အသန်မာဆုံးဂိုဏ်းသခင် - ရူဒရာ (ဘာသာပြန်)

အခန်း ၀၇၈ ။ ကိစ္စတွေပြောင်းလဲလာပြီ

အသန်မာဆုံးဂိုဏ်းသခင်

အခန်း ၀၇၈ ။ ကိစ္စတွေပြောင်းလဲလာပြီ

ရူဒရာ ထိုအိုရိုချီမာရုဆိုသော နာမည်ကို ကြားဖူးနေသလိုဖြစ်သည်။ ထိုကစားသမားနဲ့ပတ်သတ်တဲ့ မှတ်ဉာဏ်က ‌ဝေဝါးနေပေမယ့် သူက တိမ်ကိုးပါးတိုင်းပြည်က ကစားသမားတစ်ဦးဖြစ်ပြီး စူပါဂိုဏ်းတစ်ခုက စစ်သူကြီးဖြစ်သည်။

အဲ့ကစားသမားက ဘာလို့ ဟေဇယ်ဂရုဗ်မှာ ရှိနေရတာလဲ? ဒါက တန်ပြန်ပြောင်းလဲတာလား? ရူဒရာ ခေါင်းထဲတွင် မေးခွန်းများဖြင့် ပြည့်နှက်နေသည်။ သို့သော် အရေးကြီးဆုံးက ဆုံးရှုံးသွားတဲ့ ပွိုင့်တွေအတွက် တစ်ခုခုလုပ်ရမည် ဖြစ်သည်။

အိုရိုချီမာရု မစ်ရှင်ပြီးသွားတော့ သူက တစ်ဦးတည်းကစားသမားဖြစ်ပြီး ဒီလောက်မဲရစ်ပွိုင့်တွေ အများကြီး ရထားတဲ့အပြင် ခေါင်းလောင်းမစ်ရှင်ကို အောင်နိုင်တဲ့ စကေးတွေက သူဟာ လူတော်တစ်ယောက်ဆိုတာကို ဖော်ပြနေသည်။ ထို့ကြောင့် ဂိုဏ်းတော်တော်များများက သူ့ကို ခေါ်ချင်ကြသည်။

ပထမအဆင့်ဂိုဏ်းတော်တော်များများက အိုရိုချီမာရု သူတို့ဆီလာဖို့ အကောင်းဆုံး ကြိုးစားကြသည်။ သို့သော် အိုရိုချီမာရုက <<True Elites>> ဂိုဏ်းကိုပဲ ၀င်ချင်ပါတယ်ဆိုပြီး ငြင်းဆိုနေသည်။

ဒီအကြောင်းကို ကြားတော့ ပထမအဆင့်ဂိုဏ်းတွေက အကောင်းတကာ့အကောင်းဆုံးတွေကိုပဲရတဲ့ အိုရိုချီမာရုနဲ့ <<True Elites>> တို့ကို ကျိန်ဆဲနေကြသည်။

ပထမအဆင့်ဂိုဏ်းတွေ ငြင်းခံလိုက်ရတဲ့ သတင်းက နာမည်ကြီးသွားသည်။ ထို့နောက် တစုံတစ်ယောက်က #သူ့ကို ၀င်ခွင့်ပေးပါ ဆိုတဲ့ လှုပ်ရှားမှုကို <<True Elites>> ဂိုဏ်းအတွက် စတင်လိုက်သည်။

ရူဒရာကတော့ သိပ်သဘောမတူချင်ပေ။ ဒီအခြေအနေနဲ့ပတ်သတ်ပြီး သူ့စိတ်ထဲတွင် တစ်ခုခု မသိုးမသန့်ခံစားရသည်။ သို့သော် သူမဲရစ်ပွိုင့်တွေကို လိုချင်နေတာကြောင့် အိုရိုချီမာရုနဲ့ အင်တာဗျူးလုပ်ဖို့ ဆုံးဖြတ်လိုက်သည်။

ရူဒရာက အိုရိုချီမာရုကို စာပို့လိုက်သည်။ "Elites ထဲ၀င်ချင်ရင် ၁၅ မိနစ်အတွင်း ဂိုဏ်းအပြင်ဘက်ကို သတင်းလာပို့ချည်"