មួយសប្តាហ៏កន្លងផុត....
រឿងក្តីឃាតកម្មរបស់លោកហារីស និងអ្នកស្រីមីនអាត្រូវបានសើរើឡើងវិញសារជាថ្មី ក្រោយអំពីប៉ូលិសប្រមូលបានភស្តុតាងជាច្រើនដែលចង្អុលបង្ហាញទៅកាន់ឃាតករពិតប្រាកដ ព្រមទាំងមានបក្សពួករួមផ្សំគំនិតដែលជាអ្នកគ្រូពេទ្យនិងបុរសដែលហែកគុកនោះយល់ស្របនឹងប្រគល់ខ្លួនទៀតនោះបានក្លាយទៅជាសំណាញ់មួយចងរឹតខ្លួនអ្នកស្រីហ្សារ៉ានិងលោកដេននីសអោយរើមិនអោយរួចឡើយលើកនេះ
"ថ្ងៃនេះបងមិនចាំបាច់ជូនអូនទៅប៉ុស្ត៏ប៉ូលិសក៏បានដែរជុងហ្គុក អូនទៅជាមួយពូម៉ាវីនបាន"ថេយ៉ុងនិយាយប្រាប់អ្នកដែលកំពុងលើកពែងកាហ្វេក្រេបនៅតុអាហារអោយងាកមកមើលខ្លួន
"បែបនោះក៏បានចាំពេលថ្ងៃត្រង់ម៉ោងសម្រាកការងារបងទៅទទួលអូនទៅញ៉ាំបាយជុំគ្នា"
"រំខានបងទេដឹង?មួយរយ:នេះអូនឃើញក្រុមហ៊ុនបងមមាញឹកណាស់"តាំងតែពីក្តីចាប់ផ្តើមបើកដំណើរការថេយ៉ុងក៏ត្រូវចេញចូលជាមួយមេធាវីនិងម៉ាវីនជាញឹកញយដើម្បីផ្តល់ចម្លើយដល់ប៉ូលិសនូវមានការរៀបចំសំណុំឯកសារច្រើនទៀត ឯកសារខ្លះជុងហ្គុកជាអ្នកជួយមើលជួយចាត់ចែងអោយជំនួសប៉ុន្តែគេមិនចង់ស្វាមីកាន់តែស្មុគស្មាញជាមួយរឿងក្រុមហ៊ុនផងអីផងទេ
"ថ្ងៃត្រង់ម៉ោងសម្រាកញ៉ាំបាយហៅថារំខានដែរឬ? "
"ក៏អូនខ្លាចបងហត់ ត្រូវបើកឡានមកយកអូនទៅមកនឹងហើយ"
"គ្រាន់បើកឡានជូនភរិយាទៅមកវាគ្មានទៅហត់ស្អីទេ....ចិត្តថ្លើមអូនមិនចង់អោយបងឃើញមុខអោយបាត់នឹកខ្លះទេឬ?"ជុងហ្គុកងើបពីកៅអីដើរទៅកន្លែងដែលភរិយាកំពុងអង្គុយចាប់ច្របាច់ថ្ពាល់គេថ្នមៗមិនអោយឈឺឡើយ
"នឹកអី?នៅផ្ទះជាមួយគ្នារាល់ថ្ងៃសោះហ្នឹង!! "ថេយ៉ុងរអ៊ូមុខក្រញ៉ូវព្រោះតែជុងហ្គុកចាប់ច្បិចថ្ពាល់គេឡើងក្រហមអស់ មិនដឹងកើតអីចូលចិត្តតែលេងច្បិចថ្ពាល់គេរហូត
"នៅផ្ទះជាមួយគ្នា តែមួយអាទិត្យនេះបងឃើញមុខអូនតែពេលគេងប៉ុណ្ណោះ"វាក៏ដូចអ្វីដែលជុងហ្គុកថាមែនព្រោះម្នាក់ៗសុតសឹងតែមានមុខជំនួញរៀងខ្លួនទើបអោយតែព្រឹកឡើងនាំគ្នាបំបែកគ្នាទៅធ្វើការហើយ ទម្រាំជួបគ្នាវិញក៏ខ្ទង់១០ទៅ១១យប់ដែរ
YOU ARE READING
«ឱកាសដើម្បីស្រលាញ់» COMPLETE✔️
Romance«ខ្ញុំជាជម្រើសដ៏ល្អបំផុតសម្រាប់ឯង ប្រើប្រាស់សត្រូវដើម្បីបកស្បែកមុខពួកវាទៅថេយ៉ុង អេវើលីន!» ប្រលោមលោកបរទេសបែបប្រឌិត(omegaverse) [សូមអធ្យាស្រ័យទុកមុនបើសិនជាមានកំហុសឆ្គងកើតមាននៅត្រង់ប្រការណាមួយ]
