အသန်မာဆုံးဂိုဏ်းသခင်အခန်း ၀၃၉ ။ အစီအစဉ်ချခြင်း
ရူဒရာက အေးအေးဆေးဆေး အကုန်လုံးတည်ငြိမ်သွားမည့် အချိန်ကို စောင့်နေသည်။ လူတိုင်းက သူတို့ရဲ့ ခေါင်းဆောင်အသစ်ကို တွေ့ဖို့ စိတ်လှုပ်ရှားနေကြသည်။ မကြာမီတွင် ဂိုဏ်းတစ်ခုလုံး ငြိမ်သက်သွားကာ အကုန်လုံးက ရူဒရာကို ကြည့်နေကြသည်။
"<<True Elites >> ကနေ ကြိုဆိုပါတယ်။ ဒီမှာရှိနေတဲ့ အကုန်လုံးက ဂိမ်းအရာမှာရော အသိပညာမှာပါ သာလွန်ကြ သူတွေပါ။ ကျွန်တော်တို့ဂိုဏ်းထဲက လယ်ဗယ်အနိမ့်ဆုံးလူတောင် လယ်ဗယ် ၂၃ ရှိပြီး ဂိမ်းထဲက လယ်ဗယ်အမြင့်ဆုံး နိထ်ဝဒ်တောင် လယ်ဗယ် ၂၈ ရှိပါတယ်" ရူဒရာက ပြောလိုက်သည်။
"အဲ့တော့ ဒီမှာ ပြောစရာက <<True Elites >> တစ်ယောက်ဖြစ်ရတာ ဂုဏ်ယူပါ။ ပြီးတော့ ဒီကလူတွေအားလုံးက တသားတည်းဆိုတာ နားလည်ထားပေးပါ။ ရိုးရှင်းတဲ့သူ၊ ရှက်တတ်တဲ့သူ၊ ခပ်မိုက်မိုက်သူ၊ လူကောင်း၊ လူဆိုး၊ အကုန်လုံး ဘယ်လိုကိုယ်ကျင့်တရားပဲ ရှိပါစေ အကုန်လုံးက Elite တွေကလွဲ တခြား ဘာမှ မဟုတ်ပါဘူး။ ပြီးတော့ ဒီမှာ ဘယ်သူ့ကိုမှ နှိမ့်ချဆက်ဆံခွင့်မရှိဘူးဆိုတဲ့ ကျွန်တော့် စကားကို မှတ်ထားပါ" သူ မျက်လုံးတွေက လူအုပ်ထဲကို လှည့်လည်ကြည့်ကာ သူတို့ မျက်နှာအမူအရာတွေကို မြင်လိုက်သည်။
"ငါတို့အကုန်လုံးက Elite သာဆိုရင် မင်းစကားကို ဘာလို့ နားထောင်ရမှာလဲလို့ တွေးလာနိုင်ပါတယ်.... ဒီဂိုဏ်းက အကုန်လုံး ညီတူညီမျှဆိုရင် ဒီအတိုင်း စုဝေးတဲ့ ကလပ်တစ်ခုပဲလား၊ ရာထူးအပိုင်းအခြားတွေရှိတဲ့ ဂိုဏ်းမဟုတ်ဘူးလားလို့ မေးရင်တော့....အဲ့လိုမဟုတ်ပါဘူး အစကတည်းက တစ်ခုတည်း ရှင်းရှင်းလင်းလင်းပြောပြထားပါ့မယ်။ ဒါက ဂိုဏ်းတစ်ခုဖြစ်ပြီး ရာထူးအပိုင်းအခြားတွေ ရှိပါတယ်။ ဒါပေမယ့် ကိုယ့််ထက်ရာထူးနိမ့်တဲ့ သူကို ဖိနှိပ်ချုပ်ချယ် အထင်အမြင်သေးပိုင်ခွင့်မရှိပါဘူး၊ ဒါမှ ဦးစီးကြီးကြပ်တဲ့နေရာမှာ ပြဿနာတွေ မရှိမှာပါ"
အကုန်လုံးက စိတ်လှုပ်ရှားလာကြသည်....ဘာလို့ ဂိုဏ်းက ဒီလောက်တောင် တင်းကြပ်ရတာလဲ
VOUS LISEZ
အသန်မာဆုံးဂိုဏ်းသခင် - ရူဒရာ (ဘာသာပြန်)
AventureMMORPG: Rebirth of the Strongest Guild Master Chapter - 900+ (Completed) Author - Raj_Shah_7152 Translator - Black Pearl Translation Team
