ကြိုးငါးဆယ်တပ် ဗျပ်စောင်း

အပိုင်း - ၆၁ ( ဒူးထောက်အရှုံးပေးခြင်း )

အပိုင်း - ၆၁ ( ဒူးထောက်အရှုံးပေးခြင်း )

အနောက်မြောက်ဒေသမှာ ကျယ်ဝန်းလှသော်ငြား လူနေကျဲပါး၏။ ထိုဒေသမှာ တောင်တန်းပေါများသည်မို့ တကယ်လည်း အခြေချဖို့ သိပ်မကောင်းပါ။ မြစ်တစ်စင်းတည်းနှင့်ပင် အိမ်ခြေတစ်ရာအတွက် လုံလောက်ပြီး ၊ ရှည်လျားကြီးမားသော လူနေအိမ်ယာများ ထူထပ်များပြားစွာ တည်ရှိသည့် အလွယ်ပိုင်းလွင်ပြင်ဒေသနှင့်မတူဘဲ၊ အနောက်‌ေမြာက်ပိုင်းဒေသမှာ လက်တစ်ဆုပ်စာ မြို့အရေအတွက်သာရှိကာ တောင်တန်းများကြား ကျိုးတိုးကျဲတဲပြန့်ကြဲနေသော ရွာအနည်းငယ်သာ ရှိပေ၏။

တောင်ကြားလမ်းများမှာ ဖြတ်သန်းသွားလာဖို့ သိပ်မလွယ်လှ။ ရံဖန်ရံခါ တစ်ရွာလုံးတွင် တဲလေးထိုး‌ထားသော အိမ် သုံးလေးငါးအိမ်သာ ရှိတတ်၏ ။

အနောက်မြောက်ဒေသမှာ ဝင်လာဖို့လည်းခက်ကာ ထွက်သွားဖို့လည်း ခက်သည်။ သို့သော် လူများကမူ အကြောက်တရားကင်းကာ ပွင့်လင်းရဲတင်းကြကာ ပြဿာနာရှာဖို့ရော လူသတ်ရာမှာမူ ဆရာကျကြသည်။

ယောက်ျားမိန်းမ လူကြီးလူငယ်မရွေး လယ်သမားပဲလုပ်လုပ် ခြင်းတောင်းပဲရက်ရက်၊ ထိုသူတို့မှာ ပုန်ကန်ချင်ပြီဆိုသည်နှင့် သတ္တုလက်နက်များအားလုံးကို ကောက်ကိုင်နိုင်ကြသည်။ မီးဖိုချောင်သုံးဓား၊ သစ်ခုတ်ပုဆိန်၊ သံဒယ်အိုး၊ ဇွန်းစသဖြင့် တစ်ဖက်လူကို တိုက်ခိုက်၍ရသည့်ပစ္စည်းမှန်သမျှ သုံးကြသည်။ ထို့ကြောင့် ရံဖန်ရံခါ ဧကရာဇ်တပ်မတော်ကြောင့် အရှုံးပေးရသည့်တိုင် ထိုသူတို့၏ စိတ်ဓာတ်နှင့်ခံယူချက်ကို ပြန်မပြင်နိုင်ကြ။

တစ်ဖက်တွင်လည်း ထိုသူတို့အား မိတ်ဖွဲ့ရန် ငွေနှင့်ရိက္ခာများဖြင့် ချော့ပေါင်းကြသည်။ ဤမျှဝေးလံခေါင်ဖျားသော ဒေသ၌ နေထိုင်ကြသည့် ဤလူများမှာ မြို့ပြယဉ်ကျေးမှုအား မသိကြဘဲ တိရစ္ဆာန်များပမာသာ နေကြကြောင်း ဒေသခံအရာရှိနှင့်တပ်သားများ အကုန်သိထားပြီးသားပါပေ။ ယခုတွင်မူ ငတ်မွတ်ခေါင်းပါးသည့်ဒဏ်ကြောင့် ဆာလောင်မွတ်သိပ်နေကြလို့ ငရဲခန်းတစ်ခုပမာ ဖြစ်နေသထြင့် သေချာစီစဉ်နိုင်လျှင် ထိုသူတို့မှာ ပြ ်သူကောင်းများဖြစ်လာနိုင်သည်။ ထိုသို့မစီမံနိုင်လျှင်တော့ အိမ်ခြေငါးခုသာရှိသော ရွာက အခြားရွာနှင့် မျိုးဆက်လိုက် အိမ်ထောင်ပြုကြသည်မို့ မည်သူက မာည်သူနှင့် အမျိုးတော်‌ေကြာင်း၊ မည်သူက တတိယအဒေါ် မည်သူက ဒုတိယအဘိုး‌ေလးဖြစ်မှန်း သိနိုင်ကြပါမည်မဟုတ်သဖြင့် ထိုအထဲမှ တစ်ယောက်ယောက်ကိုသာ သတ်မိသွားပါလျှငါ ကျန်သူများက တစ်စခန်းထမွှေမည်ဖြစ်ကာ မသေမချင်းလည်း အရှုံးမပေးကြပါ။  တစ်ယောက်ကို ချေမှုန်းနိုင်လျှင် ကျန်တစ်ယောက် ထပ်တက်လာမည်ထြစ်ကာ ဒေသခံနှင့် အစိုးရကြား သွေးစွန်းသော တိုက်ပွဲငယ်များ အဖန်တလဲလဲ ဖြစ်ပွား‌ေနတတ်၏။ ဤသည်မှာ ဓားချက်တစ်ထောင် ခံရသော်ငြား သေရဖို့မကြောက်ဘဲ ဧကရာဇ်ကို မြင်းပေါ်မှပင် ဆွဲချနိုင်၏ဆိုသော စကားအတိုင်း တစ်ထပ်တည်းပါပေ။