အသန်မာဆုံးဂိုဏ်းသခင် - ရူဒရာ (ဘာသာပြန်)

အခန်း ၀၄၀ ။ ပထမဆုံးမြေအောက်ခန်းတိုက်ပွဲ

အသန်မာဆုံးဂိုဏ်းသခင်အခန်း ၀၄၀ ။ ပထမဆုံးမြေအောက်ခန်းတိုက်ပွဲ

နောက်နေ့တွင် ရူဒရာနဲ့ သူ့အဖွဲ့က အယောက် ၅၀က မှင်စာပုန်းခိုရာ မြေအောက်ခန်းကို သွားကြသည်။ နိထ်ဝဒ်က လယ်ဗယ်တိုးနေတာကြောင့် မြေအောက်ခန်း မစ်ရှင်ကို မလာနိုင်ပေ။

ဂိုဏ်းက ပုံစံကျကျနဲ့ သွားကြပြီး အကုန်လုံးက အနက်ရောင်၀တ်ရုံကို ၀တ်ထား‌တော့ မြို့ထဲက ကစားသမားတွေရဲ့ အာရုံစူးစိုက်မှုကို ရကြသည်။

"ဟ အဆင့်မြင့်သမားတွေ အကုန်ရောက်နေတာလား ဘာလားဟ" ဘေးလူတစ်ယောက်က အသံကျယ်ကျယ်နဲ့ ထပြောလိုက်သည်။

အကုန်လုံးက အဖွဲ့ရဲ့ လယ်ဗယ်တွေကို မြင်သွားကြသည်။

"သူတို့က ဘယ်သူတွေလဲဟ"

"အဲ့ဒါ <<True Elites >> ဂိုဏ်းလေ....အဲ့ဒါ ရှာခူနီ လေ"

"ဘုရားရေ အဲ့ဂိုဏ်းပဲ ဖယ်စမ်း ငါ ဓာတ်ပုံရိုက်ပြီး လိုင်းပေါ်တင်ရမယ်"

အကုန်လုံးက အာရုံစိုက်နေကြပေမယ့် ရူဒရာအတွက်တော့ ကိစ္စမရှိပေ။ ဂိုဏ်းအဖွဲ့၀င်တိုင်းကို Elite ဖြစ်ရတာ ထူးခြားတယ်လို့ ခံစားရစေချင်သည်။

တဖြည်းဖြည်းနဲ့ မြို့ပြင်ကို ရောက်လာပြီး မှင်စာပုန်းခိုရာမြေအောက်ခန်းကို ရောက်ဖို့ ဓားပြတွေကို တိုက်ခိုက်ရသည်။

သူတို့ မြေအောက်ခန်းရောက်တော့ နေရာက Orange Rock ဂိုဏ်းကစခန်းချထားတာကို မြင်ရသည်။ ရူဒရာက အစောင့်နားကို ရောက်လာ‌တော့
"ဒီမြေ‌အောက်ခန်းကို Orange Rock ဂိုဏ်းက ယူထားတယ်။ နောက်တပတ်နေမှ ပြန်လာခဲ့"

ရူဒရာက သူ့လယ်ဗယ်ကို ကြည့်လိုက်သည်....၁၆ပဲ ရှိသေးသည်။ ဘယ်က သတ္တိတွေတောင် ရလာတာလဲဟ သူ စဉ်းစားမိသည်။ ‌နောက်တော့ ထပ်မေးလိုက်သည် "အဲ့တော့ ငါတို့ကို ပေးမဖြတ်ဘူးပေါ့"

"ဟုတ်တယ်" အစောင့်က ဖြေလိုက်သည်။ Orange Rock ဂိုဏ်းသား ၂၀၀ လောက်က မြေအောက်ခန်းကို ဓားတွေနဲ့ စောင့်နေကြပြီး သူတို့ကို မရိုမသေ ခြိမ်းခြောက်နေသည်။

ဘယ်Elites အဖွဲ့သားမှ မကြောက်လန့်ပေမယ့် သူတို့ခေါင်းဆောင်က ဒီကိစ္စကို ဘယ်လိုဖြေရှင်းမလဲ စောင့်ကြည့်နေသည်.... တကယ်လည်း ဖြေရှင်းခဲ့သည်။ မျက်တောင်ခတ်ဖို့ အချိန်တောင် မရဘဲ သူ့ကို စကားပြောနေတဲ့ အစောင့်ကို ရူဒရာက သတ်လိုက်သည်။