အပိုင်း(၁၂၂၆)ဓားသူတော်စင်၏ စကား
‘ဓားသူတော်စင်...’
သူ့မျက်စိရှေ့တွင်ရှိသော နံရံပေါ်တွင် ရေးထွင်းထားသည့် စာကြောင်းကိုမြင်ချိန်၌ သွမ့်လင်းထျန်၏ မျက်လုံးများ မှေးစင်းသွားသည်။
“ဒီဖန်ချင်းယန်က တကယ်သတ္တိရှိတာပဲ... သူ့ကိုယ်သူ ဓားသူတော်စင်လို့ ခေါ်ရဲတယ်”
သွမ့်လင်းထန်၏ အမြင်အရ သူ့ကိုယ်သူ သူတော်စင်ဟု ခေါ်ရဲသောလူတစ်ယောက်ဟာ အလွန်သန်မာသူတစ်ယောက်ဖြစ်ရမည်။
ဓားသူတော်စင်...
သူ့ကိုသူ ထိုကဲ့သို့ ခေါ်သောလူတစ်ယောက်သည် ဓားတာအိုအပေါ်တွင် နက်ရှိုင်းသောနားလည်မှုရှိရမည်။
“တကယ်လို့ ဒီ‘ဓား’ဆိုတဲ့စကားလုံးကို ချန်ထားခဲ့တဲ့လူက ဖန်ချင်းယန်သာဆိုရင် သူကတကယ်ကို ဓားသူတော်စင်ဘွဲ့နှင့် ထိုက်တန်တယ်...”
သွမ့်လင်းထျန်သည်ရေရွတ်၍ သူ့မျက်စိရှေ့မှ စာလုံးခုနှစ်လုံးကိုကြည့်လိုက်သည်။
အဆုံး၌ ‘ဓား'ဟူသောစာလုံးသည် အလွန်ရိုးရှင်းပုံရသော်လည်း သူ့ကိုချက်ချင်းပင် ပဉ္စမဆင့်အဆင့်မြင့် ဓားအနှစ်သာရအား နားလည်စေခဲ့သည်။ ထိုပြင် ၎င်းသည် သူ့အားကောင်းကင်အဆင့်မြင့်ဓားသိုင်းဖြစ်သော ကိုးနဂါးလင်းကို ပြီးပြည့်စုံမှုအဆင့်ထိ အောင်မြင်စေခဲ့သည်။
၎င်းသည် သူ့အား ကိုးနဂါးလင်းနှင့် ကိုးဒုက္ခဓားထိန်းနည်းစနစ်ကိုလည်း ပေါင်းစပ်နိုင်စေခဲ့သည်။
စာလုံးသည် အပေါ်ယံတွင်ရိုးရှင်းပုံရသော်လည်း ဓားချက်တိုင်းတွင် ဓားများ၏ သီအိုရီပါဝင်ကြောင်းသူသိသည်။
“ဓားတာအိုအပေါ် အတိုင်းအတာတစ်ခုထိ နားလည်မှုရှိ့တဲ့ ဓားသမားတစ်ယောက်ကပဲ ဒီလိုစာလုံးမျိုး ရေးထွင်းနိုင်လိမ့်မယ်...”
သွမ့်လင်းထျန်တွေးတောလိုက်သည်။
မကြာခင်၌ သွမ့်လင်းထျန်သည် သူ၏အတွေးနွံ့ထဲမှ ရုန်းထွက်လာကာ အပေါ်ကိုမော့ကြည့်လိုက်သည်။ သူသည် ဓားသူတော်စင်ဖန်ချင်းယန်ဟူသော စာလုံးများ၏ အထက်ကို ကြည့်လိုက်သည်။
‘ငါ အထက်ကိုမတက်ခင်မှာ သူတော်စင်တစ်ယောက်အနေနှင့် ငါ သိုင်းတာအိုသူတော်စင်နယ်မြေကနေပြီးတော့ ပင်လယ်ကိုခရီးထွက်ခဲ့တယ်... ငါက သေမျိုးအဆင့်တာအိုကျင့်ကြံသူနှင့် သေမျိုးအဆင့်သိုင်းသမားတွေ ဦးဆောင်တဲ့ မော်တယ်တိုက်ကြီးတွေကိုရောက်ဖူးတယ်…”
‘ငါက ငါ့ရဲ့ခရီးကို သေမျိုးအဆင့်သိုင်းသမားတစ်ယောက် ဦးဆောင်တဲ့ မော်တယ်တိုက်ကြီးမှာအဆုံးသတ်ခဲ့တယ်…'
‘ငါကမော်တယ်တိုက်သုံးခုမှာ ငါနဲ့ ကံကြမ္မာရေစက်ပါတဲ့သူအတွက် ဓားတာအိုအပေါ် ငါ့ရဲ့တစ်သက်တာနားလည်မှုကို ချန်ထားခဲ့တယ်'
‘တကယ်လို့ တစ်ယောက်ယောက်က ငါနားလည်တာရဲ့တစ်ဝက်လောက်ကိုနားလည်မယ်ဆိုရင် သူက သိုင်းတာအိုသူတော်စင်နယ်မြေကို ခရီးသွားရင် ကောင်းကင်ကိုတက်ပြီး အင်မော်တယ်တစ်ယောက်ဖြစ်လာလိမ့်မယ်...'
စာပိုဒ်သည် ထိုနေရာတွင်အဆုံးသတ်သွားခြင်းဖြစ်သည်။
ВЫ ЧИТАЕТЕ
ကောင်းကင်မှာ၀ဲပျံမည့်စစ်ဘုရင် (သွမ့်လင်းထျန်) Book 2 ခွင့်ပြုချက်ရပြီး
Приключенияကောင်းကင်မှာ ပျံဝဲမည့် စစ်ဘုရင် War Sovereign Soaring The Heavens( ကောင်းကင်မှာ ဝဲပျံမည့် စစ်ဘုရင် ) မူရင်းရေးသူ - Feng Qin Yang ဘာသာပြန်သူ - Tai Luminous (သွမ့်လင်းထျန်) လင်းထျန်ဟာ ကြောက်မက်ဖွယ်ရာ လက်နက်ကျွမ်းကျင်သူ တစ်ဦးဖြစ်ရုံသာမက အတွင်းအား ကျ...
