အသန်မာဆုံးဂိုဏ်းသခင် - ရူဒရာ (ဘာသာပြန်)

အခန်း ၀၆၈ ။ ဒိတ်လုပ်တာလား?

အသန်မာဆုံးဂိုဏ်းသခင်

အခန်း ၀၆၈ ။ ဒိတ်လုပ်တာလား?

J နိုင်ငံကို ရောက်ပြီးကတည်းက ရူဒရာတစ်ယောက် Upside ကနေ တစ်ခါမှ မထွက်ရသေးပေ။ ဒါက သူ ပထမဆုံးအကြိမ် အပြင်ထွက်တာဖြစ်ပြီး သူနေထိုင်တဲ့မြို့ကို မြင်ရခြင်းဖြစ်သည်။

ရူဒရာက အပြာရောင်းဂျင်းဘောင်းဘီကို ၀တ်ကာ ကိုယ်ကြပ်အနက်‌ရောင်တီရှပ်ကို ဒီနေ့အဖို့ ၀တ်ဆင်ထားသည်... စတိုင်ကျပြီး ရိုးရှင်းပေမယ့် သူဌေးသားပုံပေါ်သည်။

ဒီနေ့တော့ သူ့အမေက သူ့အ၀တ်အစားကို ဆင်ပေးလိုက်ခြင်းဖြစ်သည်.... သူမကို သူငယ်ချင်းတွေ တွေ့ရုံပဲလို့ ပြောပေမယ့် သူ့အမေကတော့ သူ့ သတို့သမီးလောင်းကို သွားတွေ့မလိုပင်။

ယူရာ ရုတ်တရက်ခေါ်ပြီး အပြင်မှာတွေ့ဖို့ ခေါ်လိုက်တာကြောင့် ရူဒရာက ဦးနှောက်ခြောက်သွားလေသည်.... သူမက ရုံးခန်းမှာ မဟုတ်ပဲ ကော်ဖီဆိုင်မှာ တွေ့မယ်ဆိုတော့ ပိုပြီးစိတ်လှုပ်ရှားသွားသည်.. သူ့နှလုံးသားထဲမှာ သူမက သူ့ကို ဒိတ်လုပ်ဖို့ ခေါ်တယ်လို့ တွေးနေပေမယ့် သူ့စိတ်ကတော့ မဖြစ်နိုင်ဘူး၊ သူငယ်ချင်း အချင်းချင်းတွေ့ကြတာလို့သာ ပြောနေသည်။

ရူဒရာက Upsideအိမ်မှာ တပါတည်းပါတဲ့ ကားကို မောင်းကာ ထွက်လာခဲ့လေသည်။

ယူရာကတော့ သူ့ကိုယ်ပိုင်ယဉ်မောင်းနှင့်ကားရှိပြီး သူတို့တွေ့မယ့်နေရာကို ကြိုက်သလို ချိန်းလို့ရပေမယ့် ရူဒရာက သူမကို လာကြိုချင်သည်။

နာကာတိုမီ တာဝါမှာ သူမကို သွားကြိုသည်။ ယူရာက မိုးပြာရောင်၀မ်းဆက်ဂါ၀န်လေးကို ၀တ်ထားတော့ သူမရဲ့ ချောမွတ်ဖြူ၀င်းတဲ့ အသားအရည်နဲ့ လိုက်ဖက်လှသည်... ရူဒရာက သူမကိုမြင်တော့ နှလုံးခုန်သံတွေ မြန်လာခဲ့သည်.... အရမ်းလှတဲ့ အပြင် ကျက်သရေရှိလှတဲ့ ပုံလေးဖြစ်သည်။

"ဟေး" ယူရာက ချစ်စရာကောင်းတဲ့အသံဖြင့် ပြောလိုက်သည်။

ရူဒရာက ချက်ချင်းရှက်သွားသည်.... ချစ်စရာကောင်းလိုက်တဲ့အသံလေး!