အသန်မာဆုံးဂိုဏ်းသခင်
အခန်း၀၅၆ ။ ခန့်မှန်းမရတဲ့NPCနဲ့ပြန်လည်တွေ့ဆုံခြင်း
ရူဒရာ စမ်းသပ်ချက်ကို SSS နဲ့ အောင်မြင်ခဲ့သည်။ သူ့တိုက်ပွဲအတွက် အကောင်းဆုံးစကေးတွေကို ရရှိထားတာဖြစ်သည်။
ဒါတွေက ထိုကြောင်မျက်လုံးနဲ့ အမျိုးသမီးရဲ့ အာရုံကို ဖမ်းစားနိုင်မလားဆိုတာ ရူဒရာ တွေးမိသည်။
သူက စမ်းသပ်ချက်နေရာကနေ ထွက်လာတဲ့နောက် သူမက သူ့ကို ပြုံးပြီးကြည့်နေသည်။ သူမက ထိခိုက်လိုတဲ့ ရည်ရွယ်ချက်မရှိတာ ရူဒရာ သေချာသည်။ သူမရဲ့ ကြောင်လိုမျက်နှာနဲ့ ပြုံးရယ်နေတာက ရူဒရာ ကို ငါးအကြီးကြီးလို ဝါးစားချင်နေပုံပင်။
ကြောင်အမျိုးသမီးက ပြောလိုက်သည်။ "မဂ်လာပါ စွန့်စားသူ၊ ငါ့နာမည်က ပတ်ထရစ်ရှာဗွန်နိုက်ဒ် ပါ။ ငါ့မိသားစုက နာမည်ကြီး အက်ဂက်တက်စ်ဗွန်နိုက်ဒ်ကနေ ဆင်းသက်လာတာပါ။ ဒီသူရဲကောင်းခန်းမက လူခန့်အပ်တာတွေ ရာထူးတိုးတာတွေက ငါတို့ရဲ့ တာ၀န်ပါ။"
ရူဒရာ အံ့သြသွားသည်။ အက်ဂက်တက်စ်ဗွန်နိုက်ဒ်သည် ဒဏ္ဍာရီ Tier 5 NPC ကစားသမားဖြစ်ပြီး ဂိမ်းသမိုင်းတွင် အသန်မာဆုံး သူရဲကောင်းတွေထဲက တစ်ယောက်ဖြစ်သည်။ အရင်ခေတ်က ဟေဇယ်ဂရုဗ်အင်ပါယာ သမိုင်းထဲတွင် သူက တစ်ယောက်တည်း အရှေ့တိုင်းမြေကို ဘီလူးတွေ လက်ထဲက ကာကွယ်ခဲ့သူဖြစ်သည်။ သူက နဂါးကို သတ်ခဲ့တဲ့ တကယ့်ကို ဒဏ္ဍာရီလာ သူရဲကောင်းဖြစ်သည်။
"မင်းကလေ ပထမဆုံး ဒီခန်းမထဲကို ၀င်လာပြီး တကယ့်ကိုအရည်အချင်းက လက်တွေ့ကမ္ဘာက လူတစ်ယောက်အနေနဲ့ စိတ်မပျက်စေရဘူး၊ မင်းက တခြားသူတွေလို စမ်းသပ်ချက်ကို ၀င်ဖြေပေမယ့် SSS အဆင့်ရလဒ်ကို ရခဲ့တယ်။ နှစ်၂၀အတွင်းမှာ မင်းက ပထမဆုံးဖြစ်ပြီး အချိန်တိုအတွင်း မင်းအင်အားက အများကြီး ခုန်ကျော်တက်သွားတာ" ပတ်ထရစ်ရှာက ဆက်ပြောလိုက်သည်။
"မင်းရဲ့ ချီးကျူးထိုက်တဲ့ လုပ်ဆောင်ချက်တွေက တကယ့်ကို စိတ်မပျက်စေရဘူးပဲ။ စကားလုံးထက် အလုပ်နဲ့ သက်သေပြလိုက်တာပဲ။ မင်းရဲ့ စစ်မှန်တဲ့ ပုံစံကို ပြလိုက်တာ.... ဒီမှာ ကောင်လေး မင်း အက်ဂက်တက်စ်ဗွန်နိုက်ဒ်ရဲ့လမ်းကို လိုက်ပြီး အရမ်းကို သန်မာပြီးတော်တဲ့ သူရဲကောင်းဖြစ်ချင်လား"
ESTÁS LEYENDO
အသန်မာဆုံးဂိုဏ်းသခင် - ရူဒရာ (ဘာသာပြန်)
AventuraMMORPG: Rebirth of the Strongest Guild Master Chapter - 900+ (Completed) Author - Raj_Shah_7152 Translator - Black Pearl Translation Team
