အသန်မာဆုံးဂိုဏ်းသခင် - ရူဒရာ (ဘာသာပြန်)

ဘုရားကျောင်း၏ကိုယ်စားလှယ် (အဆုံးသတ်)

[Unicode]
အသန်မာဆုံးဂိုဏ်းသခင်
အခန်း ၀၁၈ ။ ဘုရားကျောင်း၏ကိုယ်စားလှယ် (အဆုံးသတ်)

အမှောင်အလင်းတန်းက ဝံပုလွေခေါင်းဆောင် ရူဒရာ တံခါးကနေ၀င်လာ‌တော့ သူ့အပေါ်သုံးခဲ့တဲ့ စကေးဖြစ်သည်။  မှော်ဆရာတွေအတွက် အရမ်းအသုံး၀င်ပြီးတော့ ထိခိုက်မှုများသည်။

ရူဒရာကလည်း ဒီစကေးကို သူလေ့လာချင်သည်။ တားမြစ်ချက်တွေဘာတွေ မရှိပေမယ့် သူ့အတွက် မှော်စွမ်းအားဇယားမရှိသေးတာကြောင့် ဒီစကေးကို အသုံးပြုလို့မရပေ။

သူရဲကောင်းတွေက မှော်ဆရာတွေလို မှော်စွမ်းအား တည်ဆောက်ပြီးတာမဟုတ်လို့ စကေးကို ရောင်းပြီး ငွေများများရအောင် လုပ်တာက အကောင်းဆုံးပင်ဖြစ်သည်... အထူးသဖြင့် အခုအချိန်မှာ စွန့်စားသူတွေအတွက် စကေးက အရေးပါဆုံးဖြစ်နေတာမို့ ဒီလို စကေးကောင်းကို ရောင်းရင် စျေးကောင်းရမှာ သေချာသည်။

ရူဒရာက ဂူထဲတွင် ၂ နာရီလောက် စောင့်ကာ သူ့သက်လုံအားကို ပြန်ဖြည့်နေသည်။ သူ့ရဲ့ လက်ရှိအခြေအနေနဲ့ တိုက်ခိုက်ရလောက်တဲ့အထိ အရူးမဟုတ်ပေ... အရင်ဘ၀က ဒီမစ်ရှင်ကို လုပ်ခဲ့တဲ့ သူက ဝံပုလွေအယ်ဘ်ဖာအဆင့််မှာတင် သေသွားတာကြောင့် ‌နောက်တဆင့်က သူ့အတွက် အစိမ်းသက်သက်ဖြစ်သည်၊ သူ့မှာ အမှောင်မန္တန်သုံးခုရယ် သူ့ရဲ့ ဂန္တ၀င်အဆင့် လစ်ချ်လက်စွပ်ရယ်ရှိတာကြောင့် နည်းနည်းစိတ်အေးရသည်။

ရူဒရာကတော့ မသိပေမယ့် သူလုပ်နိုင်ခဲ့တာတွေ အကုန်လုံးက သူ့ရဲ့အရင်ဘ၀က အသိဉာဏ်ကြောင့်လို့ ထင်နေသည်.... သို့သော် အဲ့လိုမဟုတ်ဘဲ.... အနှစ် ၂၀ လောက် ဂိမ်းဆော့လာတဲ့ စွမ်းရည်တွေက သူ့ကို တိုက်ခိုက်တဲ့နေရာမှာ လှုပ်ရှားမှုတွေကို ပိုမြန်ဆန်စေသည်။ ဒီလိုတိုက်ခိုက်ရည်မျိုးက မြေအောက်ခန်းအများကြီး ကစားသမားတွေ မကောင်းဆိုးဝါးတွေ NPC တွေကိုပါ ကျော်ဖြတ်ခဲ့ရတဲ့ သူရဲကောင်းတယောက်ရဲ့ အတွေ့အကြုံက လာတာဖြစ်သည်။

သူ့ရဲ့ အရင်ဘ၀က အသိဉာဏ်ရယ် သူ့စွမ်းရည်တွေရယ် အတော်ဆုံးဖြစ်ချင်တယ်ဆိုတဲ့ သူ့စိတ်ရယ် ပြီးတော့ သူ့ရဲ့ တဆင့်စီ ပလန်မှာ ပါ၀င်ကူညီနေပြီး သူ့ကို ပိုသန်မာစေသည်။