အပိုင်း(၁၂၁၆)ဒြပ်စင်ငါးခုဂိုဏ်း၏ ဝှက်ဖဲ
ပြန်လည်မွေးဖွားခြင်းသိုင်းအင်ပါယာရဲ့ ဒုတိယဘဝက နှစ်တစ်သောင်းလောက် ကြာသွားပြီ… ပြန်လည်မွေးဖွားခြင်းသိုင်းအင်ပါယာရဲ့ မှတ်ဉာဏ်တွေထဲမှာ အနှစ်တစ်သောင်းကြာတဲ့အင်အားစုဆိုလို့ ရှေးဟောင်းကလန်ကြီးနှစ်ခုပဲ ရှိတဲ့ပုံပဲ…
သွမ့်လင်းထျန်သည် ပြန်လည်မွေးဖွားခြင်းသိုင်းအင်ပါယာ၏ နှစ်ဘဝအတွေ့အကြုံများကို ရှာဖွေလိုက်သည်။
ပြန်လည်မွေးဖွားခြင်းသိုင်းအင်ပါယာ၏ မှတ်ဉာဏ်များအရ သူ၏ ပထမဘဝနှင့် ဒုတိယဘဝသည် နှစ်တစ်သောင်းစီ ကွာသည်။
အချိန်သည် လောကကြီးကို ကြီးမားသောအပြောင်းအလဲများ ယူဆောင်လာစေပြီး နှစ်တစ်သောင်းဟူသောအချိန်က အပြောင်းအလဲများစွာ ဖြစ်ပွားဖို့လုံလောက်သည်။
သူ၏ဒုတိယဘဝတွင် နှစ်တစ်သောင်းကြာပြီးနောက် ပထမဘဝ၌ သိသည့်ရှေးဟောင်းကလန်ကြီးနှစ်ခုသာ ကျန်ခဲ့သည်။
သူပထမဘဝတွင်သိသည့် အင်အားစုတိုင်းလိုလိုသည် သူ၏ ဒုတိယဘဝတစ်ခု၌ သမိုင်းမှတ်တမ်းတစ်ခုသာဖြစ်သွားခဲ့သည်။
၎င်းတို့က ရှိနေသေးလျှင်ပင် အတော်လေးကျဆင်းကာ ရှင်သန်ဖို့ရုန်းကန်နေရဖို့ များနေမည်ဖြစ်သည်။
“ဒီလိုဆိုတော့ ခူအယ်နဲ့ ဖေးလေးတို့ ရှိနေတဲ့အင်အားစုက ပြန်လည်မွေးဖွားခြင်းသိုင်းအင်ပါယာရဲ့ သုံးဘ၀ဝင်စားခြင်း ကျင့်စဉ်အောင်မြင်ပြီးမှ ပေါ်လာတဲ့ အင်အားစုတစ်ခုဖြစ်လောက်တယ်…”
သွမ့်လင်းထျန်သည် ထိုအချက်နှင့်ပတ်သက်ပြီး လုံးဝသေချာသည်။
ချင်ရှန်သည် ခူအယ်နှင့် လီဖေးတို့ရှိသည့် တိုင်းတစ်ပါးတိုင်းပြည်၏ အင်အားစုနာမည်ကို မသိသော်လည်း သွမ့်လင်းထျန်သည် သူမပြောသည့်စကားမှတစ်ဆင့် အရေးကြီးသော သဲလွန်စတစ်ခုကို ရယူနိုင်ခဲ့သည်။
နှင်းတောင်နဲ့ ချော်ရည်မီးတောင်…
နှင်းတောင်နှင့် ချော်ရည်မီးတောင်ရှိသည့် အင်အားစုဟူ၍ များများစားစားမရှိလောက်ပေ။
ငါနောက်ပိုင်း တိုင်းတစ်ပါးတိုင်းပြည်ကို သွားတဲ့အချိန်ကျရင် ဒီသဲလွန်စကို သုံးပြီးမေးရမယ်… ဂိုဏ်းက အဆင့်မြင့်တဲ့ဂိုဏ်းတစ်ခုသာဆိုရင် ငါအဲ့တာနဲ့ ပတ်သက်ပြီး တစ်ခုခုသိလောက်တယ်…
သွမ့်လင်းထျန် တွေးလိုက်သည်။
ESTÁS LEYENDO
ကောင်းကင်မှာ၀ဲပျံမည့်စစ်ဘုရင် (သွမ့်လင်းထျန်) Book 2 ခွင့်ပြုချက်ရပြီး
Aventuraကောင်းကင်မှာ ပျံဝဲမည့် စစ်ဘုရင် War Sovereign Soaring The Heavens( ကောင်းကင်မှာ ဝဲပျံမည့် စစ်ဘုရင် ) မူရင်းရေးသူ - Feng Qin Yang ဘာသာပြန်သူ - Tai Luminous (သွမ့်လင်းထျန်) လင်းထျန်ဟာ ကြောက်မက်ဖွယ်ရာ လက်နက်ကျွမ်းကျင်သူ တစ်ဦးဖြစ်ရုံသာမက အတွင်းအား ကျ...
