[Unicode]
အသန်မာဆုံးဂိုဏ်းသခင်
အခန်း ၀၂၃ ။ ဘုရားကျောင်းမစ်ရှင်၏ဆု
ရူဒရာ အလင်းဘုရားကျောင်းဂိတ်၀ကို ၀င်ကာ အလင်းရောင်နတ်ဘုရားမ ဆုတောင်းခန်းသို့ ရောက်လာပြန်သည်။ ပထမဆုံးအကြိမ် သူ ဒီကိုရောက်လာတုန်းက မစ်ရှင်ရဖို့အတွက် ယုံကြည်ချင်ယောင်ဆောင်ခဲ့ရသည်။ ဒီနေ့တော့ လက်တွေ့မှာဖြစ်ပျက်နေတာရော ဂိမ်းထဲက ရလာတဲ့ ဖိအားတွေကြောင့်ရော သူ့စိတ်ကို တည်ငြိမ်အောင်လုပ်ဖို့ တခုခု တကယ်ကိုလိုအပ်နေသည်။
ထိုနေရာတွင် ထိုင်ကာ ငိုပြီး နတ်ဘုရားမ ရုပ်ထုရှေ့တွင် ၀န်ခံဖွင့်ဟနေသည်.... ရူဒရာက လက်တွေ့ကမ္ဘာတွင်တောင် ဒီလိုလုပ်မယ့် သူ မဟုတ်ပေ။ သူက အယုံအကြည်ရှိသူမျိုးမဟုတ်ပေ။ ဂိမ်းထဲက ကာရိုက်တာရှေ့တွင်မို့ ပိုတောင် ထူးဆန်းနေသည်၊ သို့သော် သူ့စိတ်ကို တည်ငြိမ်စေသည်။ အဲ့တာက ပိုအရေးကြီးသည် ခဏအကြာတွင် သူ စိတ်ကြည်လင်သွားသည်။
သူ့ပုခုံးကို လူတစ်ယောက်က လာပုတ်သည် ပုပ်ရဟန်းမင်းကြီးဆိုတာကို သူ သိသည်။
“မင်္ဂလာပါ ပုပ်ရဟန်းမင်းကြီးလီ” ရူဒရာ နှုတ်ဆက်လိုက်သည်။
“မင်္ဂလာပါ အလင်းရောင်က မင်းနဲ့ အတူရှိပါစေ”
ရူဒရာက မစ်ရှင်ပစ္စည်းဖြစ်တဲ့ ကုန်သည်ရဲ့ မှတ်တမ်းကို ပေးလိုက်ပြီး သူ့ရှာတွေ့ခဲ့တာတွေကို ပုပ်ရဟန်းမင်းကြီး လီကို အသေးစိတ်ပြောပြနေသည်။
“ငါတို့ တိုင်းပြည်မှာ ပုံမှန်မဟုတ်တဲ့သူတွေပေါ်လာပြီ ထင်တယ်။ တိုင်းပြည်နဲ့ ဘုရားကျောင်းအတွက် လုပ်ပေးခဲ့တာတွေအတွက် ကျေးဇူးတင်ပါတယ်။ ဒီကိစ္စအတွက် မင်းကို ရွေးခဲ့တာ မမှားဘူးပဲ။ မင်းစိတ်ထဲက အလင်းရောင်က အလွန်တောက်ပတယ်”
“လုပ်သင့်တာကို လုပ်ခဲ့တာပါ”
“တာ၀န်သိတတ်ပြီး တော်တဲ့လူငယ်လေးပဲ တကယ့်ကို ငါတို့ဘုရားကျောင်းရဲ့ ကိုယ်စားလှယ်နေရာနဲ့ ထိုက်တန်တဲ့ သူပဲ။ စိတ်မပူပါနဲ့ ဘုရားကျောင်းက သင့်ရဲ့ ကြိုးစားမှုတွေကို လျစ်လျူရှုမထားပါဘူး ဘုရားကျောင်း ဂိုထောင်မှာ ဆုကြေးတွေ လာယူပါ”
ရူဒရာ နှလုံးခုန်သံတွေ မြန်လာသည်။ ဂန္တ၀င်ဘုရားကျောင်းရဲ့ဂိုထောင် ဂိမ်းထဲက ကစားသမားတစ်ယောက်ပဲ ၀င်ခဲ့ဖူးတဲ့ နေရာ..... ရတနာတွေရဲ့ အိမ်တော်!
JE LEEST
အသန်မာဆုံးဂိုဏ်းသခင် - ရူဒရာ (ဘာသာပြန်)
AvontuurMMORPG: Rebirth of the Strongest Guild Master Chapter - 900+ (Completed) Author - Raj_Shah_7152 Translator - Black Pearl Translation Team
