دخلت الغرفه و شافتها تجهز اغراضها بعبايتها
و حن قلبها : يلا يا امك ابوك يبيك ، التفتت عليها
و حضنتها بقوه و تنهدت تضمها لها اكثر : شكراً خالتي
ما حسيت نفسي غريبه حسّيتك امي .. ابتسمت
نوره : انا امك ، باست راسها نور : عن اذنك و مشت
حطت الطرحه على راسها و مشت للمجلس
قلبها ينبض بكل قوته و يدينها ترجف ما تدري خوف
و لا راحه و امان دخلت و شافت ابوها جالس
فز لها يدخلها جوا حضنه و يسمّي عليها من بكت
و ياخذ نفس مع كل شهقه منها يتمنى إنه ذبح سالم
و نطق بحنيّه : ابوي انتي حبيبتي ناظرت له و نطقت :
خفت منه بابا والله و خفت لما خواتي راحوا و تركوني
ماعرفت اتصرف ما اعرف وين اخذوني ما اعرف احد هنا
و مسحت دموعها بطفوليه : تعرف خالتي نوره ؟
طلعت صاحبة ماما و تعرفكم من زمان ، سكت لوهله
و تذكر سالم و بدر ولده يعني امه نوره ناظر فيها ينتظر
تأكيد لكلامها و سحبت يده تطلعه معاها .. و مشت لنوره
خالتي تعالي بابا يبغى يسلم عليك ، تفاجأت نوره
و تغطت و مشت معاها و شافت بدر واقف جنب ابوها
بابا هذي خالتي نوره ، جت لحضنه من فتح لها يدينه
و نطق و هو صاد عن ام بدر : الله حيها ام بدر كيف الحال
نوره بهدوء : الله يبقيك الحال يسرك كيف حال منوه ؟
بخير عساك بخير ، ما قصرتوا رعيتوا بنتي بغيابي
و خير صدفه والله يا بدر عرفناكم فيها و لفت لبدر
من وجه له ابوها الكلام و غاض بصره عنها ..
نطقت نوره : منوه معاك يا ابو ريم ؟ هز راسه بالإيجاب :
اي بالله معاي بالبيت و لا قويت اخذها بالمشاوير اتعبها
ناظرت ابوها بلهفه : ليه ما جبتها معاك واحشتني
مسح على راسها : بنروح لبيتنا سوا و تشوفينها هناك
و حياكم الله بكرا غداكم عندي ، بدر : ما تقصر يا عم
مالها داعي خيرك سابق ، ما قبل رفضهم و اصرّ
ماهو قدركم يا ابوك و انتظركم بالرياض متى ما جيتوا
عطني خبر بس و ابتسم و اشر على خشمه ..
يلا بابا نمشي ؟ و ناظرت بنوره بحنيه : عادي اجلس
مع خاله شوي ؟ ضحك و قبل فوراً و مشت لنوره
تحضنها تحت نظرات بدر الخفيه مرتاح لإختياره
و مشى قبل ابوها يضيفه من جديد
و تنهدت نور : والله بتوحشيني موت امانه تعالوا
للرياض بوريك بيتنا و غرفتي و بوريك ميلا و عصافيري
استغربت ميلا ما تذكر غير اثنين من خواتها و ضحكت
نور : ميلا قطوة رغد اختي و هزت راسها من فهمت
تم ياروح خالتك بجيكم اذا الله كتب ..
- السينما -
جاء دور رغد و ريم و اختاروا البوب كورن و المشروب
و اتجهوا لصالة الفيلم ، استقروا بمكانهم و همست
رغد : ياليت لو نور موجوده ننتظر الفيلم سوا من اول
ابتسمت ريم تشد على يد اختها : ماما طمنتنا و بكرا
جايين و بطلعها تشوفه على حسابي .. قاطعهم صوت
من خلفهم لأجل يصمتون و صمتوا فعلاً ، طال الفيلم
وصل لمنتصفه و بلحظة خوف تخبت ريم بحضن رغد
شاده على كم عبايتها : يا مامي قطع اصبعها !!
رفعت راسها من حست إن العطر غريب و ملمس العبايه
اغرب و صُعقت من شافت نظرته جمدت حرفياً
و لأول مره ريم تجهل التصرف سرعان ما سحبتها رغد
لجهتها تقرص كفها بهمس : فشلتينا ايش بيقول
عنك الحين و لازالت ريم ، ساكنه بـ إحراج لا اكملت الفيلم
و لا قادره تتنفس من وجوده بجنبها ، وعت من صفقوا
الموجودين معلنين نهاية الفيلم .. لازالت كفوفها ترجف
و تصد عنه و قامت مسرعه اخذت شنطتها و من سوء
حظها مُجبره تمر من امامه .. حس بتوترها وقف قبلها
و طلع ناظرت رغد و اخذتها معاها لدورات المياه
طبطبت على وجهها بالمويه تبغاها تصحصح
و اشرت لها بمعنى كفايه و تنفست بهدوء .. ناظرت
لها : عادي ما كتني متعمده و هو عدّا الموقف
لا تفكرين فيه زياده ، هزت راسها بالإيجاب و توجهوا للبوابه
و من لمحته بعيد اسرعت
للسياره راجعه للبيت بدون تفكير ..
