៣ខែកន្លងផុត....
៣ខែដែលថេយ៉ុងព្យាយាមស្តារក្រុមហ៊ុនឡើងវិញក្រោមជំនួយពីជុងហ្គុក ពេលដំបូងៗក៏ត្រូវជួបប្រជុំជាមួយអ្នករួមភាគហ៊ុនពាក់ព័ន្ធទៅនឹងគម្រោងProjectដែលត្រូវបានលួចយកទៅ និងការបង្កើតដាក់គម្រោងProjectថ្មីជំនួសវិញហើយបន្តឹងប្រព័ន្ធសុវត្ថិភាពក្រុមហ៊ុនជាងមុនដើម្បីផ្តល់ជាទំនុកចិត្តដល់អ្នករួមភាគហ៊ុនអោយបានស្ងប់ចិត្តថាអេវើលីនគ្រុបនៅតែអាចឈរជើងបាន ម្យ៉ាងពេលនេះត្រកូលដ៏មានអំណាចទាំងពីរខ្លាចជាគ្រួសារតែមួយធ្វើអោយអេវើលីនមានMDZគ្រុបជាខ្នងបង្អែកថែមទៀតមិនត្រឹមតែមិនជួបវិបត្តិក្ស័យធនអេវើលីនថែមទាំងរីកចម្រើនទៅមុខថែមទៀតផង។កន្លងមកបីខែនេះក៏ហាក់ស្ងាត់ដូចជាមិនឃើញមានបញ្ជូនមនុស្សអោយមកសម្លាប់ថេយ៉ុងទៀត ប៉ុន្តែពួកគេក៏មិនអាចសប្បាយភ្លេចខ្លួនព្រោះមិនដឹងថាខាងនោះសង្ងំរៀបចំផែនការអ្វីទៀតឡើយ ទើបពួកគេម្នាក់ៗប្រឹងប្រែងក្នុងការគាស់កកាយប្រមូលភស្តុតាងមកវិញពេលវេលកាន់តែទៅមុខក៏កាន់តែត្រូវក្តោបក្តាប់ឱកាសនេះ
វិមានម៉េនដូហ្សា
ថ្ងៃនេះជាថ្ងៃឈប់សម្រាកទើបពួកគេទាំងពីរមិនបានទៅក្រុមហ៊ុនឡើយ។ ម្នាក់ៗសង្ងំនៅមួយបន្ទប់រៀងខ្លួនព្យាយាមបំពេញការងារដែលបានចែកគ្នា
ក្រាកក!!!!
"ថេយ៉ុង!!! "ម្ចាស់ឈ្មោះងើបមុខទៅមើលមាត់ទ្វារសម្លឹងមើលអ្នកដែលហៅខ្លួនដែលស្រាប់តែចូលមកចាប់កាន់ដៃគេអោយងើបពីកៅអី
"មានរឿងជុងហ្គុក..."
"មកនេះ!បងមានអ្វីអោយអូនមក"
"អេហ៏..."ថេយ៉ុងមិនទាន់បានសួរតផងក៏ត្រូវគេអូសចេញពីបន្ទប់សៀវភៅមកកាន់បន្ទប់ធ្វើការរបស់គេភ្លាមៗ ពេលមកដល់ក៏ហុចឯកសារសឺមីខ្លាញ់ក្តាមមួយមកអោយគេ
"ឯកសារពាក់ព័ន្ធនឹងការស្លាប់របស់ម៉ាក់អូន!បងបានតម្រុយមកខ្លះហើយ!"ថេយ៉ុងគ្រាន់តែលឺញញឹមត្រេកអរបើកមើលវា ក៏ឃើញថាជាសំណុំរឿងក្តីត្រជាក់របស់អ្នកម៉ាក់គេដែលត្រូវបានបិតទុកចោលអស់ជាច្រើនឆ្នាំសន្និដ្ឋានត្រឹមថាជាគ្រោះថ្នាក់ចរាចរណ៏
YOU ARE READING
«ឱកាសដើម្បីស្រលាញ់» COMPLETE✔️
Romance«ខ្ញុំជាជម្រើសដ៏ល្អបំផុតសម្រាប់ឯង ប្រើប្រាស់សត្រូវដើម្បីបកស្បែកមុខពួកវាទៅថេយ៉ុង អេវើលីន!» ប្រលោមលោកបរទេសបែបប្រឌិត(omegaverse) [សូមអធ្យាស្រ័យទុកមុនបើសិនជាមានកំហុសឆ្គងកើតមាននៅត្រង់ប្រការណាមួយ]
