل رائد : مافيه نوم امس كله نايم ، منوه : طبيعي العمر هذا كله نوم يكتمل نموه فيه و ضحكت من قُبلاته اللي ازعجته و نطق : انتظرتك سنين يبه ابي اشبع منك عاد الحين ابي اداوم لا تتعب منوتي و انتبه لأختك لا أوصيك عليهم .. رق قلبها عليه و مسكت يديه من جاب سعود لحضنها : الله يحفظك و يطول بعمرك حبيبي و تعيش لنا سنين تشوفه يكبر و اشوفه يشبهك بكل شي ، ابتسم يقبل جبينها : اللهم امين و يحفظك لنا ابوي انا بروّح الحين توصين شي ؟ هزت راسها بالنفي : انتبه لنفسك
و خرج يتصل على رغد : رغوده اما مشيت انتبهي لأمك لا بغت شي علميني ، رغد : بعيوني بابا لا توصي و قفلت تصعد لمنوه دخلت متمسكه بيد رائد : بسم الله عليك بشويش و جلست بخفه جلس ياخذ سعود من ريم : نورت بيتك يا ابوي ابتسمت تتأملهم منوه و نطقت رغد : ياربي اليدين من سمع صوت بابا !
ضحكت منوه و تمددت براحه و غفت و انتبه لها رائد يأشر لهم اخذت ريم سعود و توجهوا لغرفهم و بقى رائد عند منوه حطته على سريرها و ردت على مكالمته تفتح الكام على سعود ضحك محمد : هلا بولد العم و ضحكت ريم تثبت الجوال : حبيبي و نطق محمد : قلب حبيبك كيف حالك ؟ ريم : بخير انت كيفك محمد : الحمدلله و ضحك يشوفها تفتح اللفه عن سعود يفك يديه و نطقت : يا مامي انتي شبعتي نوم ؟ محمد : افا يا سعود رجال و اخرتها شبعتي و اكملت مكالمتها معاه لين نامت .. عدا اسبوعهم بفرحه بوجود سعود بحياتهم ، دخلت نور بصراخ فزت منه منوه : بسم الله الرحمن الرحيم خوفتيني و حضنتها من تقدمت لها : وحشتيني ماما مره وحشتيني ، منوه : انا اكثر الحمدلله على سلامتكم متى جيتي ، نور : الله يسلمك العصر نزلنا عند خالتي و ارتحنا و جيتك و اقتربت من سريره تاخذه : يا مامي سعودي ! ماما صحيه ابغى اوريه بدر و ضحكت منوه تفك عنه اللفه و طلع يديه و ذابت نور عليه من فتح عيونه غمضهم بذات اللحظه : هذا ايش ! ياروحي انا و تقدمت له تمسك يده و تشيله : حبيبي سعودي و التفت لناحية الصوت يغمض بهدوء و ضحكت تقبل يديه و وجهه و توجهت للحديقه توريه و ابتشم من لمحه بيدها : يا مرحبا و تقدم لها يقبل يده و بعد دقايق رجعت لهم و نزلت ريم تجلس معهم و رغد جابت القهوه تقهويهم ، اكملوا سوالفهم و نطقت : ماما و انتي بالمستشفى صار موقف زعجني من جابر و قلت بعلمك بس ترتاحين و علمتها باللي صار و تنهدت منوه : شوفي يا ماما مو كل رجال يتقبل زوجته تتكلم مع رجال ثاني مجالك مختلط و حنا معطينهم خبر من البدايه و اكملت ريم : مو حلوه بحقك لاحقك يشوف ايش تسوين ! نور : فعلاً مو حلوه انه يتكلم قدام زميلك بعد يحرجك كذا وين احنا فيه ؟ رغد : مره احرجني حتى فهد تعذّر و مشى عنه ، منوه : عاد خالتي كلمتني يبون الملكه الاسبوع الجاي شهقت رغد : بس الاسبوع الجاي عندي اختبار ! صحت لمياء على صوت الهمس و استغربت كلامها و قفلت اسماء من انتبهت ، لمياء : وش اللي سمعته ؟ توترت اسماء و سكتت و جلس جنبها تاخذ جوالها تشوف الاسم و المكالمه تضرب كتفها : تكلمي وش اللي سمعته و هذا مين ؟ اسماء : بقولك بس لا تعلمين احد تكفين و دمعت من عصبت عليها لمياء : انطقي قبل لا انادي امي !! و ردت اسماء : تعرفت عليه بتويتر ما يعرف عننا شي و الله مكذبه عليه بكل شي بس يحبني و احبه تكفين لا تعلمينها و ناظرتها : غلط يا اسماء غلط و حرام اللي تسوينه تدرين لو ابوي درا راح يذبحك و يروح له يذبحه مكانه و امي و اخواني ؟ بدر يا اسماء تخونين ثقته فيك و هو اللي جايب لك الجوال معطيك ثقته تخونينها و تسوين فيه كذا اسماء ببكى : طيب وش اسوي علميني لا اطلع و لا اعرف احد تلوميني لو هربت من بالبيت من ابوي امي لشي وهمي مرتاحه فيه ؟ لمياء : و لو هالشي حرام عالمك الوهمي و اللي تحبينه وهمي ضامنه يحبك و ما يكذب عليك ؟ تضمنين ما يجي يوم يكون ضدك بكل شي قلتيه له يفضحك و يبتزك ترا الله لما حرم العلاقات مو لأنها علاقات محرمه يكسر بها قلبك لا حشاه بس لأنها علاقات تكسر القلوب حرمها ! احكمي عقلك وراك ابوي و اسمه وراك اخواني الأهم من هذا كله انتي بتبقين تذكرينه حتى لو تزوجتي غيره ما تنسينه انتي اختي اخاف على سمعتك اكلمك بعقلانيه لأنك بتفهميني ما ودي اكبّر الموضوع و يوصل لأبوي بعطيك وقت تفكرين بكلامي و تتصرفين لأن لو جيت و سألتك مره ثانيه و انتي باقي تكلمينه بعلم امي عن اللي سمعته تنهدت تحضنها من بكت : اخاف عليك و الله و لا ودي يمسك ضرر !
تنهدت : كيف ابعد عنه ما اقدر تعودت عليه عطيني وقت وعد اتركه بس لين افهمه الوضع ، قامت عنها تتركها تفكر و تتصرف معاها بعدين و نزلت لمياء لأمها ابتسمت من شافتها تقرب لها صحن الفواكه و اكلت منه تشاركها الحديث : يمه امس عمتي كلمتني تتطمن علي و على البيبي و تحاول فيني ارجع و نطقت عفته : ما فيه رجعه هالوقت بعد شهر يثبت حملتس ما اضمن هالمجنون يسوي شي يضرتس تحت عيني و لا بغت شوفتس تجي
