အသန်မာဆုံးဂိုဏ်းသခင် - ရူဒရာ (ဘာသာပြန်)

အခန်း ၀၅၀ ။ Tier အဆင့်တိုးမစ်ရှင်

အသန်မာဆုံးဂိုဏ်းသခင်

အခန်း၀၅၀ ။Tier အဆင့်တိုးမစ်ရှင်

ရူဒရာက နောက်ထပ် နေ့တ၀က်ကို လယ်ဗယ် ၃၀ ရောက်အောင် ကြိုးစားနေသည်။ လယ်ဗယ် ၃၀ ရောက်ပြီးနောက် သူ့ရဲ့ တန်ဆာပစ္စည်းတွေ အားလုံးကို လယ်ဗယ် ၃၀ ကို ပြောင်းလိုက်သည်။ ထိုချပ်၀တ်တန်ဆာတွေက သူ့ဂိုဏ်းက ထုတ်လုပ်ထားတဲ့ ပစ္စည်းတွေ ဖြစ်သည်။

သူရဲ့ အခြေအနေပြဇယားကို ခေါ်လိုက်သည်။

[ကစားသမားနာမည် - ရှာခူနီ]

[ဘွဲ့ - ဟေဇယ်ဂရုဗ်တိုင်းပြည်၏အမတ်၊ နာမည်ကြီးသော သူရဲကောင်း၊ သောလ်ရွာ၏ ကယ်တင်ရှင်၊ လေးစားစရာ ဆေးဆရာ၊ ဘုရားကျောင်း၏ ကိုယ်စားလှယ်]

[အမျိုးအစား - သူရဲကောင်း]

[အမျိုးအစားခွဲ - မရှိပါ]

[လယ်ဗယ် - ၃၀]

[Tier – 0]

[အခြေအနေဇယား]

[စွမ်းရည် : ၈၇ ခုခံအား : ၇၇]

[ရည်ရွယ်အား : ၇၃ ခွန်အား : ၇၂]

[ကာယစွမ်းအား : ၇၀ အသက် : ၈၀၀၀/၈၀၀၀]

[စာရင်းမသွင်းထားသော ပွိုင့် - ၁၆]

[လျှို့ဝှက်အခြေအနေဇယား]

[ကံကောင်းမှု - ???]

[ဆွဲဆောင်မှု - ???]

[ကံညံ့မှု - ၀]

[အခြေအနေ : ကျန်းမာ]

[ပစ္စည်း - ပြန်လည်ဆန်းသစ်ထားသော ချပ်၀တ်တန်ဆာ (လယ်ဗယ်၃၀) (၇ခု) လစ်ချ် လက်စွပ်]

[လက်နက် - လေခွင်း(ဓား), သာမန်လေး, မြှား, တော်၀င်ပုံစံတူဓား]

[စကေး - အမှောင်ခွင်းတိုက်ကွက်, ဒူရဟယ်စစ်သူကြီးကို ခေါ်ယူခြင်း, လေခွင်းတိုက်ကွက်, ထိခိုက်မှုဒဏ်စုပ်ယူခြင်း, ပေါက်ကွဲအား, အမှောင်ပေါက်ကွဲခင်း, သေမင်းခုတ်ဖြတ်တိုက်ကွက်]

[စီးမြင်း - မရှိသေးပါ]

[အိမ်မွေးတိရစ္ဆာန် - ထူးဆန်းသော ဥ (???)]

သူရဲ့ တန်ဆာပစ္စည်းတွေအားလုံးကို ‌ထုခွဲရောင်းချကာ ဆန်းသစ်ထားသော ချပ်၀တ်တန်ဆာကို ပြန်၀ယ်လိုက်သည်။ ရလဒ်အနေနဲ့ အ‌လေးချိန်ရဲ့ ၇၀ ရာခိုင်နှုန်း လောက် သက်သာသွားပြီး ခုခံအားက ၁၅ရာခိုင်နှုန်းလောက် တိုးလာစေသည်။ ထို့နောက် ခုခံဖိနပ်များပါ ရရှိသည်။ ဂိမ်းထဲတွင် ဒီအခြေအနေမှာ အကောင်းဆုံးအနေနဲ့ ရနိုင်တဲ့ ပစ္စည်းပင်ဖြစ်သည်။